[᭘᭘ 88B]
᭘᭘
ᬳᬶᬗᭂᬢᬂᬧᬶᬲᬦ᭄᭞ᬧᬶᬢᬸᬢᬸᬃᬩᬧᬳᬓᬶᬤᬶᬓ᭄᭞ᬳ᭄ᬤᬘ᭄ᬦᬶᬂᬗᬾᬮᬄᬳᬫ᭄ᬧᬄ᭞ᬫᬸᬂᬧᬸᬂᬓᬢᬸᬗ᭄ᬕᬸᬩᬵᬦ᭄ᬳᬶᬤᬸᬧ᭄᭞ᬲᬼᬕᬂᬳᬸᬕᬶᬫᬮᬚᬄ᭞ᬳᬧᬂᬚᬵᬢᬶ᭞ᬗᬮᬶᬄᬕᬸᬭᬸᬧᬶᬲ᭄ᬓᭂᬦᬂ᭟᭖᭑᭐᭟ᬩᬧᬦᬯᭂᬕᬂᬧᬶᬲᬦ᭄᭞ᬢ᭄ᬓᬾᬦ᭄ᬘ᭄ᬦᬶᬂ
ᬩᬸᬓᬚᬦᬶ᭞ᬓ᭄ᬦᬘ᭄ᬦᬶᬂᬗᬓ᭄ᬱᬫᬬᬂ᭞ᬫᬭᬶᬂᬳᬶᬤᬤᬦᬾᬳᬶᬧᬸᬦ᭄᭞ᬳᬦ᭄ᬢᬸᬓ᭄ᬮᬘᬸᬭᬾᬓᬮᬶᬯᬢ᭄᭞ᬩ᭄ᬮᭀᬕ᭄ᬚᬢᬶ᭞ᬓᬾᬯᬮᬫᬤᬲᬃᬧᭀᬗᬄ᭟᭖᭑᭑᭟ᬧᭀᬗᬄᬩᬧᬦᬾᬓᬮᬶᬯᬢ᭄᭞ᬤ᭄ᬫᭂᬦ᭄ᬳᬚᬸᬫ᭄ᬓᬤᬾᬦ᭄ᬭᬶᬭᬶᬄ᭞
ᬢ᭄ᬯᬭᬢᬳᬸᬢ᭄ᬓᬾᬦ᭄ᬳᬯᬓ᭄᭞ᬲᬢᬢᬫᬗ᭄ᬕᬶᬄᬧᬓᬾᬯᬸᬄ᭞ᬳᬸᬮᬶᬂᬘ᭄ᬦᬶᬓ᭄ᬧᬶᬦᬄᬢᬸᬳ᭞ᬓᬬᬂᬫᬢᬶ᭞ᬢᬦᬸᬭᬸᬂᬫᬗ᭄ᬕᬶᬳᬂᬧᬧ᭟᭖᭑᭒᭟ᬩᬧᬍᬓᬤ᭄ᬤᬶᬘᬸᬘᬸᬓᬦ᭄᭞ᬓᭀᬘᬧ᭄ᬳ᭄ᬦᬸᬭᬚᭂᬕ᭄ᬩᬮᬶ᭞ᬦᬗᬶᬂᬩᬧᬢ᭄ᬯᬭᬦ
ᬯᬂ᭞ᬳᬾᬗ᭄ᬕᬮᬦ᭄ᬕᬸᬫᬶᬦᬾᬳᬸᬯᬸᬕ᭄᭞ᬳᬶᬗᭂᬢ᭄ᬩᬧᬲᬸᬩᬢ᭄ᬭᬂ᭞ᬓᬕᭂᬦ᭄ᬢᭀᬲᬶᬦ᭄᭞ᬳᬦ᭄ᬢᬸᬓ᭄ᬭᬢᬸᬰ᭄ᬭᬶᬉᬮᬦ᭄ᬤ᭟᭖᭑᭓᭟ᬩᬧᬳᬶᬥᬸᬧ᭄ᬓᬲᬗ᭄ᬲᬭᬦ᭄᭞ᬢᬸᬦᬲᬗᬸᬳᬸᬮᬶᬂᬘ᭄ᬭᬶᬓ᭄᭞ᬲᬶᬂᬚᬮᬦ᭄ᬚᬮᬦ᭄ᬫᬦᭀᬗᭀᬲ᭄᭞ᬫ
[᭘᭙ 89A]
ᬫ᭄ᬯᬢᬂᬗᬶᬤᬶᬄᬲᬗᬹ᭞ᬤᬶᬚᬳᬤᬳᬦᬓ᭄ᬳᭀᬮᬲ᭄᭞ᬫᬗᬸᬩᬸᬳᬶᬦ᭄᭞ᬤᬶᬢᬸᬩᬧᬫᬜᬾᬯᬓ᭟᭖᭑᭔᭟ᬲᬳ᭄ᬦᬸᬦ᭄ᬩᬧᬦᬾᬚᬸᬫᬄ᭞ᬢᬸᬦᬤᬳᬃᬲᬵᬳᬶᬲᬵᬳᬶ᭞ᬧ᭄ᬭᬕᬢ᭄ᬓᬲᬾᬮᬫᬮᬩ᭄ᬮᬩ᭄᭞ᬤᬶᬓᬾᬦ᭄ᬓᬾᬦᬾᬘᬘᬄᬳ᭄ᬢᬸᬄ᭞
ᬳᭂᬦ᭄ᬢᭀᬳᭂᬗ᭄ᬓᬾᬦ᭄ᬤᬤᬶᬤᬵᬬ᭞ᬓ᭄ᬭᬡᬚᬦᬶ᭞ᬩ᭄ᬮᭀᬕᬾᬫᬗᭀᬜᬂᬳᬰ᭟᭖᭑᭕᭟ᬳ᭄ᬤᬘ᭄ᬦᬶᬂᬫᬲᭂᬮ᭄ᬲᭂᬮᬦ᭄᭞ᬢ᭄ᬓᬾᬦ᭄ᬩᬧᬩᬸᬓᬚᬦᬶ᭞ᬯᬶᬭᬾᬄᬢᬸᬲᬶᬂᬳᬤᬵᬩᬧ᭞ᬢᬢᬫᬳᬦ᭄ᬧᬘᬂᬧᬸᬧᬸ᭞ᬓᬾᬯᬮᬫᬸᬜᬶᬢᬸᬢᬸ
ᬭᬦ᭄᭞ᬧᬸᬬᬸᬂᬲᬫᬶ᭞ᬯᬶᬭᬾᬄᬩᬧᬫ᭄ᬩᬳᬦ᭄ᬦᬶᬮᬵᬤ᭄᭟᭖᭑᭖᭟ᬲᬹᬓ᭄ᬱ᭄ᬫᬦ᭄ᬤᬕᬶᬂᬯᬶᬭᬱ᭞ᬤᬸᬭᬸᬂᬧᬶᬲᬦ᭄ᬩᬧᬗᬺᬢᬶ᭞ᬓᬾᬯᬮᬢᬩᬄᬫᬜᬸᬭᬢ᭄᭞ᬗᬸᬮᬳᬂᬗᬮᬶᬄᬧᬶᬢᬸᬢᬸᬃ᭞ᬲᬓᬤᬶᬫᬸᬗ᭄ᬕᬄᬭᬶᬂᬢᬢ᭄ᬯ᭞ᬢᬢ᭄ᬯᬧᬶᬳᬸᬢ᭄᭞
ᬧᬶᬗᬶᬢ᭄ᬰᬭᬲᬫᬸᬘᬵᬬ᭟᭖᭑᭗᭟ᬢᬸᬢᬸᬃᬰᬭᬲᬫᬸᬘᬵᬬ᭞ᬤᬤᬶᬧᬗ᭄ᬓᬄᬩᬧᬫᬭᬶᬓ᭄᭞ᬦᬸᬚᬸᬤᬶᬦᬵᬢᬦ᭄ᬧᬓᬵᬃᬬ᭄ᬬ᭞ᬓᬾᬯᭂᬩᬧᬲᬳᬶᬗᬗ᭄ᬕᬸᬃ᭞ᬗᬗ᭄ᬕᬸᬃᬫᬲᬶᬄᬧᬤᬶᬤᬶᬬᬦ᭄᭞ᬓ᭄ᬫᬓ᭄ᬫᬶᬓ᭄᭞ᬢ᭄ᬯᬭᬳᬤᬗᬭᬸᬗᬸᬳᬂ᭟᭖᭑᭘᭟
Kaca:Bali-lontar-paparikan-sarasamuscaya-300ppi.pdf/89
Kaca puniki sampun kauji-wacén
