[᭓᭕35B]
᭓᭕᭞ᬮᬳᬶᬦ᭄᭟ᬧᬦ᭄ᬧᬶᬦᬾᬤᬶᬧᬤᬾᬰᬳᬦ᭄᭞ᬤᬾᬦᬶᬂᬲᬸᬩᬸᬓᬮᬸᬕ᭄ᬭᬳᬦᬾᬭᬶᬳᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬲᬂᬯᬸᬲ᭄ᬮᬫ᭄ᬧᬸᬲ᭄᭞ᬢ᭄ᬯᬧᬶᬲᬦ᭄ᬓᬶᬳᬘᬦ᭄᭞ᬧᬘᬂᬮᬶᬄᬓᬤᬾᬰᬭᬾᬄᬦ᭄ᬚᬕᬫᬸᬲᬸᬄ᭞ᬓᬾᬢᭀ
ᬘᬳᬶᬳᬯᬦᬦ᭄ᬢ᭄ᬯᬭᬜᬓ᭄ᬧᬋᬓ᭄ᬓᬧᬸᬭᬶ᭟ᬲᬂᬧ᭄ᬭᬪᬸᬓᬮᬶᬦ᭄ᬢᬂᬤᬸᬓ᭞ᬤ᭄ᬤ᭄ᬬᬳᬶᬤᬫᬗᬸᬢᬸᬲ᭄ᬫᬮᬶᬄ᭞ᬧ᭄ᬭᬫᬦ᭄ᬢ᭄ᬭᬶᬦᬾᬧᬢ᭄ᬧᬧᬢ᭄ᬮᬯᬸᬢ᭄᭞ᬲᬸᬩᬓᬳᬶᬘᬾᬦ᭄ᬲᬸᬭᬢ᭄᭞ᬫᬮᬾᬦ᭄ᬮᬾᬦᬦ᭄ᬧ
ᬚᬮᬦ᭄ᬜᬦᬾᬫᬜᬢᬸᬃ᭞ᬦᬾᬗᬗᬶᬦᬂᬲᬂᬓᬶᬮᬓ᭞ᬳᭂᬦ᭄ᬢᭀᬦᬾᬗᬮᭀᬤᬂᬗ᭄ᬯᬶᬦ᭄᭟ᬫᬧᬗ᭄ᬓᬸᬲᬦ᭄ᬲᬂᬲᬸᬭᬦ᭄᭞ᬦᬾᬗᬯᬸᬳᬂᬲᬂᬯᬶᬮᬓᬧᬧᬲᬶᬄ᭞ᬦᬾᬗᬚᬦᬂᬫᬲᬶᬄᬳᬦ᭄᭞ᬫᬧᬭ
ᬗ᭄ᬲᬂᬭᬩ᭞ᬢᬦ᭄ᬓᭀᬘᬧᬦ᭄ᬬᬦ᭄ᬳᬓᬸᬤᬂᬤᬶᬦᬲᬫ᭄ᬧᬸᬦ᭄᭞ᬧᬚᬮᬦᬾᬜᬢᬸᬃᬏᬤᭂᬰ᭞ᬓᬘᬸᬦ᭄ᬤᬸᬓ᭄ᬳᬘᬧᬂᬚᬦᬶ᭟ᬲᬸᬫᬪ᭄ᬬᬫᬫ᭄ᬩᬓ᭄ᬢᬲᬸᬭᬢ᭄᭞ᬧᬗᬦ᭄ᬤᬶᬓᬦ᭄ᬳᬶᬤᬲᬂ
[᭓᭖36A]
ᬳᬫᬯᬦᬸᬫᬶ᭞ᬧᬸᬦᬶᬓᬶᬓᬢᬗ᭄ᬕᬧ᭄ᬲᬫ᭄ᬧᬸᬦ᭄᭞ᬓᬧᬯᭀᬲ᭄ᬭᬲᬧᬶᬓ᭄ᬤᭂᬄ᭞ᬫᬗ᭄ᬤᬾᬧᬋᬓ᭄ᬓᬦᬕᬭᬭᬶᬂᬲᬂᬧ᭄ᬭᬪᬸ᭞ᬓᬗ᭄ᬕᬶᬓ᭄ᬲᬂᬘᬢᬸᬃᬦᬕᬭ᭞ᬗᬧᬶᬧ᭄ᬭᬲᬲ᭄ᬢᬶᬦᬾᬭᬶᬳᬶᬦ᭄᭞ᬳᬶᬗ᭄ᬕᬶᬄᬕᬸᬲ᭄ᬢᬶᬫᬦ᭄ᬢ᭄ᬭᬶᬳᬦ᭄ᬯ
ᬫ᭄᭞ᬤᭀᬦᬶᬂᬢᬶᬢ᭄ᬬᬂᬢᬦ᭄ᬧᬋᬓ᭄ᬓᬦᬕᬭᬶ᭞ᬗᭂᬫᬶᬢ᭄ᬧᬗ᭄ᬭᬶᬲ᭄ᬢᬦᬶᬂᬲᬢ᭄ᬭᬸ᭞ᬳᬦ᭄ᬜᬦᬭᬚᬦ᭄ᬤᬾᬯᬢ᭞ᬦᬾᬦᬶᬂᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬗᬦ᭄ᬤᬶᬓᬧᬸᬧᬸᬢ᭄᭞ᬫᬗ᭄ᬤᬾᬧᬋᬓ᭄ᬓᬦᬕᬭ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬫᬶᬯᬮᬶᬦ
᭟ᬤᬾᬦᬶᬂᬲᬫᬶᬧᬜᬸᬦ᭄ᬲᬸᬗᬦ᭄᭞ᬫᬓᬓᬮᬶᬄᬧᬗᬦ᭄ᬤᬶᬓᬦᬾᬳᬶᬭᬶᬂ᭞ᬢᬶᬗ᭄ᬓᬳᬶᬂᬲᬸᬪᬓ᭄ᬢᬶᬦᬸᬮᬸᬲ᭄᭞ᬫᬗ᭄ᬤᬾᬢᬦ᭄ᬓᬍᬢᭂᬳᬦ᭄᭞ᬧᬸᬦᬶᬓᬶᬧᬸᬗ᭄ᬕᬮᬦ᭄ᬧᬋᬓ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞ᬮᬯᬾᬬᬦ᭄ᬢᬶᬢ᭄ᬬᬗᬾᬚᬸ
ᬫᬄ᭞ᬗᬶᬭᬶᬂᬳᬦ᭄ᬤᬶᬓᬦᬾᬭᬶᬳᬶᬦ᭄᭟ᬳᬸᬘᬧᬂᬫᬦᬶᬲ᭄ᬫᭂᬗᬦ᭄᭞ᬤᬯᬸᬄᬧᬶᬲᬦ᭄ᬲᬂᬘᬢᬸᬃᬢᬦ᭄ᬤᬫᬲᬸᬘᬶ᭞ᬫᬲᬮᬶᬦ᭄ᬧᬸᬧᬸᬢ᭄ᬫᬓᬫ᭄ᬧᬸᬄ᭞ᬧᬸᬢᬶᬄᬕᬕᬸᬮᬸᬂᬲᬸᬢ᭄ᬭ᭞ᬓᬧᬫ᭄ᬭᬚᬦ᭄ᬫᬜᬓ᭄ᬱ᭄ᬬᬂᬭᬕᬫᬧ᭄ᬭ
Kaca:Bali-lontar-paparikan-tantri-03-250ppi.pdf/36
Kaca punika durung kauji-waca
