[᭑᭒᭕125B]ᬮᬦᬾᬫᬲᭂᬓ᭄ᬲᭂᬓ᭄ᬲᬮᬶᬂᬢᬸᬮᬸᬤᬂ᭞ᬮᬸᬄᬫ᭄ᬯᬦᬶᬧᬚ᭄ᬭᬶᬢ᭄᭞ᬚᭂᬚᭂᬮ᭄ᬲᬬᬦ᭄ᬢᭂᬓ᭞ᬦᬾᬫᬩᬮᬶᬄᬭᬦ᭄ᬢᬩᬦ᭄᭞ᬩᬚᬂᬢ᭄ᬯᬘ᭄ᬭᬶᬓ᭄ᬓᭂᬮᬶᬄ᭞ᬳᬤᬦᬾᬜᬶᬗᬮ᭄᭞ᬦᬦ᭄ᬤᬦ᭄ᬮᬾᬦ᭄ᬳᬤᬜᬸᬗ᭄ᬕᬶ᭟ᬳᬤᬗ᭄ᬮᬶᬂᬓᬾᬮᬗᬦ᭄ᬧᬦᬓ᭄ᬘᬸ
ᬘᬸᬜ᭞ᬫᬤᬸᬓᬦ᭄ᬓᬳᬶᬮᬶᬤᬶᬦ᭄᭞ᬩᬦ᭄ᬚᬦ᭄ᬫᬮᬓ᭄ᬱᬬᬦ᭄᭞ᬧᬕᬺᬤᬩ᭄ᬫᬋᬩᬸᬢ᭄ᬳᬫ᭄ᬩᬄ᭞ᬩᬸᬓᬾᬫᬲ᭄ᬧᬸᬓ᭄ᬗᬩᬩᬶᬦ᭄᭞ᬳᬮᬄᬳᬗ᭄ᬓᬩᬂ᭞ᬳᬤᬦᬾᬘ᭄ᬭᬶᬓ᭄ᬘ᭄ᬭᬶᬓ᭄᭟ᬚᬮ᭄ᬫᬦᬾᬧᬤᬜᬸᬭᬕ᭄ᬲᭂᬓᬭᬸᬭ᭞ᬳᬤᬦᬾ
ᬲᬮᬶᬂᬓᭂᬢᬶᬓ᭄᭞ᬫᬸᬳᬸᬕ᭄ᬲᬮᬶᬂᬢᬶᬜ᭄ᬚᬓ᭄᭞ᬲᬮᬶᬂᬓᬧᬾᬃᬫᬋᬩᬢ᭄᭞ᬫᬕᬸᬩᭂᬕ᭄ᬲᬮᬶᬂᬢᭀᬓ᭄ᬢᭀᬓᬶᬦ᭄᭞ᬳᬲᬶᬂᬓᬸᬘᬶᬯ᭞ᬧᬓ᭄ᬭᬓ᭄ᬫᬸᬂᬗ᭄ᬮᬶᬂ᭟ᬓᬤᬸᬓ᭄ᬮᬘᬸᬂᬓᬋᬩᬸᬢ᭄ᬳᬲᬶᬂᬩᬓᬢᬂ᭞ᬧᬓᭀᬯᬢᬶᬦ᭄ᬗᬳᬦ᭄ᬮᬶᬂ᭞ᬫᬶ
ᬲᬸᬄᬦᭂᬫᬄᬦᭂᬫᬄ᭞ᬫᬾᬄᬫᬦᬶᬜ᭄ᬘᬧ᭄ᬤᬶᬲ᭄ᬫ᭞ᬩᬤᬾᬦᬾᬓᬕᬾᬭᬾᬓ᭄ᬫᬫᬃᬕ᭄ᬕᬶ᭞ᬲᬳᬸᬧᬘᬭ᭞ᬦᬾᬗᬩᬧᬚᬸᬭᬶᬕ᭄ᬚᬶᬕ᭄᭟ᬲᬸᬭᬓ᭄ᬫᬸᬳᬸᬕ᭄ᬫᬢᬶᬫ᭄ᬧᬮ᭄ᬩᭂᬤᬶᬮ᭄ᬢᬦ᭄ᬧ᭄ᬕᬢ᭄᭞ᬢ᭄ᬓᭂᬤ᭄ᬤᬶᬲ᭄ᬫᬭᬭᬶᬲ᭄᭞ᬩᬤᬾᬦᬾᬫᬶᬍᬳᬦ᭄᭞
[᭑᭒᭖126A]ᬗᬶᬤᭂᬭᬶᬦ᭄ᬩᬮᬾᬩᬸᬜ᭄ᬘᬮ᭄᭞ᬧᬶᬂᬢ᭄ᬮᬸᬢ᭄ᬤᬸᬦᬦ᭄ᬭᬭᬶᬲ᭄᭞ᬫᬢᬸᬦ᭄ᬢᬸᬦ᭄ᬢᬗᬦ᭄᭞ᬲᬂᬧ᭄ᬭᬪᬸᬲᬋᬂᬲᬫᬶ᭟ᬕ᭄ᬮᬶᬲ᭄ᬫᬮᬶᬄᬫᬸᬗ᭄ᬕᬄᬦᬚᭀᬕ᭄ᬢᬶᬢᬶᬕᬗ᭄ᬲ᭞ᬮᬦ᭄ᬢᬭᬦ᭄ᬧ᭄ᬭᬫᬤᬦᬶ᭞ᬫᬳᬮᭀᬦ᭄ᬳᬮᭀᬦᬦ᭄᭞ᬧᬫᬃᬕ᭄ᬕᬶᬲᬤᬗ᭄ᬕ
ᬮ᭄ᬕᬮ᭄᭞ᬦᬾᬗᭂᬦᭀᬢ᭄ᬧᬤᬧᬲᭂᬗᬶ᭞ᬤᬤᬶᬧᬗᭂᬦᬦ᭄᭞ᬲᬂᬧ᭄ᬭᬪᬸᬢ᭄ᬯᬭᬫᬭᬶ᭟ᬤᬾᬦᬶᬂᬳᬦᭀᬫ᭄ᬧᬦ᭄ᬤᭂᬂᬢᬺᬱ᭄ᬡᬳᬶᬦ᭄ᬚᬕᬢ᭄᭞ᬓᬢᬸᬯᭀᬦ᭄ᬧ᭄ᬭᬫᬶᬲ᭄ᬯᬭᬶ᭞ᬓᬶᬭᬗᬦ᭄ᬧᬃᬘ᭄ᬮᬬ᭞ᬢ᭄ᬓᬾᬦ᭄ᬧᬗᬾᬫᬦ᭄ᬭᬓ᭞ᬫᬶᬭᬶᬗ᭄ᬢ
ᬦᬶᬭᬚᬧᬸᬢ᭄ᬭᬶ᭞ᬓᬲᬸᬩ᭄ᬳᬸᬢ᭄ᬢᬫ᭞ᬗᬤᬓᬂᬩᬸᬓᬚᬦᬶ᭟ᬲᬶᬂᬳ᭄ᬤᬦᭀᬮᬶᬄᬓᬲᬸᬓᬦ᭄ᬫᬦᬶᬓ᭄ᬲᬓ᭄ᬘᬧ᭄᭞ᬳᬤᬲᭂᬦᭂᬩ᭄ᬜᬳᬶᬦ᭄᭞ᬲᬚᬩᬲ᭄ᬓᬍᬩᬶᬳᬦ᭄᭞ᬢᬧᬩᬓᬮ᭄ᬧ᭄ᬯᬭᬜ᭞ᬚᬕᬢᬾᬕᬦ᭄ᬢᬶᬜ
ᬩᬺᬲᬶᬄ᭞ᬫᬩᬸᬭᬭᬓᬦ᭄᭞ᬳᬸᬩᭂᬓ᭄ᬫᬸᬲᬸᬄᬫᬗᭂᬮᬶᬦ᭄ᬤᬶᬄ᭟ᬢ᭄ᬗᬾᬲ᭄ᬢᭂᬗᬾᬲ᭄ᬳᬤᬗᬾᬗᬾᬲᬾᬢ᭄ᬗᬾᬲᬂ᭞ᬮᬶᬕ᭄ᬲᬶᬕᬦ᭄ᬧᭂᬲᬸᬫᬸᬜᬶ᭞ᬲᬂᬧ᭄ᬭᬪᬸᬦ᭄ᬤᬤᬓᬂ᭞ᬢ᭄ᬯᬭᬫᬤ᭄ᬯᬾᬧᬸᬢ᭄ᬭ᭞ᬳ᭄ᬜᬾᬦ᭄ᬦᬫᬤᬶᬦᬕᬭᬶ᭞ᬲᬂᬓᬮᬶᬄᬓᭀ
