᭑᭐ [10B] ᬬᬂᬡᬧ᭞ᬤ᭄ᬬᬄᬢᬦ᭄ᬢ᭄ᬭᬶᬢᭂᬤᬸᬦ᭄ᬕᭂᬮᬲ᭄᭞ᬫᬲᬯᬸᬃᬲᭂᬫ᭄ᬩᬄ᭞ᬧᬢᬢ᭄ᬳᬲᬧᬸᬦᬶᬓᬶ᭟ᬤᭀᬦᬶᬂᬢᬶᬢ᭄ᬬᬂᬧ᭄ᬤᭂᬓ᭄ᬫᬶᬲᬤ᭄ᬬᬬᬂᬧᬶᬲᬦ᭄᭞ᬓ᭄ᬦᬶᬓᬧᬶᬢᭂᬓᭂᬢ᭄᭞ᬧᬸᬦᬧᬶᬳᬯᬶᬦᬦ᭄᭞ᬩᬧᬓᬤᬓᬾᬯᭂᬳ
ᬦ᭄᭞ᬬᬦ᭄ᬲᬶᬤ᭄ᬥᬦᬶᬦ᭄ᬧᬶᬮᬶᬄᬓᬾᬗᬶᬦ᭄᭞ᬲᭂᬗ᭄ᬕᬗᬦ᭄ᬫᬢ᭄ᬭ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬓᬾᬮᬶᬂ᭟ᬕᬸᬭᬸᬦᬾᬫᬜ᭄ᬚᬸᬚᬸᬄᬦᬫ᭄ᬧᬶᬓᬂᬗᬦ᭄ᬤᬶᬓ᭞ᬳᬸᬭᬶᬧ᭄ᬩᬧᬦᬾᬫᬦᬶᬓ᭄᭞ᬓᬗᭂᬦ᭄ᬲᬦ᭄ᬓᭀᬩᬧ᭞ᬳᬶᬗᭂᬢ᭄ᬫᬳᬶᬜᭂ
ᬲᭂᬤᬂ᭞ᬳᬶᬩᬸᬓᬾᬳᬕᬸᬫᬶᬮᬗᬶᬢ᭄᭞ᬪᬬᬧᬧᬮ᭄ᬬᬦ᭄᭞ᬤᬾᬯᬤᬾᬯᬶᬗᬭᬕᬦᬶᬦ᭄᭟ᬲᬫ᭄ᬩᬶᬮᬦ᭄ᬩᬸᬲᬸᬤ᭄ᬗᬸᬲᬸᬤᬶᬦ᭄ᬧᬸᬲᬸᬂᬢᬦ᭄ᬧ᭄ᬕᬢ᭄᭞ᬢᭀᬬᬜ᭄ᬘᬶᬗᬓᬾᬦᬶᬳᬶᬲ᭄᭞ᬦᬶᬩᬾᬦ᭄ᬧᬧᬾᬮᬾᬗᬦ᭄᭞ᬳᭀᬓᬦᬾᬤ᭄ᬭᬲ᭄ᬫ
ᬘᬘᬧ᭄᭞ᬲᬺᬢ᭄ᬧᬗᬦ᭄ᬤᬶᬓᬦᬾᬫᬶᬚᬶᬮ᭄᭞ᬤᬸᬄᬧᬦᬓ᭄ᬩᬧ᭞ᬦᬾᬫᬓ᭄ᬭᬡᬩᬧᬲ᭄ᬥᬶᬄ᭟ᬧᬗᬃᬱᬦ᭄ᬲᬂᬧ᭄ᬭᬪᬸᬫᬓᬾᬯᬾᬳᬶᬦ᭄ᬧᬶᬲᬦ᭄᭞ᬓᬳ᭄ᬬᬸᬦ᭄ᬫᬩᬸᬜ᭄ᬘᬶᬂᬲᬳᬶ᭞ᬜᭂᬮᬶᬓ᭄ᬦᬾᬳ᭄ᬦᬸᬤᭂᬳ᭞ᬫᬾᬄᬲᬸᬩᬓᬸᬤᬂᬢᬶᬩ
᭑᭑ [11A] ᬦ᭄᭞ᬲᬶᬤ᭄ᬥᬩᬦ᭄ᬩᬧᬦ᭄ᬤᬕᬶᬗᬶᬦ᭄᭞ᬓᬮᬯᬲᬜ᭞ᬦᬾᬲ᭄ᬥᭂᬂᬫᬜ᭄ᬚᬶᬂ᭟ᬫᬸᬮᬕᬦ᭄ᬢᬶᬮᬭᬧᬦ᭄ᬲᬂᬧ᭄ᬭᬪᬸᬫᭂᬗ᭄ᬕᬄᬫᬧ᭄ᬯᬭᬩᬓᬮ᭄ᬫᬢᬶ᭞ᬤᭂᬓ᭄ᬤᭂᬓ᭄ᬳᬮᬶᬄᬘᬄᬘᬄ᭞ᬓᬳ᭄ᬬᬸᬦᬾᬲᬂᬫᬶᬳᬃᬱ᭞ᬳᬮᬲ᭄ᬢᬸᬃᬜᬸᬫ᭄ᬩᬄᬜᬳᬸᬭᬶᬦ᭄᭞ᬩ
ᬧᬳᬫ᭄ᬧᬸᬭ᭞ᬲᬫ᭄ᬧᬸᬦ᭄ᬜᬮᬶᬢ᭄ᬧᬦᬫ᭄ᬧᬶ᭟ᬭᬸᬧᬋᬋᬤ᭄ᬢᬶᬢ᭄ᬬᬂᬗ᭄ᬕᬕᭂᬫ᭄ᬓᬧᬢᬸᬢᬦ᭄᭞ᬓᬤᬶᬫᬫᬦᬄᬚᬮᬶᬃ᭞ᬩᭀᬬᬤᬢ᭄ᬭᬧ᭄ᬢᬦᬓ᭄᭞ᬮᬸᬄᬫᬯᬗ᭄ᬰᬳᬸᬢᬫ᭞ᬭᬲᬫᭂᬍᬤ᭄ᬧᬶᬲᬦ᭄ᬫᬜ᭄ᬚᬶᬂ᭞ᬳᬯᬦᬦ᭄ᬢᬶᬢ᭄ᬬᬂ᭞ᬫ
ᬢᬸᬃᬓᬤᬶᬧᬸᬦᬶᬓᬶ᭟ᬬᬦ᭄ᬓᬮᬶᬗ᭄ᬕᬳᬦ᭄ᬩᬗ᭄ᬕᬬᬂᬢᬶᬢ᭄ᬬᬂᬳᬢᬸᬭᬂ᭞ᬫᬫᬋᬓᬦ᭄ᬓᬭᬶ᭞ᬧᬶᬦᬶᬄᬧᬶᬦᬶᬄᬢᬶᬢ᭄ᬬᬂ᭞ᬳᬢᬸᬦ᭄ᬳᬶᬤᬮᬂᬦᬣ᭞ᬗᭂᬦᬳᬶᬦ᭄ᬲᬓᬳ᭄ᬬᬸᬦ᭄ᬕᬸᬲ᭄ᬢᬶ᭞ᬲᬶᬤ᭄ᬥᬦᬶᬂᬲᬤ᭄ᬬ᭞ᬤᬸᬫᬤᬓ᭄ᬳᬶᬘ᭄ᬮᬯᬶᬤ᭄ᬥᬶ᭟ᬧᬶᬲ
ᬦ᭄ᬫᬗ᭄ᬤᬾᬳᬸᬲᬦ᭄ᬯᬾᬦ᭄ᬢᭂᬦ᭄ᬧᬓᬳ᭄ᬬᬸᬦ᭄ᬫᬩᬸᬜ᭄ᬘᬶᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬮᬶᬧᬸᬭᬗ᭄᭞ᬳᬦ᭄ᬢᬸᬓ᭄ᬳᬸᬘᬧᬦ᭄ᬰᬲ᭄ᬢ᭄ᬭ᭞ᬫᬦᬯᬶᬓᬕᭂᬜ᭄ᬚᭂᬕ᭄ᬮᬮᬶ᭞ᬢᬼᬩ᭄ᬫᬶᬋᬩᬂ᭞ᬘᬘᬭᬶᬢᬦ᭄ᬮᬶᬂᬦᬶᬂᬳᬚᬶ᭟ᬕᬸᬮᬂᬧ᭄ᬬᬃᬓᬳ᭄ᬬᬸᬦ᭄ᬕᬸ
