[᭑᭐᭓᭞103 B]ᬤᬤᬶᬳᬯᬸ᭞ᬫᬫᬸᬜᬶᬦ᭄ᬳᬶᬫᬗ᭄ᬲᬮ᭄ᬬ᭞ᬳᭂᬦ᭄ᬤᬾᬦ᭄ᬓᬦ᭄ᬤᬶᬓ᭄ᬓᭂᬧᬸᬳᬾᬫᬢ᭄ᬬᬂᬮᬳᬸᬢ᭄᭞ᬕᭀᬯᭀᬓ᭄ᬜᬦᬾᬤᬍᬫ᭄ᬮᬶᬗ᭄ᬕᬄ᭞ᬜᬾᬦ᭄ᬩ᭄ᬯᬶᬦ᭄ᬳᬫᬳᬶᬦ᭄ᬮᬮᬶᬧᬶ᭟ᬧᬸᬦᬶᬓᬧᬺᬢᬶᬯᬶᬫ᭄ᬩᬜ᭞ᬧᬤᭂᬫ᭄ᬓᭂᬧᬸᬳᬾᬭᬸᬯᬸᬳᬶᬂᬳᬶᬮᬮᬶᬧᬶ᭞ᬳᬸᬲᬶᬮ᭄ᬓᬮᬶᬦ᭄ᬢᬗᬶᬭᬸᬲᬸᬄ᭞ᬫᬮᬶᬄᬭᬢᬸᬧᬶᬋᬗᬂ᭞ᬯᬾᬦ᭄ᬢᭂᬦ᭄ᬓᭀᬘᬧ᭄ᬳᬶᬲ᭄ᬬᬭᬸᬤᬯᬲ᭄ᬢᬦ᭄ᬳᬶᬧᬸᬦ᭄᭞ᬭᬶᬂᬯᬶᬢ᭄ᬓᬸᬢᬸᬳᬾᬫᬸᬫᬄ᭞ᬫᬲᭂᬩᬸᬦ᭄ᬫᬦᬓᬦ᭄ᬭᬭᬶᬲ᭄᭟ᬳᬓᬾᬄᬕᭀᬯᬓ᭄ᬮ᭄ᬬᬦ᭄ᬳᬶᬭᬶᬓ᭞ᬩᬃᬬ᭄ᬬᬲᭂᬩᬸᬦ᭄ᬯᬾᬦ᭄ᬢᭂᬦ᭄ᬭᬯᬸᬄᬮᬮᬶᬧᬶ᭞ᬳᬸᬲᬶᬮ᭄ᬓᬮᬶᬦ᭄ᬢᬗᬶᬂᬭᬸᬲᬸᬄ᭞ᬫᬯᬲ᭄ᬢᬳᬶᬢᬭᬗ᭄ᬓᬦ᭞ᬤᭂᬕᭂᬂᬫᭂᬗ᭄ᬓᭂᬩ᭄ᬫᬳᬸᬫᬄᬭᬶᬂᬩᭀᬗ᭄ᬓᭀᬮ᭄ᬓᬸᬢᬸᬄ᭞ᬲᬤ᭄ᬬᬦ᭄ᬤᭂᬍᬧ᭄ᬢᬮᬸᬄᬕᭀᬯᬓ᭄᭞ᬳᬲᭂᬩᬸᬦ᭄ᬲᬩ᭄ᬭᬦ᭄ᬓᬳᬫ᭄ᬩᬶᬮ᭄᭟ᬓᬾᬯᭂᬳᬦ᭄ᬳᬶᬲ᭄ᬬᬭᬸᬤᬾᬦ᭄ᬤᬾᬯᬶ᭞ᬬᬦᬶᬂᬲᬓᬶᬂᬤᬶᬚᬭᬯᬸᬄ᭞ᬦᬸᬚᬸᬗ᭄ᬮᬸᬕᬲ᭄ᬩᬸᬲᬦ᭞ᬫᬭᬭ᭄ᬬᬦ᭄ᬫᬲᬶᬭᬫ᭄ᬭᬶᬂᬩᬢᬦ᭄ᬓᬸᬢᬸᬄ᭞ᬯᬾᬦ᭄ᬢᭂᬦ᭄ᬳᬶᬭᬶᬓᬧ [᭑᭐᭔᭞104 A]᭞ᬜ᭄ᬘᭀᬭᬦ᭄᭞ᬳᬶᬕᭀᬯᬓ᭄ᬤᬶᬢᬸᬗᬦ᭄ᬢᭂᬦᬶᬦ᭄᭟ᬭᬭᬶᬲ᭄ᬜᬦ᭄ᬤᭂᬃᬫᬗᭂᬩᬸᬭᬸᬂ᭞ᬲᬩᬸᬲᬦᬦ᭄ᬭᬤᬾᬦ᭄ᬤᬾᬯᬶᬦᬾᬲᬫᬶ᭞ᬓᬳᬸᬗ᭄ᬕᬳᬂᬤᬸᬳᬸᬃᬓᬸᬳᬸᬄ᭞ᬳᬶᬭᬶᬗᬦᬾᬧᬕᬺᬤᬩ᭄᭞ᬕᬾᬯᬃᬳᬸᬬᬸᬢ᭄ᬓᭂᬚᬲᬶᬂᬮᬓᬸᬜᬦᬸᬢᬸᬕ᭄᭞ᬦᬾᬗᬦ᭄ᬢᭂᬦᬂᬫᬢᬸᬚ᭄ᬯᬂ᭞ᬳᬤᬜᬶᬲ᭄ᬯᬂᬫᬫᬸᬜᬶ᭟ᬧ᭄ᬦᬾᬓᬶᬦ᭄ᬓᬸᬢᬸᬳᬾᬳᬾᬗ᭄ᬕᬮ᭄᭞ᬧᬤᬕ᭄ᬭᬲ᭄ᬕᬲ᭄ᬮ᭄ᬬᬲᬮᬶᬂᬮᬗ᭄ᬓᬸᬗᬶᬦ᭄᭞ᬲᬫ᭄ᬩᬶᬮᬂᬫᬫᬸᬜᬶᬫᬸᬳᬸᬕ᭄᭞ᬮᬮᬶᬧᬶᬦᬾᬲᬦ᭄ᬤᭂᬳ᭞ᬕᬤᬾᬦ᭄ᬳᬶᬩᬕ᭄ᬮᬄᬳᬩᬓᬮ᭄ᬓᬩᬸᬭᬸ᭞ᬦᬾᬫ᭄ᬦᬾᬓ᭄ᬧᬢᬶᬩᬩᬃ᭞ᬕ᭄ᬮᬸᬦᬾᬓᬧᬸᬳᬸᬓ᭄ᬩᬶᬬᬶᬤ᭄᭟ᬳᬸᬮᬸᬂᬮᬮᬶᬧᬶᬦᬾᬕᬮᬓ᭄᭞ᬦᬄᬭᭀᬯᬗᬾᬚᬮᬦ᭄ᬩᬋᬂᬓᭂᬫ᭄ᬩᬭᬶᬦ᭄᭞ᬯᬾᬦ᭄ᬢᭂᬦ᭄ᬦᬾᬜᬸᬭᬸᬗᬂᬩᬢᬸ᭞ᬯᬾᬦ᭄ᬢᭂᬦ᭄ᬓᬬᬸᬓᬫ᭄ᬩᬶᬮᬂ᭞ᬜᬕ᭄ᬘᬓ᭄ᬦᬶᬕ᭄ᬢᬶᬕ᭄ᬮᬮᬶᬧᬶᬦᬾᬧᬤᭂᬫ᭄ᬲᬫ᭄ᬲᬦ᭄᭞ᬫᬶᬥᭂᬧ᭄ᬕᭀᬯᬓᬾᬫᬤᬬ᭞ᬳᬶᬧᬸᬦ᭄ᬢᬶᬍᬄᬓᬭᬶᬳᬸᬭᬶᬧ᭄᭟ᬓᬸᬢᬸᬄᬢᬶᬍᬄᬳᬶᬧᬸᬦ᭄ᬚ᭄ᬦᭂᬓ᭄ᬫᬲᭂᬩᬸᬦ᭄ᬫᬮᬶᬄ᭞ᬳᬯᬦᬦ᭄ᬧᬂᬲᬬᬸᬦ᭄ᬧᬸ
