᭑ [1B]
᭚ ᬆᬯᬶᬖ᭄ᬦᬫᬲ᭄ᬢᬸ᭟ᬢᬦ᭄ᬢ᭄ᬭᬷᬧᬭᬶᬓᬦ᭄᭞ᬧᬸᬭᬶᬓᬯᬦ᭄ᬲᬶᬗᬭᬚ᭟ᬧᬸᬧᬸᬄᬥᬸᬃᬫ᭟᭑᭞ᬯᬾᬦ᭄ᬢᭂᬦ᭄ᬧ᭄ᬭᬪᬸ᭠ᬓᬮᭀᬓᬧᬜᬶᬯ᭄ᬬᬜ᭄ᬚᬕᬢ᭄᭞ᬚᬸᬫ᭄ᬦᭂᬂᬤᬶᬧᬵᬝᬮᬶ᭞ᬧ᭄ᬭᬭᬢᬸᬦᬾᬓᬢᬄ᭞ᬲᬯᭂᬗ᭄ᬓᭀᬦ᭄ᬦᬵᬕᬭ᭞ᬚᬫ᭄ᬩᬸᬤ᭄ᬯᬷᬧᬲᬫᬳᬶᬭᬶᬂ᭞
ᬓᬢ᭄ᬓᬦ᭄ᬲᬸᬩᬓ᭄ᬓᬳ᭄ᬭᬾᬄᬫᬲ᭄ᬭᬄᬉᬧ᭄ᬢᬶ᭟᭐᭟᭑᭟ᬓᭀᬢᬫᬦ᭄ᬲᬂᬧ᭄ᬭᬪᬸᬢ᭄ᬯᬭᬩᬓᬢᬸᬘᬧ᭄᭞ᬳᬦᬹᬢᬫᬧᬭᬗ᭄ᬳᬭᬶ᭞ᬯᬶᬱ᭄ᬡᬸᬲᬓᬮᬲᬢᬢ᭞ᬲᬢᬢᬫᬗ᭄ᬤᬾᬦᬸᬮᬧ᭄᭞ᬇᬥᭂᬧ᭄ᬫᬸᬲᬸᬄᬳᬫᬧᬮᬶᬦ᭄᭞ᬫᬮᬶᬄᬰ᭄ᬭᬷ
ᬥᬭ᭞ᬳᬦ᭄ᬢᬸᬓᬦᬾᬫᬗ᭄ᬲᬾᬗᬶᬦ᭄᭟᭐᭟᭓᭟ᬤᬾᬦᬶᬗ᭄ᬫᬧᬮ᭄ᬯᬦ᭄ᬫᬲ᭄ᬲᬲᭀᬘᬦ᭄᭞ᬭᬶᬂᬩᬳᬸᬤᬡ᭄ᬤ᭠ᬲᬫᬶ᭞ᬩᬦᬾᬧᬜ᭄ᬘᬦᬦ᭞ᬫ᭄ᬩ᭄ᬭᬢᬬᬂᬓᬧᬜ᭄ᬘᬲ᭄ᬬᬦ᭄᭞ᬲᬶᬗ᭄ᬳᬧᬦᭂᬗ᭄ᬕᬸᬳᬾᬫᬮᬶᬄ᭞ᬓᬤᬶᬓᬵᬕᬸᬗᬦ᭄᭞ᬧ᭄ᬭᬪᬸ
ᬥᬂᬫᬦᬾᬭᬶᬳᬶᬦ᭄᭟᭐᭟᭔᭟ᬬᬸᬕᬜ᭄ᬚᬕᬢ᭄ᬩ᭄ᬯᬶᬦ᭄ᬭᬱᬫᬩᬮᬶᬓ᭄ᬓᬺᬢ᭞ᬧᬭᬋᬱᬶᬦᬾᬲᬫᬶ᭞ᬫᬫᬭᬶᬯᬶᬱᬬ᭞ᬧᬕᭂᬄᬗ᭄ᬕᬫ᭄ᬮᬂᬬᭀᬕ᭞ᬢᬦ᭄ᬮ᭄ᬬᬦ᭄ᬲᭀᬭᭀᬄᬢᬢ᭄ᬯᬵᬚᬷ᭞ᬓᬧᬋᬫ᭄ᬩᬸᬕᬂ᭞ᬲᬂᬧ᭄ᬭᬪᬸᬫᬶᬦᬓ
᭒ [2A]
ᬤᬶ᭟᭐᭟᭕᭟ᬲᬗ᭄ᬓᬦ᭄ᬧᬢᬹᬢ᭄ᬐᬰ᭄ᬯᬃᬬ᭄ᬬᬥᬮ᭞ᬥᬮᬓᬧᬶᬢ᭄ᬕᭂᬲᬶᬦ᭄᭞ᬤᭀᬦ᭄ᬩᬸᬗ᭄ᬳᬘᬭᬂ᭞ᬐᬲ᭄ᬯᬃᬬ᭄ᬬᬓᬲᬸᬕᬶᬳᬦ᭄᭞ᬭᬵᬚᬩ᭄ᬭᬡᬫᬶᬯᬄᬭᬩᬶ᭞ᬯᭀᬂᬓ᭄ᬦᬲᬫ᭄ᬩᬢ᭄᭞ᬮ᭄ᬯᬸᬗ᭄ᬩᭂᬓᬶᬦ᭄ᬧᬸᬭᬶ᭟᭐᭟᭖᭟ᬓᬥᬂᬯᬃᬕ᭄ᬕᬶᬓᬯᬸ
ᬮᬫᬦ᭄ᬢ᭄ᬭᬷᬧᬸᬗ᭄ᬕᬯ᭞ᬫᬓᬤᬶᬜᬧᬧᬢᬶᬄ᭞ᬦᬶᬢᬗᬦ᭄ᬤᬾᬰ᭄ᬯᬃᬬ᭄ᬬ᭞ᬢᬦᬸᬲᬦ᭄ ᬗ᭄ᬕᬸᬦᬶᬢᬬᬂ᭞ᬯᬦᬦᬦ᭄ᬚᬕᬢᬾᬢᬺᬧ᭄ᬢᬶ᭞ᬓᬩ᭄ᬯᬢᬦ᭄ᬧᬥ᭞ᬗᭂᬄᬦᬯᬗ᭄ᬲᬶᬧ᭄ᬢᬾᬂᬳᬚᬷ᭟᭐᭟᭗᭟ᬦᬾᬓᬳᬸᬘᬧ᭄ᬫᬸᬗ᭄ᬕ᭄ᬯᬶᬂᬓᬸᬝᬵᬭᬫᬵᬦᬯ᭞ᬫ᭄ᬯᬄ
ᬰᬵᬲ᭄ᬢ᭄ᬭᬲᬭᭀᬤᬺᬢᬶ᭞ᬲᬗ᭄ᬓᬦ᭄ᬢ᭄ᬯᬭᬳᬤ᭞ᬗᬾᬯᭂᬳᬂᬧᬜ᭄ᬘᬦᬬ᭞ᬧᬗᬤᭂᬕ᭄ᬲᬂᬧ᭄ᬭᬪᬸᬮᬫᬶ᭞ᬬᬾᬦ᭄ᬓᬸᬥᬂᬢᬶᬩᬦ᭄᭞ᬲᬸᬓᬧᬕᭂᬄᬫᬦ᭄ᬤᬶᬭᬶ᭟᭐᭟᭘᭟ᬲ᭄ᬤᭂᬓ᭄ᬮ᭄ᬬᬂᬲᬂᬧ᭄ᬭᬪᬸᬫᬺᬫ᭄ᬫᬺᬫᬦ᭄᭞ᬲᬚ᭄ᬭᭀᬦᬶᬂᬢᬫᬦ᭄ᬲᬭᬷ᭞ᬯᬾᬦ᭄ᬢᭂ
ᬦ᭄ᬩᬮᬾᬗᬸᬗᬂ᭞ᬢ᭄ᬕᭂᬳᬾᬓᬤᬶᬦᬯ᭞ᬓᬤᬶᬭᬱᬦᬶᬸᬜ᭄ᬚᬸᬚᬸᬄᬮᬗᬶᬢ᭄᭞ᬫᬩᬩᬘ᭄ᬫᬦ᭄᭞ᬫᬧᬗ᭄ᬓᭂᬤ᭄ᬧᬗ᭄ᬓᭂᬤ᭄ᬩᭂᬘᬶᬓ᭄᭟᭐᭟᭙᭟ᬓᬾᬄᬧᬜ᭄ᬘᭀᬭᬦ᭄ᬲᬸᬫᬦ᭄ᬥᬶᬂᬢᭀᬬᬧᬯᬶᬢ᭄ᬭ᭞ᬫᬓᬡ᭄ᬥᬓᬡ᭄ᬥᬧᬲ᭄ᬢᬶ᭞ᬮᬗᭃ
Kaca:Bali-lontar-paparikan-tantri-01-250ppi.pdf/2
Kaca puniki sampun kauji-wacén
