Kaca:Bali-lontar-paparikan-tantri-01-250ppi.pdf/29

[ ᭒᭘ 28B]
᭒᭘᭞
ᬦᬾᬦᬾᬚᬦᬶᬓ᭄ᬦᭂᬄᬲᬬᬶ᭞ᬧᬘᬂᬮᬸᬯᬲ᭄ᬫᬫᭂᬤᬲᬂ᭞ᬳᬧᬂᬓᬳᬳᬶᬦᬯᬂᬚᬢᬶ᭞ᬢ᭄ᬓᬾᬦᬾᬫᬓᬾᬯᭂᬳᬶᬦ᭄᭞ᬬᬾᬦ᭄ᬓᬾᬦ᭄ᬓᬾᬗ᭄ᬕᭀᬩᬜᬤᬶᬢᬸ᭞ᬳᬓᬾᬢᭀᬧᬗᬦ᭄ᬤᬶᬓᬦ᭄᭞ᬳᬶᬤᬫᬤᬸᬮᬸᬭᬦ᭄ᬩ᭄ᬭᬦ᭄ᬢᬶ᭞
ᬫᬢ᭄ᬮᬲᬶᬦ᭄᭞ᬓᬳ᭄ᬬᬸᬦ᭄ᬫᬫᬃᬕᬶᬲᬂᬲᬶᬗ᭄ᬳ᭟᭐᭟᭑᭖᭟ᬮ᭄ᬬᬸᬧᬜ᭄ᬚᬓᬾᬗᬶᬭᬶᬗᬂ᭞ᬯ᭄ᬬᬓ᭄ᬢᬶᬢᭀᬂᬓ᭄ᬦᬯᬶᬮᬗᬶᬦ᭄᭞ᬧᬚᬮᬦᬾᬕᬕᬗ᭄ᬲᬭᬦ᭄᭞ᬲᬸᬩᬫᬲᬸᬲᬸᬧᬦ᭄ᬲᬫᬶ᭞ᬤᬶᬳᬮᬲᬾᬗᬾᬩᭂᬓᬶᬦ᭄᭞
ᬫᬸᬯᬸᬓ᭄ᬫᬘᬓᬮ᭄ᬜᬮᬸᬓ᭄ᬱᬸᬓ᭄᭞ᬧᬩᬺᬲᬢ᭄ᬗᬗᬢᭂᬗᬳᬂ᭞ᬲᬂᬦᬡ᭄ᬥᬓᬓᭀᬘᬧ᭄ᬫᬮᬶᬄ᭞ᬲ᭄ᬤᭂᬓ᭄ᬤᬦᬾ᭞ᬩᬸᬫᬭᬳᬸᬲᬦ᭄ᬫᬲᬶᬭᬫ᭄᭟᭐᭟᭑᭗᭟ᬤᬶᬬᬾᬄᬳᬾᬮᬶᬦ᭄ᬢᬂᬦᬶᬃᬫᬵᬮ᭞ᬫᬳᬧᬯᬶᬢ᭄ᬭᬳ᭄ᬦᬶᬂ᭞
ᬲᬲᬢ᭄ᬩᬸᬓᬢ᭄ᬮᬕᬯᬚ᭞ᬧᬸᬜᬦ᭄ᬩᬸᬗ᭄ᬳᬫᬗᬸᬗ᭄ᬓᬸᬓᬶᬦ᭄᭞ᬦ᭄ᬤᭂᬂᬫᬩᬸᬗ᭄ᬳᬫᬶᬬᬶᬓ᭄᭞ᬢᬫ᭄ᬩᬸᬮᬶᬮᬶᬗᬦᬾᬫᬗ᭄ᬭᬶᬬᬸᬂ᭞ᬮᬸᬄᬫ᭄ᬯᬦᬶᬫᬓᬭᭀᬦᬦ᭄᭞ᬢᬦ᭄ᬧ᭄ᬕᬢ᭄ᬫᬗᬶᬲᭂᬧ᭄ᬲᬭᬷ᭞ᬬᬦ᭄ᬲᬯᬗᬂ᭞ᬫᬶᬭᬶᬳ᭄ᬳ
[ 29A]
ᬦᬓ᭄ᬧᬗᬦ᭄ᬢᬾᬦᬦ᭄᭟᭐᭟᭑᭘᭟ᬤᬶᬢᬸᬤᬦᬾᬲᬂᬦᬡ᭄ᬥᬓ᭞ᬓᬾᬦᬓ᭄ᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬮᬮᬶᬮᬮᬶᬫᬳᬶᬦ᭄ᬤᭂᬗᬦ᭄᭞ᬫᬗᭀᬚᭀᬕ᭄ᬩᬢᬦ᭄ᬩᬳᬶᬗᬶᬦ᭄᭞ᬳᬬᬸᬩᬾᬢᬦ᭄ᬧᬢᬦ᭄ᬤᬶᬂ᭞ᬫᬲ
ᬫᬾᬤᬦᬾᬫᬮᬶᬗ᭄ᬓᬸᬄ᭞ᬲᬫ᭄ᬩᬶᬮ᭄ᬫᬗᬶᬮᬢ᭄ᬧ᭄ᬤᬤᬂ᭞ᬩᬲᭀᬗᬾᬓᭀᬘᬧᬦ᭄ᬫᬮᬶᬄ᭞ᬦᬾᬫᬸᬘᬸᬓᬶᬦ᭄᭞ᬢ᭄ᬯᬭᬩᬦᬶᬫ᭄ᬤᭂᬲᭂᬓᬂ᭟᭐᭟ᬫ᭄ᬚᬂᬗᬮᬶᬄᬳᬮᬶᬗᬦ᭄᭞ᬤᬶᬩᭀᬗ᭄ᬓᭀᬮ᭄ᬓᬬᬸᬦᬾᬗ᭄ᬧᬶᬮ᭄᭞
ᬘᬶᬭᬶᬦ᭄ᬲᬸᬩᬢᬳᬾᬦ᭄ᬓᬮᬄ᭞ᬲᬂᬦᬡ᭄ᬥᬓᬫᬜᬶᬗ᭄ᬓᬶᬦ᭄᭞ᬓ᭄ᬭᭀᬥᬦᬾᬢᬦ᭄ᬲᬶᬦᬶᬧᬶ᭞ᬧᬜᬶᬗᬓᬦᬾᬗᭂᬦ᭄ᬤᬶᬄᬫᬸᬭᬸᬩ᭄᭞ᬢᬦ᭄ᬤᬸᬓᬾᬩᬾᬗ᭄ᬓᭀᬢᬾᬗ᭄ᬓᭀᬢᬂ᭞ᬩᬶᬮᬂᬕᬕᬸᬫᬸᬓᬧ᭄ᬮᬗ᭄ᬓᬢᬶᬓ᭄᭞
ᬲᬫ᭄ᬩᭂᬄᬩᬸᬬᬃ᭞ᬲᬸᬫᬶᬗ᭄ᬓᬶᬦ᭄ᬧᬥᬗᬺᬲᬺᬲᬂ᭟᭐᭟᭒᭐᭟ᬢᬓᬸᬢ᭄ᬩᬲᭀᬗᬾᬫᬓ᭄ᬢᬂ᭞ᬩᬸᬲᬦ᭄ᬩᬸᬲᬦ᭄ᬦᭀᬮᬶᬄ᭞ᬢᬦ᭄ᬤᬸᬫᬤᬾᬧ᭄ᬭᬪᬸᬲᬶᬗ᭄ᬳ᭞ᬭᬯᬸᬄᬭᬭᬶᬲ᭄ᬫᬜᬶᬗ