[᭒ 2B]
᭒᭞ᬘᬶᬭ᭞ᬧᬸᬜᬦ᭄ᬩᬸᬗᬫᬋᬤ᭄ᬤᬄ᭞ᬲᬂᬧ᭄ᬭᬪᬸᬤᬤᭂᬂᬫᬗᬓ᭄ᬱᬶ᭞ᬲᬢᬢᬶᬗ᭄ᬓᬳᬦ᭄᭞ᬦᭂᬓᬦ᭄ᬢᭂᬦ᭄ᬭᬶᬦᬕᬭᬶ᭟ᬮᬍᬫᬮᬾᬦᬧᬓ᭄ᬳᬲᬢ᭄ᬢᬸᬭᬶᬂᬚᬶᬫ᭄ᬩᬃ᭞ᬳᬶᬮᬾᬲᬮᬶᬂᬮᬶᬗ᭄ᬕᬦᬶᬦ᭄᭞ᬫᬯᬗᬸᬦ᭄ᬯᬗᬸ
ᬦᬦᬄ᭞ᬭᬲᬜᬧᬧᬢᬸᬢᬦ᭄᭞ᬢᬶᬦ᭄ᬮ᭄ᬭᬮᭀᬓᬦᬾᬫᬧᬮᬶᬄ᭞ᬢᭀᬂᬳᬤᬓ᭄ᬯᬂ᭞ᬳᬸᬫᬳᬾᬫᬕᬸᬩᬸᬕ᭄ᬢᬶᬢᬶᬩ᭄᭟ᬭ᭄ᬯᬭᬳᬤᬢ᭄ᬯᬭᬫᬗ᭄ᬮᬶᬬᬗᬶᬤ᭄ᬫᬦᬄ᭞ᬯᬯᬗᬸᬦᬦᬾᬲᬫᬶ᭞ᬫᬯᬓ᭄ᬓᬫ᭄ᬮᬳᬦ᭄᭞
ᬘᬶᬭᬶᬦ᭄ᬍᬩᬶᬳᬦ᭄ᬓᬲᬸᬓᬦ᭄᭞ᬕᬯᬾᬦᬾᬢ᭄ᬓᬗᬧᬾᬤᬶᬦ᭄᭞ᬩᬸᬗᬢᬺᬗ᭄ᬕᬦ᭞ᬧᬧᬬᬲᬦ᭄ᬫᬓᬤᬶ᭟ᬩᬶᬮᬂᬕᬸᬩᬸᬕ᭄ᬕᬸᬩᬸᬕ᭄ᬭᬫᬾᬫᬓᬍᬕᬦ᭄᭞ᬲᬮᬶᬂᬳᬶᬧᬸᬓ᭄ᬫᬕᬶᬮᬶᬃ᭞ᬦᬩᬸᬄᬢᬢᬩᬸᬳᬦ᭄᭞
ᬕᭀᬂᬲ᭄ᬫᬭᬧᬕᬸᬮᬶᬗᬦ᭄᭞ᬳᬲᭂᬧ᭄ᬫᭂᬜᬦ᭄ᬗᬮᬶᬓ᭄ᬳᬮᬶᬓ᭄᭞ᬫᬢᬢᬶᬫ᭄ᬩᬮᬦ᭄᭞ᬢ᭄ᬓᬾᬂᬓᬶᬤᬸᬂᬓᬓᬯᬶᬦ᭄᭟ᬧᭀᬮᬧᬮᬶᬦ᭄ᬕᬯᬾᬦ᭄ᬳᬶᬫᬾᬫᬾᬳᬶᬩᬧ᭞ᬓᭀᬘᬧ᭄ᬧᬗ᭄ᬮᬦ᭄ᬢᬸᬂᬳᬸᬭᬶᬧ᭄᭞ᬫᬕᬸᬜ᭄ᬘᬶ
[᭓ 3A]
ᬗᬂᬧᬤᬓ᭄᭞ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬳᬾᬦᬓ᭄᭞ᬜᬶᬗᬓ᭄ᬚᬤ᭄ᬫᬦᬾᬮ᭄ᬯᬄᬫ᭄ᬯᬦᬶ᭞ᬫᬕᬕᬶᬭᬲᬦ᭄᭞ᬫᬚᬳᬦ᭄ᬦᬸᬳᬸᬢ᭄ᬫᬃᬕ᭄ᬕᬶ᭟ᬭᬾᬭᬤ᭄ᬭᬾᬭᭀᬤ᭄ᬢᭂᬩᭂᬂᬳᬢᭂᬄᬜᬫᬩ᭄ᬭᬬ᭞ᬓᬧᬗ᭄ᬲᬾᬂ
ᬓᭀᬮᬂᬭᬭᬶᬲ᭄᭞ᬲᬂᬧ᭄ᬭᬪᬸᬫᬶᬦᬳ᭞ᬲᬚᬢᭀᬂᬳᬤᬳᬲᬄ᭞ᬢ᭄ᬓᬾᬦ᭄ᬍᬕᬦᬾᬫᬩᬸᬜ᭄ᬘᬶᬂ᭞ᬧᬫ᭄ᬭᬕᬢ᭄ᬲᬸᬓ᭞ᬲᬓᬮᬫᬸᬂᬧᬸᬂᬳᬸᬭᬶᬧ᭄᭟ᬧᬲ᭄ᬫᭂᬗᬦ᭄ᬲᬂᬧ᭄ᬭᬪᬸᬐᬰ᭄ᬯᬃᬬ᭄ᬬᬤᬮ᭞
ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬂᬲᬸᬘᬶ᭞ᬫᬲᬮᬶᬦ᭄ᬪᬸᬲᬦ᭞ᬲᬃᬯ᭄ᬯᬧᬸᬢᬶᬄᬫᬓᭂᬚᬂ᭞ᬢ᭄ᬓᬦᬶᬂᬳᬸᬦ᭄ᬢᬸᬦᬾᬧᬸᬢᬶᬄ᭞ᬢᬸᬫᬸᬮᬶᬫᬸᬗ᭄ᬕᬄ᭞ᬭᬶᬂᬩᬮᬾᬤᬫᬮᬶᬗ᭄ᬕᬸᬄ᭟ᬫᬸᬮᬸᬂᬭᬲᬮᬸᬫ᭄ᬓᬲ᭄ᬫᬕᬕ᭄ᬮᬭᬦ᭄᭞ᬫᬢᬶ
ᬢᬶᬲ᭄ᬲᬗᬸᬢ᭄ᬧᬢᬶ᭞ᬲ᭄ᬢᬶᬢᬶᬧ᭄ᬭᬮᬶᬦ᭄᭞ᬳᬸᬲᬦᬾᬲᬧᬸᬦᬶᬓ᭞ᬫᬕᭂᬓ᭄ᬢᭀᬲ᭄ᬦᬸᬲᬦᬫᬮᬶᬄ᭞ᬗ᭄ᬭᬗ᭄ᬲᬸᬓ᭄ᬓᬕᬸᬗᬦ᭄᭞ᬫᬓᬫ᭄ᬧᬸᬄᬕ᭄ᬭᬶᬗ᭄ᬲᬶᬂᬭᬶᬗ᭄ᬕᬶᬢ᭄᭟ᬫᬩᬸᬮᬂᬲᬸᬢ᭄ᬭᬧᬸᬢᬶᬄᬫ
