Kaca:Bali-lontar-paparikan-tantri-01-250ppi.pdf/33

[32 B] ᭓᭒᭟ᬦᬜ᭞ᬲᬳᬶᬫᬗᬼᬢᬸᬳᬶᬦ᭄ᬕᬸᬫᬶ᭞ᬢᬸᬃᬬᬫᬫᬢᬶᬫᬢᬶ᭞ᬢᬮ᭄ᬧᬓᬢ᭄ᬓᬾᬦ᭄ᬲᬂᬯᬶᬓᬸ᭞ᬓᬾᬢᭀᬧᬗᬦ᭄ᬤᬶᬓᬦ᭄᭞ᬲᬂᬦᬡ᭄ᬥᬓᬫᬶᬢᬸᬢᬶᬭᬸᬦ᭄᭞ᬧ᭄ᬦᬪᬸᬲᬶᬗ᭄ᬳ᭞ᬤᬤᬶᬲᭂᬧ᭄ᬫᬫᬶᬋᬗᬂ᭟᭓᭘᭟ᬧᬗ᭄ᬭᬢᭀ
ᬲᬾᬓᬧᬡ᭄ᬤᬶᬢᬦ᭄᭞ᬩᬸᬓᬓᬩ᭄ᬮᬩᬸᬭᬗᬦ᭄ᬤᬶᬲ᭄᭞ᬳᬦ᭄ᬢᬸᬧᬓᬳ᭄ᬬᬸᬦᬦ᭄ᬓᬾᬦᬓ᭄᭞ᬭᬱᬜᬗᬸᬓᬫᬗ᭄ᬕᬶᬳᬶᬦ᭄᭞ᬫᬺᬢᬦᬾᬫᬭᬫᬶᬚᬶᬮ᭄᭞ᬲᬓᬶᬂᬢᬸᬢᬸᬭᬦᬾᬩᬯᬸ᭞ᬤᬤ᭄ᬬᬜᬫᬮ᭠
ᬭᬤᬦ᭄᭞ᬢᬦ᭄ᬧᬕᬦ᭄ᬢᬸᬮᬦ᭄ᬤᬶᬳᬢᬶ᭞ᬓᬘᭀᬭᬳᬦ᭄᭞ᬓᬳ᭄ᬬᬦᬾᬲᬂᬧ᭄ᬭᬪᬸᬲᬶᬗ᭄ᬳ᭄᭟᭐᭟᭓᭙᭟ᬩᬸᬓᬲᬧᬸᬄᬯᬲ᭄ᬢᬸᬕᬮᬂ᭞ᬫᬲᬯᬸᬃᬲᭂᬲᬶᬗ᭄ᬳᬫᬗ᭄ᬓᬶᬦ᭄᭞ᬓᬤᬶᬗᬲᭀᬃᬢᬸᬃᬧ᭄ᬭᬦᬫ᭄ᬬ᭞
ᬥᬸᬄᬓᬮᬶᬦ᭄ᬢᬂᬮᬶᬦ᭄ᬢᬂᬳᬸᬕᬶ᭞ᬲᬤ᭄ᬬᬦ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬬᬦ᭄ᬯᬦ᭄ᬢᬄᬳᬶᬤᬾᬯᬦᬸᬮᬸᬲ᭄᭞ᬫᬳᬲᬶᬳᬦ᭄ᬭᬶᬂᬢᬶᬢ᭄ᬬᬂ᭞ᬭᬾᬄᬳᬤᬾᬯᬲᬵᬫ᭄ᬧᬸᬦ᭄ᬕᭂᬦᬶᬂ᭞ᬢᬸᬃᬜᬶᬤᬬᬂ᭞ᬫᬫᬗ᭄ᬕᬶᬳᬶᬦ᭄ᬲᬃ

[33A]᭓᭓᭟ᬯ᭄ᬯᬢᬢ᭄ᬯ᭟᭐᭟᭔᭐᭟ᬧᬸᬢᬸᬲ᭄ᬭᬶᬂᬰᬵᬲ᭄ᬢ᭄ᬭᬭᬳᬱ᭄ᬬ᭞ᬧᬫᬸᬧᬸᬕ᭄ᬤᬃᬫᬦᬾᬚᬵᬢᬶ᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬓᬯᬶᬓᬦᬂ᭞ᬬᭀᬕ᭄ᬬᬢ᭄ᬯᬄᬳᬶᬤᬾᬯᬫᬗ᭄ᬓᬶᬦ᭄᭞ᬗᬮᬸᬓᬢ᭄ᬫᬮᬦᬾᬲᬫᬶ᭞ᬲᬲᭀᬮᬳᬶᬂ
ᬮᬓᬸ᭞ᬢᬾᬥᬲ᭄ᬫᬦᬳᬂᬢᬶᬢ᭄ᬬᬂ᭞ᬜᬶᬤᬬᬂᬳᬶᬤᬾᬯᬫᬗ᭄ᬓᬶᬦ᭄᭞ᬧᬲᬂᬜᬸᬧᬢ᭄᭞ᬳᬶᬧᬵᬧᬓᭀᬗᭀᬲ᭄ᬤᬶᬓᬯᬄ᭟᭐᭟᭔᭑᭟ᬧᬤᬕᬶᬗᬦ᭄ᬳᬶᬧᬸᬦ᭄ᬢᬶᬢ᭄ᬬᬂ᭞ᬫᬫᬦᬄᬫᬋᬓᬦ᭄ᬫᬗ᭄ᬓᬶᬦ᭄᭞
ᬢᬦ᭄ᬤᭀᬄᬭᬶᬂᬳ᭄ᬬᬸᬦ᭄ᬳᬶᬤᬾᬯ᭞ᬤᬸᬭᬸᬲᬂᬳᬶᬘᬦᬾᬳᬸᬕᬶ᭞ᬭᬾᬄᬢᬶᬢ᭄ᬬᬂᬳᬗ᭄ᬕᬶᬮᬶᬲ᭄᭞ᬫᬫᬦᬄᬫᬲᬸᬭᬸᬤᬬᬸ᭞ᬫᬫᬢᬶᬫᬢᬶᬲᬦ᭄᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬳᬶᬦ᭄᭞ᬩᬪᬸᬓ᭄ᬢ᭄ᬬ
ᬦ᭄᭞ᬤᬤᭂᬫᭂᬦᬦᬾᬭᬶᬂᬓᬸᬦ᭟᭐᭞᭔᭒᭟ᬢᬸᬃᬫᬭᬃᬬ᭄ᬬᬦ᭄ᬫᬳᬶᬦ᭄ᬤ᭄ᬭᬶᬬᬦ᭄᭞ᬫᬢᬸᬮᬓ᭄ᬓᬲᬶᬰᬹᬦ᭄ᬬᬚᬵᬢ᭞ᬳᬯᬦᬦ᭄ᬳᬶᬭᬢᬸᬋᬓᭀ᭞ᬲᬧᬮᬸᬗ᭄ᬕᬸᬄᬭᬶᬂᬳ᭄ᬬᬂᬍᬯᬶᬄ᭞ᬳᬓᬾ᭠