᭑᭒᭐ [120B] ᬢ᭄ᬫᬄᬧᬢᬶ᭞ᬲᬂᬳᬦᬦ᭄ᬢᬫᬧᬫᬶᬢ᭄᭞ᬓᬲᬧ᭄ᬢᬧᬢᬮᬫᬦ᭄ᬢᬸᬓ᭄᭞ᬲᬂᬧ᭄ᬭᬪᬸᬦᬦᭂᬂᬲᬯᬢ᭄ᬓᬤᬶᬫᬩᬩᬯᭀᬲ᭄ᬓᬭᬶ᭞ᬢᬸᬗ᭄ᬕᬮ᭄ᬩᬸᬦ᭄ᬢᬸᬓ᭄᭞ᬭᬲᬗᭂᬦᬄᬩ᭄ᬯᬶᬦ᭄ᬢᭂᬓ᭟ᬢᬸᬃᬩᬸᬤᬮ᭄ᬓᬧᬲᬗ᭄ᬕ᭄ᬭᬳᬦ᭄᭞ᬫᬳᬶ
ᬧᬸᬓ᭄ᬳᬶᬧᬸᬓᬦ᭄ᬭᬭᬶᬲ᭄᭞ᬳᬶᬭᬶᬗᬦᬾᬓᬤᬯᭂᬕᬦ᭄᭞ᬩᬦ᭄ᬧᬗᬦ᭄ᬲᬩᬸᬤ᭄ᬥᬶ᭞ᬫᬋᬋᬧᬦ᭄ᬲᬯ᭄ᬗᬶ᭞ᬜ᭄ᬚᬾᬂᬧᬮᬶᬫᬸᬦᬦ᭄ᬫᬦ᭄ᬢᬸᬓ᭄᭞ᬲᬂᬧ᭄ᬭᬪᬸᬲᬫ᭄ᬧᬸᬦ᭄ᬩᬸᬤᬮ᭄᭞ᬕ᭄ᬮᬶᬲ᭄ᬦᬶᬦ᭄ᬘᬧ᭄ᬓᬦᬕᬭᬶ᭞ᬧ᭄ᬭᬫᬶᬲ᭄ᬯᬭᬶ᭞ᬲᬫ᭄ᬧᬸᬦ᭄ᬫ
ᬲᬮᬶᬦᬦ᭄ᬧᬬᬲ᭄᭟ᬢ᭄ᬯᬭᬧᬢᬶᬗᭀᬜᭀᬂᬓᬶᬮᬢ᭄᭞ᬫᬲᬶᬄᬳᬬᬸᬦᬾᬗᬬᭀᬦᬶᬦ᭄᭞ᬫᬓᬸᬭᬸᬩ᭄ᬕᬕᬸᬮᬸᬂᬲᬸᬢ᭄ᬭ᭞ᬧᬸᬢᬶᬄᬓᬓᭂᬫ᭄ᬩᬗᬦ᭄ᬭᬯᬶᬢ᭄᭞ᬫᬯᬲ᭄ᬢ᭄ᬭᬲᬸᬢ᭄ᬭᬕ᭄ᬭᬶᬂᬲᬶᬂ᭞ᬫᬧᬶᬗ᭄ᬕᭂᬮ᭄ᬫᬲ᭄ᬚᬕᬲᬢ᭄ᬭᬸ᭞ᬲᬲ᭄ᬓᬭ
ᬦᬾᬢᬦ᭄ᬲᬄᬓᬧᬦ᭄ᬤᬶᬕᬚᬄᬳᬕᬸᬮᬶᬃ᭞ᬧᬸᬢᬶᬄᬗᭂᬫ᭄ᬧᬸᬃ᭞ᬲᭂᬗ᭄ᬓᬃᬳᬦ᭄ᬢᬮ᭄ᬳᬫ᭄ᬧᭂᬢ᭄ᬳᬫ᭄ᬧᭂᬢᬦ᭄᭟ᬳᬸᬦ᭄ᬢᬸᬦᬾᬩ᭄ᬗᬄᬦ᭄ᬤᬮᬶᬫ᭞ᬘᬗ᭄ᬓᭂᬫ᭄ᬤᬤᬶᬜᭂᬜᭂᬧ᭄ᬫᬦᬶᬲ᭄᭞ᬘᬘᬶᬗᬓᬾᬲᬯᬂᬳᬾᬕᬃ᭞ᬓᬃᬤᬶᬫᬢ᭄ᬭᬾᬩᬾᬲ
᭑᭒᭑ [121A] ᬦ᭄ᬕᭂᬦ᭄ᬤᬶᬲ᭄᭞ᬧᭀᬮᬄᬯᬮᬸᬬᬭᬢᬶᬄ᭞ᬢᬦ᭄ᬫᬭᬶᬗ᭄ᬕᬯᬾᬳᬸᬮᬗᬸᬦ᭄᭞ᬳᬦᬸᬢ᭄ᬲᬧᬭᬶᬧᭀᬮᬄ᭞ᬤᬶᬕᬶᬕᬶᬮᬦᬾᬫᬮᬶᬗ᭄ᬕᬶᬄ᭞ᬓᬳᬬᬸᬗᬦ᭄᭞ᬳᬩ᭄ᬲᬦᬦ᭄ᬤᭂᬂᬫᬲ᭄ᬓᬂ᭟ᬗᬺᬂᬓᬸᬄᬫᬯᭀᬲ᭄ᬧᬯᬶᬦᬶᬳᬦ᭄᭞ᬓ
ᬮᬶᬄᬲᬋᬂᬫᬢᬤᬾᬯᬶ᭞ᬲᬃᬯ᭄ᬯᬶᬫᬳᬾᬦᬓ᭄ᬓᬾᬦᬓᬦ᭄᭞ᬭᬫᬾᬧᬲ᭄ᬮᬶᬂᬕᬸᬬᭀᬦᬶᬦ᭄᭞ᬲᬧᬜ᭄ᬚ᭄ᬭᭀᬯᬦᬾᬢᬶᬢᬶᬩ᭄᭞ᬩᬬᬢ᭄ᬫᬢ᭄ᬩᭂᬗᬦ᭄ᬤᬶᬢᬸ᭞ᬧᬤᬘᬸᬫ᭄ᬧᬸᬦ᭄ᬤᬶᬗᭂᬳᬂ᭞ᬩᬩᬯᭀᬲᬾᬲᬮᬶᬂᬲᭂᬦ᭄ᬢᬶᬮ᭄᭞ᬲ
ᬕᬾᬢ᭄ᬭᬳᬸᬄ᭞ᬲᬂᬧ᭄ᬭᬪᬸᬦᬭᭀᬚᭀᬕ᭄ᬳᬶᬘ᭟ᬳᬶᬄᬫᬧᬸᬦ᭄ᬤᬸᬄᬧᬤᬧ᭄ᬭᬚ᭄ᬜᬦ᭄᭞ᬫᬧᭂᬢᬸᬓ᭄ᬧᬢᬸᬭᬸᬯᬢᬶᬦ᭄᭞ᬫᬓᬍᬘᭂᬓ᭄ᬳᬮᬶᬄᬤᬫ᭄ᬧ᭄ᬭᬢ᭄᭞ᬩᬩᬯᭀᬲᬾᬧᬤᬲ᭄ᬧᬶ᭞ᬢ᭄ᬤᬸᬦ᭄ᬫᬘᭂᬩᬸᬃᬕ᭄ᬮᬶᬲ᭄᭞ᬲᬂᬧ᭄ᬭᬪᬸᬜ᭄ᬚᭂ
ᬫᬓ᭄ᬦᬭᬸᬦ᭄ᬢᬸᬦ᭄᭞ᬧ᭄ᬭᬫᬶᬲ᭄ᬯᬭᬶᬫᬸᬗ᭄ᬕᬳᬦ᭄᭞ᬓᬕᬶᬕᬶᬮᬗᬾᬫᬮᬶᬗ᭄ᬕᬶᬄ᭞ᬫᬳᬤᬾᬯᬶ᭞ᬲᬦ᭄ᬤᬶᬗᬾᬲᬤᬧᬸᬗ᭄ᬓᬸᬭᬦ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬫᬘᬭᬶᬢ᭞ᬢ᭄ᬮᬲ᭄ᬓᬢᬍᬢᭂᬄᬲᬫᬶ᭞ᬲᬲᭀᬮᬳᬾᬭᬶᬂᬧᬩᬸᬭᬸ
