᭑᭑᭖ [116B] ᬕᬤᬶᬂ᭟ᬦ᭄ᬤᬸᬤᬸᬢ᭄ᬳᬢᬶᬩᬸᬗᬦ᭄ᬢᬸᬜ᭄ᬚᬸᬗᬾᬫᬲᬄᬲᬄ᭞ᬳᬳᬲᬦ᭄ᬓᬸᬫ᭄ᬩᬂᬗᬲᬶᬃᬲᬶᬃ᭞ᬳᬗᬶᬦᬾᬢᬦ᭄ᬧ᭄ᬕᬢ᭄᭞ᬢᬭᬶᬦ᭄ᬫᬕᬕ᭄ᬭᬶᬬᬸᬗᬦ᭄᭞ᬗᬸᬩᬩᭀᬩᬗᬗᭂᬲ᭄ᬳᬮᬶᬩ᭞ᬦᬸᬭᬄᬓᬲ᭄ᬬᬳᬦ᭄᭞
ᬩᬸᬗᬦ᭄ᬢᬸᬢ᭄ᬩᬸᬮᬸᬧᭂᬗᭂᬢ᭄᭟ᬓᬸᬧᬸᬓᬸᬧᬸᬤᬶᬲᬸᬦ᭄ᬢᬶᬗᬾᬧᬤ᭞ᬧᬓᬼᬚᬸᬄᬗᭂᬚᬸᬓ᭄ᬓ᭄ᬭᬶᬫᬶ᭞ᬢᬸᬦᬓᬫ᭄ᬮᬳᬦ᭄᭞ᬩᬸᬗᬦ᭄ᬧᬸᬤᬄᬓᬓᭂᬫ᭄ᬩᬂ᭞ᬩᬦᬾᬢ᭄ᬯᬭᬳᬤᬓᬯᬶ᭞ᬢ᭄ᬓᬫᬗ᭄ᬮᬯᬤ᭄᭞
ᬦᬸᬮᬶᬲᬶᬦ᭄ᬓᬸᬓᬸᬫᬳᬶᬗᬶᬤ᭄᭟ᬤᭂᬓ᭄ᬤᭂᬓᬺᬫᬸᬓ᭄ᬗᬳᬲᬶᬦᬺᬩᬸᬢ᭄ᬳᬜᬸᬗᬄ᭟ᬲᬺᬩᬸᬢ᭄ᬫᬲᭂᬧᬸᬓ᭄ᬤᬤᬶ᭞ᬳᬸᬚᬦ᭄ᬩᬸᬓ᭄ᬢᬤ᭄ᬧ᭄ᬕᬢ᭄᭞ᬓᬬᬸᬢᬾᬚᬦᬾᬓᬸᬲ᭄ᬬ᭞ᬦᬕᬲᬭᬶᬳᬸᬘᭂᬫ᭄ᬲᬫᬶ᭞ᬮᬾᬦ᭄ᬢ
ᬫ᭄ᬧᬓ᭄ᬩᬾᬮ᭞ᬢᬶᬳᬶᬗᬾᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭟ᬫᬫᬸᬮᬶᬲᬧᬾᬓ᭄ᬭᭀᬲᭀᬓ᭄ᬳᬗᬶᬦᬾᬫ᭄ᬩᬩᬃ᭞ᬦᬦᭂᬂᬲᬂᬧ᭄ᬭᬪᬸᬗᬓ᭄ᬱᬶ᭞ᬫᬸᬗ᭄ᬕᬄᬦᭂᬫ᭄ᬧᬮ᭄ᬲᬶᬮ᭞ᬤᬸᬳᬸᬃᬗᬢᬸᬦᬾᬬᬲᬄᬳᬬᬸᬩ᭄ᬳᬸᬗ᭄ᬓᬸᬮᬶᬦ᭄ᬢᬗ᭄ᬕᬸ
᭑᭑᭗ [117A] ᬮᬶ᭞ᬳᬶᬳᬂᬓ᭄ᬮᬸᬃᬲ᭄ᬫᬭ᭞ᬦ᭄ᬤᭂᬲᭂᬓᬃᬫᬢᬸᬃᬪᬓ᭄ᬢᬶ᭟ᬧᬧᬗᭂᬦᬦ᭄ᬭᬢᬸᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬧ᭄ᬭᬶᬗᬾᬦᬫ᭄ᬩᬸᬂᬧᬮᬶᬂ᭞ᬩᬸᬢ᭄ᬘᬳᬓ᭄ᬓᬢᬄ᭞ᬲ᭄ᬯᬭᬦ᭄ᬕᭀᬯᬓᬾᬘ᭄ᬓᬧ᭄᭞ᬫᬭᬸᬧᬓᬤᬶᬦᬦ᭄ᬤᬶᬗᬶᬦ᭄᭞ᬲ᭄ᬬᬸᬃᬧᬸ
ᬦᬶᬓ᭞ᬲᬂᬧ᭄ᬭᬪᬸᬗᬸᬢᬸᬲ᭄ᬕᭂᬮᬶᬲ᭄᭟ᬓᭂᬫᬯᬸᬗ᭄ᬓᬸᬓ᭄ᬳᭂᬦ᭄ᬢᭀᬳᬮᬲ᭄ᬯᬸᬗᬸᬩᭀᬳᬾᬗ᭄ᬕᬮ᭄᭞ᬳᬶᬯᬸᬗ᭄ᬓᬸᬓ᭄ᬢᬸᬃᬗᬪᬓ᭄ᬢᬶ᭞ᬩᬗᬸᬦ᭄ᬩᬦ᭄ᬢ᭄ᬬᬂᬗᬮᬦ᭄᭞ᬕ᭄ᬮᬸᬮᬯᬸᬢ᭄ᬫᬕ᭄ᬭᬶᬢᬦ᭄᭞ᬳᬂᬓ᭄ᬮᬸᬂᬲ᭄ᬫᬭᬳᬾᬗ᭄ᬕᬮ᭄ᬫᬳᬶ
ᬢᬸᬮᬸᬂᬫᭂᬤᬲᬂ᭞ᬦᭀᬳᬧᬢᭀᬮᬮᬶᬧᬶ᭟ᬫ᭄ᬮᬄᬧᭂᬲᬦ᭄ᬩᬶᬦᬢ᭄ᬓᬾᬦᬶᬂᬦᬾᬮᬾᬦᬦ᭄᭞ᬲ᭄ᬫᭂᬓᬫᬲᬲᬓᬶ᭞ᬲᬂᬧ᭄ᬭᬪᬸᬫᬜ᭄ᬚᬕ᭄ᬚᬕ᭄᭞ᬳᬶᬄᬳᬧᬓᬕᭂᬮ᭄ᬯᬂ᭞ᬢᬸᬫᬸᬮᬶᬄᬲᬶᬦᬄᬓᬳᬓ᭄ᬱᬶ᭞ᬦ
ᬕᬶᬦᬶᬯᬗ᭄ᬲ᭞ᬤᬶᬘᬭᬗᬾᬫᬓᬶᬮᬶᬢ᭄᭟ᬲᬮᬄᬓ᭄ᬭᬫᬦᬶᬫ᭄ᬧᬮᬶᬦ᭄ᬮᬮᬶᬧᬶᬕᬤᬂ᭞ᬗ᭄ᬕᬢᬾᬲᬗ᭄ᬲᬭᬕᬸᬫᬶ᭞ᬮᬓ᭄ᬱᬡᬦᬾᬘᭀᬭᬄ᭞ᬓᬮᬶᬦ᭄ᬢᬂᬗᬭᬸᬳᬭ᭞ᬢᬦ᭄ᬯᭂᬦᬂᬧᬘᬂᬦ᭄ᬤᭂᬧᬶᬦ᭄
