᭓᭘ [38B]
ᬯᬲᬜ᭞ᬭᬶᬂᬘᬭᬶᬢᬲᬂᬘᬢᬸᬢᬦ᭄ᬤᬫᬦ᭄ᬢ᭄ᬭᬶ᭞ᬕᬕᬶᬮᬶᬄᬩᬦ᭄ᬫᬦ᭄ᬢ᭄ᬭᬶᬩᬕᬸᬲ᭄᭞ᬲᬂᬭᬢᬸᬭᬶᬦᬹᬲᬦ᭄ᬢᬭ᭞ᬫᬫ᭄ᬬᬃᬱ᭞ᬲᬳᬲᬢ᭄ᬓᬫᬗ᭄ᬕᭂᬩᬸᬕ᭄᭞ᬫᬢᬶᬲᬂᬘᬢᬸᬃᬫᬦ᭄ᬢ᭄ᬭᬷᬬ᭞ᬦᭀᬫ᭄ᬓᬲᭀᬭᬦ᭄ᬗᬥᬸᬓ
ᬰᬓ᭄ᬢᬶᬦ᭄᭟᭐᭟᭑᭙᭟ᬓᬢᭀᬮᭀᬭᬂᬓᬦᬵᬕᬭ᭞ᬧ᭄ᬭᬪᬸᬤ᭄ᬭᬹᬫᬲᬸᬩᬫᬢᬶᬗ᭄ᬓᬄᬜ᭄ᬚᬕᬦᬶᬦ᭄᭞ᬫᬜ᭄ᬘᬭᬂᬧᬜ᭄ᬚᬓ᭄ᬫᬗ᭄ᬤᬸᬫ᭄᭞ᬗ᭄ᬕᬶᬲᬶᬩᬶᬮᬂᬓᬓᬸᬢᬦ᭄᭞ᬓᬳᬸᬚᬦᬶᬦ᭄᭞ᬩᬦ᭄ᬧᬦᬄᬩ᭄ᬤᬶᬮ᭄ᬩ᭠
ᬮᬗ᭄ᬲᬸᬢ᭄᭞ᬮᬶᬮᬶᬄᬩᬸᬦ᭄ᬢᬲ᭄ᬩᬭᬱᬢ᭄᭞ᬢ᭄ᬯᬭᬕᬦ᭄ᬢᬸᬮᬦᬤᬶᬭᬶ᭟᭐᭟᭓᭐᭟ᬦᬸᬗ᭄ᬕᬮ᭄ᬧ᭄ᬭᬩᬸᬕᬚᬤ᭄ᬭᬹᬫ᭞ᬫᬦᬮᬩᬂᬫᬮᬳᬶᬩ᭄ᬧᬢᬶᬧᬸᬭᬸᬕᬶᬦ᭄᭞ᬢ᭄ᬯᬭᬗᬶᬢᬸᬂᬚᬸᬭᬂᬧᬗ᭄ᬓᬸᬂ᭞ᬗᬮᬲ᭄ᬫᬫᬸᬭᬂᬫᬸᬭᬂ᭞
ᬓᬩ᭄ᬦᭂᬗᬦ᭄᭞ᬤᬶᬲᬶᬲᬶᬦ᭄ᬓᬸᬩᬸᬓᬢ᭄ᬧᬸᬓ᭄᭞ᬓᭀᬘᬧ᭄ᬳᬸᬫᬄᬚᬸᬭᬸᬩᭀᬭᭀᬲ᭄᭞ᬗᬸᬩᬸᬳᬶᬦ᭄ᬧᬾᬓᬢ᭄ᬳᬩᭂᬲᬶᬓ᭄᭟᭐᭟᭓᭑᭟ᬮᬯᬸᬢ᭄ᬬᬫᬫᬸᬜᬶᬩᬗ᭄ᬕ᭄ᬭᬲ᭄᭞ᬧᬮᬶᬯᬢ᭄ᬤᭂᬫᬓ᭄ᬢᬮᬶᬦᬶ
᭓᭙ [39A]
ᬦᬶᬸᬦ᭄᭞ᬕᭀᬲᭀᬓ᭄ᬢᭂᬓ᭄ᬢᭂᬓᬾᬩᬢ᭄ᬧᬢᬸᬂ᭞ᬲᬂᬧ᭄ᬭᬪᬸᬧᬢᬶᬩᬩᬃ᭞ᬗᬚᬓᬗᬶᬦᬂ᭞ᬦᬸᬳᬸᬢ᭄ᬩᭂᬢᬮᬲ᭄ᬗᬭᬶᬬᬸᬂ᭞ᬫᬜ᭄ᬚᬸᬚᬸᬄᬕᬸᬦᬸᬂᬫᬦ᭄ᬤᬭ᭞ᬧᬢᬧᬦ᭄ᬲᬂᬯᬢᭂᬓ᭄ᬋᬱᬶ᭟᭐᭟᭓᭒᭟ᬭᬫ᭄ᬬᬫᬶᬲᬶᬲᬃᬯ᭄ᬯᬩᬸ
ᬗ᭄ᬳ᭞ᬫᬚᬚᬩᬦ᭄ᬲᬂᬧ᭄ᬭᬪᬸᬓᬳ᭄ᬯᬸᬫᬮᬶᬗ᭄ᬕᬶᬄ᭞ᬭᬶᬂᬩᬮᬾᬩᬸᬦ᭄ᬤᬃᬤᬶᬤᬸᬳᬸᬃ᭞ᬓᬘᬶᬗᬓ᭄ᬧᬾᬓᬢ᭄ᬫᬲᬂᬲᬂ᭞ᬲ᭄ᬫᬸᬓᬕ᭄ᬬᬢ᭄᭞ᬓᬲᭂᬗ᭄ᬕᬸᬄᬧᬾᬓᬢᬾᬩᬯᬸ᭞ᬋᬩᬲ᭄ᬫᬓᬳ᭄ᬯᬸᬦ᭄ᬫᬓᬳᬤ᭞ᬳᬶᬧᬾᬓᬢ᭄ᬫᬳᬢᬸᬃ᭞
ᬳᬭᬶᬲ᭄᭟᭐᭟᭓᭓᭟ᬭᬢᬸᬳᬕᬸᬂᬚᬶᬸᬕᬚᬤ᭄ᬭᬹᬫ᭞ᬦᭂᬫ᭄ᬩᬾᬭᬯᬸᬄᬳᬶᬭᬶᬓᬶᬭᬢᬸᬫᬮᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬫᬦᬗ᭄ᬰᬬᬓᬳ᭄ᬯᬸᬦ᭄᭞ᬳᬶᬭᬶᬓᬶᬭᬶᬂᬧᬢᬧᬦ᭄᭞ᬭᬢᬸᬧᬤᬡ᭄ᬤ᭞ᬧᬸᬦᬶᬓᬶᬲᬂᬧ᭄ᬭᬪᬸᬭᬯᬸᬄ᭞ᬲᬓᬶᬂ
ᬤᬾᬰᬉᬱᬶᬦᬭ᭞ᬧᬤᬡ᭄ᬤᬕ᭄ᬮᬶᬲ᭄ᬫᬧᬕᬶᬦ᭄᭟᭐᭟᭓᭔᭟ᬫᬫ᭄ᬩᬓ᭄ᬢᬰᬾᬯᬫ᭄ᬩᬫᬲ᭄᭞ᬫᬶᬲᬶᬢᬷᬃᬣᬧᬯᬶᬢ᭄ᬭᬳ᭄ᬦᬶᬂ᭞ᬲᬂᬧ᭄ᬭᬪᬸᬫᬲᬸᬘᬶᬲᬵᬫ᭄ᬧᬸᬦ᭄᭞ᬫᬢᬷᬃᬣᬓᬚᬬᬚᬬ᭞ᬓᬳᬢᬸᬭᬦ᭄᭞᭘
