[᭘᭓ 83B]
᭘᭓
ᬬᬸᬫᬦᭂᬧᬸᬓᬶᬦ᭄᭞ᬧ᭄ᬮᬶᬳᬾᬢᬶᬗ᭄ᬕᬃ᭞ᬲᬶᬦᬄᬤᭀᬱᬦ᭄ᬜᬦᬾᬢᬫ᭄ᬧᬶ᭟᭕᭖᭗᭟ᬓ᭄ᬭᬡᬜᬦ᭄ᬤᬂᬩ᭄ᬭᬢᬓ᭄ᬮᬦᬾᬦᬢᭀᬧᬕᭂᬳᬂ᭞ᬳᬧᬢ᭄ᬓᬳᭂᬦ᭄ᬢᭀᬢᬫ᭄ᬧᬶ᭞ᬬᬤᬶᬦ᭄ᬓᬤ᭄ᬕᬕᬦ᭄᭞ᬢᬦ᭄ᬧᬦ᭄ᬢᬭᬚᬕ᭄ᬫ᭄ᬭᬶᬓᭀᬱ᭞ᬫᬦᬶᬯᬓᬦ᭄ᬲ
ᬓ᭄ᬳᬶᬭᬶ᭞ᬫᬲᬶᬄᬍᬕᬬᬂ᭞ᬳᭂᬦ᭄ᬢᭀᬩ᭄ᬓᭂᬮ᭄ᬕᬕᬄᬚᬦᬶ᭟᭕᭖᭘᭟ᬳᬶᬲ᭄ᬫᬭᬚᬦᬶᬩᬮᬶᬓᬶᬦ᭄ᬢᬸᬢᬸᬭᬂ᭞ᬬᬦ᭄ᬲᬚᬲᬸᬩᬚᬢᬶ᭞ᬓᬢᬶᬢᬄᬲ᭄ᬫᬭ᭞ᬲ᭄ᬫᬭᬫᬤᬦ᭄ᬯᬶᬱᬬ᭞ᬯᬶᬱᬬᬓᬵᬫᬫᬦᬤᬶ᭞ᬤᬤᬶᬳᬶᬦ᭄ᬤ᭄ᬭᬶᬬ᭞ᬲᬸᬓᬲ
ᬗ᭄ᬕᬫᬫᬦᬶᬦ᭄ᬤᬶᬄ᭟᭕᭖᭙᭟ᬳᬶᬲᬂᬗ᭄ᬕᬫᬵᬫᬤ᭄ᬓᭂᬢ᭄ᬤᬶᬳᬢᬶᬫᬕ᭄ᬦᬄ᭞ᬤᬤᬶᬍᬕᬢᬺᬱ᭄ᬡᬪᬓ᭄ᬢᬶ᭞ᬳᬶᬢᬺᬱ᭄ᬡᬯᬶᬰᬾᬱ᭞ᬯᬶᬰᬾᬱᬫᬗ᭄ᬭᬸᬱᬓ᭄ᬳᬯᬓ᭄᭞ᬢ᭄ᬯᬭᬦᬯᬂᬩ᭄ᬦᭂᬄᬧ᭄ᬮᬶᬄ᭞ᬓᬓ᭄ᬤᭂᬂᬢᬺᬱ᭄ᬡᬵ᭞ᬳᬶᬢᬺᬧ᭄ᬡᬢᬸᬢᬸᬭᬂᬚᬦᬶ᭟᭕᭗᭐᭟ᬢ᭄ᬯᬄ
ᬳᬶᬢᬺᬱ᭄ᬡᬵᬧᬫᬸᬧᬸᬮᬦᬶᬂᬳᬶᬫᬮ᭞ᬓ᭄ᬭᬡᬢᬓᬸᬢ᭄ᬫ᭄ᬯᬄᬳᬾᬮᬶᬓ᭄᭞ᬫ᭄ᬯᬄᬧᬵᬢᬹᬢᬾᬳᬶᬮᬂ᭞ᬋᬱᬺᬱᬾᬲᬲᬬᬦ᭄ᬢᭂᬓ᭞ᬢᬦᬸᬭᬸᬂᬧᬧᬦᬾᬢᬵᬫ᭄ᬧᬶ᭞ᬩᬳᬦ᭄ᬳᬶᬢ᭄ᬭᬱ᭄ᬡ᭞ᬳᭂᬦ᭄ᬢᭀᬤᬳᬢ᭄ᬫᬜᬓᬶᬢᬶᬦ᭄᭟᭖᭗᭑᭟ᬓᬤᬶᬩᬧ
[᭘᭔ 84A]
ᬲᬸᬩᬓᬭᬸᬱᬓᬂᬢᬺᬱ᭄ᬡ᭞ᬳ᭄ᬤᬦᬸᬮᬤ᭄ᬩᬵᬧᬚᬦᬶ᭞ᬢᬦ᭄ᬲᬄᬜᬸᬦᬦ᭄ᬢᬭ᭞ᬲᬵᬃᬯ᭄ᬯᬪᭀᬕᬦᬾᬫᬦᬶᬓᬄ᭞ᬩᬵᬦ᭄ᬫᬼᬤᬾᬫᬜᬓᬶᬢᬶᬦ᭄᭞ᬢᭀᬂᬗᬸᬢᬂᬮ᭄ᬫᬄ᭞ᬦᬸᬢᬸᬕ᭄ᬪᭀᬕᬓ᭄ᬫᬫᬳᬶ᭟᭕᭗᭑᭟ᬬᬦ᭄ᬳᬸᬧᬫᬓᬤᬶᬓᬫ᭄ᬩᬶᬂᬫᬳᬶᬍ
ᬳᬦ᭄᭞ᬧᬤᬂᬳᬘ᭄ᬓᬾᬮ᭄ᬢᬸᬢᬸᬢᬶᬦ᭄᭞ᬫᬼᬤᬾᬩᬲ᭄ᬮᬶᬯᬢ᭄᭞ᬫᬗᬚᬦᬂᬫᬗ᭄ᬮᭀᬤᬂ᭞ᬓᬕᬾᬯᬾᬭᬶᬦ᭄ᬓᬳᬜ᭄ᬚᬸᬭᬶᬦ᭄᭞ᬧᬬᬸᬦᬾᬕᬯᬂ᭞ᬫᬲᬶᬄᬮᬘᬸᬃᬓᬬᬂᬚᬦᬶ᭟᭕᭗᭒᭟ᬬᬤᬶᬦ᭄ᬫᭂᬧᭂᬓ᭄ᬢᬸᬯᬸᬳᬾᬫᬗ᭄ᬕᬸᬄᬓᬲᬥ᭄ᬬᬦ᭄᭞ᬲᬶᬦᬄᬋ
ᬋᬤ᭄ᬯ᭄ᬓᬲ᭄ᬤᬤᬤᬶ᭞ᬲ᭄ᬕᬃᬤᬜᬕᭂᬭᬂ᭞ᬲᬶᬦᬕ᭄ᬲᬓᬶᬢᬾᬢ᭄ᬓ᭞ᬓ᭄ᬭᬡᬤᬶᬲ᭄ᬕᭂᬭᬾᬚᬦᬶ᭞ᬳ᭄ᬤᬜᬗ᭄ᬓᬬᬂ᭞ᬫᬦᬗᬸᬦᬂᬓᬧᬓᬾᬃᬣᬶ᭟᭕᭗᭓᭟ᬳᭂᬦ᭄ᬢᭀᬳᬯᬲ᭄ᬳᬦᬓᬾᬲᬸᬩᬢᬸᬳ᭞ᬳ᭄ᬩᭀᬓ᭄ᬜᬦᬾᬲᬸᬩᬮᬶᬕ᭄ᬮᬶᬕ᭄᭞ᬕᬶᬕᬶᬦ᭄ᬜᬦᬾᬳᬶ
ᬮᬂ᭞ᬳᬯᬓ᭄ᬗᭂᬢᭀᬃᬲᬸᬩᬕᭂᬫ᭄ᬩ᭞ᬫᬲᬶᬄᬢᬺᬱ᭄ᬡᬢ᭄ᬓᬾᬦ᭄ᬉᬭᬶᬧ᭄᭞ᬤ᭄ᬫᭂᬦ᭄ᬭᬶᬂᬲᬸᬓ᭞ᬓᬤᬾᬦ᭄ᬧᬕᭂᬄᬳ᭄ᬦᬸᬉᬭᬶᬧ᭄᭟᭕᭗᭔᭟ᬳ᭄ᬜᬾᬦ᭄ᬲᬶᬤ᭄ᬥᬫᬗᬼᬓᬶᬦ᭄ᬫᬦᬄᬢᬺᬱ᭄ᬡ᭞ᬳᬶᬢᬺᬱ᭄ᬡᬲᬓ᭄ᬱᬢ᭄ᬧᬲᬶᬄ᭞ᬩᬶᬦ᭄ᬧᬶᬤᬦ᭄ᬓᬲᬶᬤ᭄ᬥᬦ᭄᭞ᬳ᭄ᬩᭂᬓ᭄ᬩᬳᬦ᭄ᬳᬶᬬᬾᬄᬢᬸᬓᬤ᭄
Kaca:Bali-lontar-paparikan-sarasamuscaya-300ppi.pdf/84
Kaca puniki sampun kauji-wacén
