[᭒᭓23B]
᭒᭔᭞ᬤᬦ᭄᭞ᬫᬗᭀᬚᭀᬧᬸᬶᬕ᭄ᬧᬗ᭄ᬓᬸᬂᬚᬭᬂ᭞ᬓᬧᬮᬦ᭄ᬩᬲᭀᬗᬾᬫᬮᬶᬄ᭞ᬫᬤᬦ᭄ᬳᬶᬦᭀᬳᬦ᭄᭞ᬤᬤ᭄ᬯᬢ᭄ᬓᬾᬦ᭄ᬳᬶᬢᬢᬶᬢ᭄᭟ᬫᬗ᭄ᬭᬶᬬᬸᬓ᭄ᬢᭂᬩᬾᬦᬶᬂᬭᭀᬯᬂ᭞ᬳᬶᬄᬓᬾᬦ᭄ᬓᬾᬦ᭄ᬲᬗ᭄ᬓᬜ᭄ᬘᬳᬶ᭞ᬩ᭄ᬮᬶᬢ᭄ᬫᬮᬸᬮᬸᬦᬦ᭄᭞ᬢᬓᬸᬢ᭄ᬯᭂᬓᬾᬦ᭄ᬫ
ᬜ᭄ᬚᬗᬦ᭄᭞ᬫᬸᬮᬩᬗᬓ᭄ᬱᬦ᭄ᬘᬳᬶ᭞ᬚᬸᬮᬶᬳᬶᬂᬓᬸᬤ᭞ᬤᭀᬂᬓᬲᬳᬢᬂᬕᬢᬶ᭟ᬧᬗᬦ᭄ᬤᬶᬓᬦ᭄ᬳᬶᬤᬦᬾᬲᬧ᭄ᬭᬪᬸᬲᬶᬗ᭄ᬳ᭞ᬧᬶᬢᬸᬯᬶᬦ᭄ᬘᬳᬶᬫᬢᬶ᭞ᬗᬫᬸᬓ᭄ᬤᬶᬧᬲ᭄ᬬᬢᬦ᭄᭞ᬮᬫᬸᬦ᭄ᬲᬸᬩᬗᬾᬂᬯ᭄ᬬᬂ᭞ᬮᬶᬗ᭄ᬕᬶᬄ
ᬳᬶᬤᬦᬾᬲᬂᬳᬚᬶ᭞ᬳᭂᬦ᭄ᬢᭀᬳᬯᬦᬦ᭄᭞ᬘᬳᬶᬫᬦ᭄ᬤᬸᬓᬧ᭄ᬍᬯᬶᬄ᭟ᬓᬾᬢᭀᬫᬸᬜᬶᬦ᭄ᬜᬦᬾᬳᬶᬢᬢᬶᬢ᭄ᬳᬶᬦᭀᬳᬦ᭄᭞ᬭᭀᬯᬗᬾᬓᬢᬸᬢᬸᬃᬭᬶᬦ᭄᭞ᬍᬕᬬᬦ᭄ᬤᬶᬗᭂᬳᬂ᭞ᬫᬩᬸᬤᬶᬩ᭄ᬯᬶᬦ᭄ᬫᬲ᭄ᬬ
ᬢ᭄᭞ᬢ᭄ᬯᬭᬗᬶᬢᬸᬂᬧᬘᬂᬫᬢᬶ᭞ᬳᭂᬦ᭄ᬤᭂᬄᬧᬓᬾᬂᬓᬂ᭞ᬓ᭄ᬭᬸᬭᬗ᭄ᬭᬾᬂᬗᬶᬤᭂᬭᬶᬦ᭄᭟ᬲᬢ᭄ᬫᬓᬬᬂᬩᬸᬓᬧᬲᬶᬳᬾᬫᬮ᭄ᬯᬩ᭄᭞ᬫᬮᬶᬫ᭄ᬩᬄᬫᬗᭂᬗᭂᬓᬶᬦ᭄᭞ᬲᬯᭂᬯᭂᬗ᭄ᬓᭀᬦ᭄ᬳᬮᬲ᭄᭞ᬳᬓᬾᬢᭀᬳᬸᬧᬫᬶᬦ᭄ᬜ᭞ᬢᬶᬗ᭄ᬓᬄ
[᭒᭔24A]
ᬩᬲᭀᬗᬾᬗᬶᬚᭂᬗᬶᬦ᭄᭞ᬢ᭄ᬯᬭᬚᬗ᭄ᬓᬬᬦ᭄᭞ᬗ᭄ᬕᬸᬢ᭄ᬕᬸᬢ᭄ᬫᬫ᭄ᬩᬾᬤᬾᬩᬢᬶᬮ᭄᭟ᬢᬦ᭄ᬯᬶᬮᬗᭂᬦ᭄ᬦᬾᬗᭂᬫ᭄ᬩᬸᬮᬶᬦ᭄ᬲᬂᬳᬦ᭄ᬤᬓ᭞ᬤᬶᬳᬋᬧ᭄ᬮᬾᬦ᭄ᬤᬶᬤᬭᬶ᭞ᬗ᭄ᬕᭂᬋᬂᬫᬳᬸᬲᬸᬗᬦ᭄᭞ᬢᬦ᭄ᬓᬾᬯᭂᬄᬮᬂᬳᬦ᭄ᬤᬓ᭞ᬗᬧᬾᬃᬗᬾ
ᬗ᭄ᬓᭀᬢ᭄ᬗᬸᬩᬣᬩᬶᬢ᭄᭞ᬳᬶᬗᬮᭀᬂᬧᬜ᭄ᬚᬓ᭄᭞ᬤᭂᬓ᭄ᬤᭂᬓ᭄ᬋᬫᬸᬓ᭄ᬮᬾᬦ᭄ᬫᬢᬶ᭟ᬦᬤ᭄ᬭᬸᬫ᭄ᬧᬓ᭄ᬓᬕᬸᬮᬸᬂᬲᬫ᭄ᬩᭂᬄᬧᬩᬺᬲᬢ᭄᭞ᬮᬂᬳᬦ?ᬤᬓᬗᭂᬧᬸᬗᬶᬦ᭄᭞ᬳᬤᬢᭀᬦᬾᬤᬤ᭄ᬯ᭞ᬳᬶᬢᬢᬶᬢ᭄ᬓᬾᬦ᭄ᬳᬶᬦᭀᬳ
ᬦ᭄᭞ᬓᭂᬲ᭄ᬓᭂᬰᬗᭀᬩ᭄ᬓᭂᬲᬤ᭄ᬓᬸᬦᬶᬂ᭞ᬗᬦᭂᬗᬦ᭄ᬢᭂᬦᬂ᭞ᬭ᭄ᬯᬗᬾᬲᬶᬂᬓᬋᬧ᭄ᬫᬢᬶ᭟ᬢᭀᬳᬯᬦᬦ᭄ᬢᬓᬸᬢ᭄ᬢᭀᬂᬩᬦᬶᬫᬮ᭄ᬬᬢ᭄᭞ᬜᬭᬸᬢ᭄ᬘᬸᬢ᭄ᬓ᭄ᬯᬶᬲ᭄ᬓ᭄ᬯᬶᬲ᭄᭞ᬢ᭄ᬯᬭᬫᬢᭀᬮᬶᬳᬳᬸᬶᬦ᭄᭞ᬧᬜ᭄ᬚᬦᬾᬮ᭄ᬤᬸ
ᬳᬶᬮᬂ᭞ᬮᬩᬸᬄᬓᬧᬗ᭄ᬓᬸᬗᬾᬲ᭄ᬭᬶᬧᬶᬢ᭄᭞ᬜ᭄ᬮᬸᬦ᭄ᬲᬸᬓ᭄ᬕᬢ᭄ᬗᬄ᭞ᬩᬶᬮᬂᬩᭂᬢ᭄ᬢᭀᬗᭀᬲ᭄ᬗᭂᬧᬶᬮ᭄᭟ᬳᬤᬧᬮᬶᬂᬢ᭄ᬯᬭᬳᬶᬗᭂᬢ᭄ᬢᭂᬓᬾᬦ᭄ᬳᬫ᭄ᬩᬄ᭞ᬧᬢᬶᬳᬤᭂᬔᬤᭂᬦᬶᬦ᭄᭞ᬳᬤᬦᬾᬲᬗ᭄ᬲᬭ᭞ᬧᬾᬭᭀᬢ᭄ᬫᬓ
Kaca:Bali-lontar-paparikan-tantri-03-250ppi.pdf/24
Kaca punika durung kauji-waca
