[᭑᭒᭓123B]ᬤᬤᬶᬧᬮᬶᬮ᭞ᬧᬓᬬᬸᬦᬦ᭄ᬧ᭄ᬭᬫᬶᬲ᭄ᬯᬭᬶ᭞ᬲᬧᬜ᭄ᬚ᭄ᬭᭀᬯᬦ᭄ᬫᬶᬭᬕᬶ᭞ᬧᬓ᭄ᬭᬶᬓ᭄ᬧᬓ᭄ᬭᬓ᭄ᬫᬸᬳᬸᬕ᭄᭞ᬳᬾᬮᬶᬗᬾᬲᬮᬶᬂᬢᬶᬫ᭄ᬩᬮ᭄᭞ᬓᬍᬕᬦ᭄ᬲᬂᬧ᭄ᬭᬪᬸᬤᬤᬶ᭞ᬫᬲᬶᬮᬸᬂᬮᬸᬂ᭞ᬲᬋᬂᬭᬸᬲᬓ᭄ᬫᬧᬸᬧᬸ
ᬢᬦ᭄᭟᭐᭟ᬧᬸᬧᬸᬄᬤᬹᬃᬫ᭄ᬫ᭟ᬲᬫ᭄ᬧᬸᬦ᭄ᬮᬸᬫ᭄ᬭᬄᬯᬢ᭄ᬭᬭᬶᬂᬚᬩᬓᬧ᭄ᬬᬃᬱ᭞ᬳᬬᬢᬦ᭄ᬧ᭄ᬭᬫᬾᬲ᭄ᬯᬭᬶ᭞ᬧᬘᬂᬫᬧᬸᬧᬸᬢᬦ᭄᭞ᬲᬂᬧ᭄ᬭᬪᬸᬢᬸᬫᬸᬢ᭄ᬩᬾᬮ᭞ᬧ᭄ᬭᬫᬜ᭄ᬘᬫᬦ᭄ᬢ᭄ᬭᬶᬧᬧᬢᬶᬄ᭞ᬲᬶᬲᬸᬲᬕᬺᬳᬦ᭄᭞ᬗ᭄ᬭᬜ᭄ᬚᬶᬂ
ᬗᭂᬦᬓ᭄ᬓᬧᬸᬭᬶ᭟ᬚᬸᬚᬸᬢ᭄ᬫᬢᬸᬃᬫᬩ᭄ᬭᬶᬬᬸᬓ᭄ᬦᬸᬦᬲ᭄ᬦᬸᬲᬂ᭞ᬳᬯᬦᬦ᭄ᬧ᭄ᬭᬫᬶᬲ᭄ᬯᬭᬶ᭞ᬮᬫ᭄ᬧᬸᬲ᭄ᬓᬬᬸᬦ᭄ᬭᬸᬲᬓ᭄᭞ᬢ᭄ᬮᬲ᭄ᬓᬧ᭄ᬭᬤᬢᬬᬂ᭞ᬫᬸᬮᬩᬸᬓ᭄ᬢᬦ᭄ᬳᬶᬧᬸᬦ᭄ᬲᬫᬶ᭞ᬧᬤᬓᬾᬫᭂᬗᬦ᭄᭞ᬲᬓᬤᬦ᭄ᬦᬾᬫᬶᬭᬕᬶ᭟ᬲ
ᬳᬳᬾᬮᬶᬂᬫᬸᬗ᭄ᬯᬂᬲᬓᬶᬂᬧᬶᬢᬺᬱ᭄ᬡ᭞ᬗᬸᬦ᭄ᬢᭂᬂᬲᬸᬰ᭄ᬭᬸᬲᬦᬓ᭄ᬢᬶ᭞ᬤᬢᬓᬾᬮᬦ᭄ᬢᬗᬂ᭞ᬧᬲᬳᬸᬭᬾᬜᭂᬦ᭄ᬤᭂᬢᬂ᭞ᬫ᭄ᬮᬳᬦ᭄ᬓᭂᬫᬳᬶᬢᬸᬗᬶᬦ᭄᭞ᬳᬾᬗ᭄ᬕᬮᬂᬧ᭄ᬭᬕᬢᬂ᭞ᬳᬾᬢᬾᬄᬳᬾᬢᬾᬳᬾᬫᬢᬶ᭟ᬤᬾᬦᬾᬯ᭄ᬓᬲ᭄ᬫᬍᬩᬶ
[᭑᭒᭔124A]ᬳᬦ᭄ᬓᬧᬢᬸᬢᬦ᭄᭞ᬜᬸᬫ᭄ᬩᬄᬧᬤᬫᬧᬫᬶᬢ᭄᭞ᬩᬸᬤᬮ᭄ᬗᬚᬩᬬᬂ᭞ᬧᬤᬗᭂᬫ᭄ᬩᭂᬂᬬᬾᬄᬢᬶᬗ᭄ᬳᬮ᭄᭞ᬜᬓᬧ᭄ᬧᬕᬳᬾᬦ᭄ᬕᭂᬮᬶᬲ᭄᭞ᬗᬭᬳᬶᬦ᭄ᬭᭀᬯᬂ᭞ᬧᬤᬫᬲ᭄ᬩᭂᬂᬲ᭄ᬤᬶᬄ᭟ᬢᬶᬢᬶᬕᬗ᭄ᬲᬓᬺᬦ᭄ᬫᬫᬗᬸᬦ᭄ᬤᬶᬲ᭄ᬫᬵ᭞
ᬢᭀᬂᬳᬤᬢᬦᬶᬗ᭄ᬮᬶᬂ᭞ᬲᬦᬾᬫᬕᬭᬧᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬓᬲᬯᬾᬘᬦ᭄᭞ᬗᭂᬢᬶᬲᬶᬦ᭄ᬧᬶᬢᬸᬗᬦ᭄ᬲᬳᬶ᭞ᬤᬦᬢᬸᬃᬥᬃᬫ᭄ᬫ᭞ᬧᬭᬶᬓ᭄ᬱᬲᭀᬚᬃᬕᬸᬮᬶᬢᬶᬓ᭄᭟ᬧᬩ᭄ᬬᬬᬸᬳᬦ᭄ᬚᬤ᭄ᬫᬦᬾᬦᬫᬢ᭄ᬧᬓᬃᬬ᭄ᬬ᭞
ᬩᭀᬬᬯᬾᬦ᭄ᬢᭂᬦ᭄ᬗᭂᬭᬦ᭄ᬤᬢᬶᬦ᭄᭞ᬮᬶᬫᬩᬢᬶᬲ᭄ᬓᬢᬄ᭞ᬫᬤᬸᬫ᭄ᬳᬋᬧ᭄ᬳᬋᬧᬦ᭄᭞ᬤᬕᬶᬗᬾᬲᬫᬶᬗᬸᬗ᭄ᬓᬸᬮᬶᬦ᭄᭞ᬫᬯᬓ᭄ᬲᬓ᭄ᬘᬧ᭄᭞ᬲᬧᬓᬬᬸᬦᬫᬤᬕᬶᬂ᭟ᬫᬦᬸᬢ᭄ᬢᬶᬗ᭄ᬓᬄᬓᬤᬶᬓᬃᬬ᭄ᬬᬧᬢᬶᬢᬶᬯᬦ᭄᭞ᬲᬂ
ᬧ᭄ᬭᬪᬸᬗᬸᬢᬸᬲ᭄ᬭᬭᬶᬲ᭄᭞ᬗᬫᬃᬕ᭄ᬬᬂᬧᬸᬦ᭄ᬬ᭞ᬗᬢᬸᬭᬂᬭᬶᬂᬧᬤᬡ᭄ᬥ᭞ᬯᬢ᭄ᬭᬰᬶᬯᬩᬸᬤᬲᬫᬶ᭞ᬫᬜ᭄ᬘᬧᬸᬗ᭄ᬕᬯ᭞ᬚᬩᬚ᭄ᬭᭀᬓᬳᭂᬤᬸᬫᬶᬦ᭄᭟ᬭᬚᬩ᭄ᬭᬩᬲᬲᬶᬫ᭄ᬧᭂᬦᬦᬾᬭᬶᬂᬧᬸᬭ᭄ᬬᬦ᭄᭞ᬦᬾᬫᬸᬮᬫᬸᬮᬫᬶᬚᬶ
