[᭖ 6B]
᭖
᭞ᬫᬶᬯᬄᬧᬸᬭᬲᬦᬾᬍᬯᬶᬄ᭞ᬳᬸᬫᬄᬚ᭄ᬭᭀᬫᬳᬸᬢ᭄ᬢᬫ᭞ᬪᭀᬕᬪᭀᬕᬲᬃᬯ᭄ᬯᬩ᭄ᬘᬶᬓ᭄᭞ᬪᬹᬱᬡᬧᬗᬗ᭄ᬕᭀᬩ᭄ᬘᬶᬓ᭄᭞ᬤᬦᬧᬸᬡ᭄ᬬᬯᬲ᭄ᬢᬦ᭄ᬳᬶᬧᬸᬦ᭄᭞ᬲᬮ᭄ᬯᬶᬭᬶᬂᬫᬗᬼᬕᬦᬶᬦ᭄ᬫᬦᬄ᭞ᬧᬯᬶᬮᬗ
ᬦ᭄ᬩᬭᬾᬲ᭄ᬲᬫᬶ᭞ᬳᬧᬂᬢᬳᬸᬢᬶᬗ᭄ᬓᬳᬾᬧᬘᬂᬧᬸᬗ᭄ᬓᬸᬭᬦ᭄᭞᭒᭘᭞᭚ᬧᬜ᭄ᬚᬓ᭄ᬪ᭄ᬭᬡᬫ᭄ᬯᬄᬢ᭄ᬕᬓᬦ᭄᭞ᬫ᭄ᬯᬄᬩᬸᬰᬡᬵ᭞ᬳᭂᬦ᭄ᬢᭀᬧᬵᬢᬹᬢ᭄ᬫᬗ᭄ᬭᬯᬸᬳᬶᬦ᭄᭞ᬭᬶᬂᬮᬶᬗ᭄ᬕᬶᬄᬲᬂᬥᬃᬫ᭄ᬫᬲᬥᬹ᭞ᬯᬶᬭᬾᬄᬳᬶᬤᬫ
ᬦ᭄ᬭᬸᬯᬾᬦᬂ᭞ᬬᬦ᭄ᬳᬸᬧᬫ᭞ᬇᬓᬢᬦ᭄ᬫᬗᬸᬗ᭄ᬲᬶᬲᬸᬫᬸᬃ᭞ᬳᭂᬦ᭄ᬢᭀᬓ᭄ᬭᬡᬵᬤᬗᬾᬯ᭄ᬳᬂ᭞ᬢᬶᬯᬲ᭄ᬩᬳᬦ᭄ᬳ᭄ᬫᬲ᭄ᬧᬶᬧᬶᬲ᭄᭞᭒᭙᭞ᬓᬲᭂᬗ᭄ᬕᬸᬄᬫᬢᬸᬯᬸᬄᬮᬦ᭄ᬢᬂ᭞ᬬᬦᬶᬂᬲᬸᬩ᭞ᬓᬢᬸᬗ᭄ᬕᬸᬦ᭄ᬳᬯᬓᬾᬲᬸᬕᬶᬄ᭞
ᬩ᭄ᬭᬡᬮ᭄ᬬᬸᬧᬜ᭄ᬚᬓ᭄ᬧ᭄ᬦᬸᬄ᭞ᬓᬤᬾᬦ᭄ᬳᭂᬦ᭄ᬢᭀᬗ᭄ᬫᬶᬢ᭄ᬳᬢ᭄ᬫ᭞ᬬᬦ᭄ᬳᬶᬥᬃᬫ᭄ᬫ᭞ᬓᬲᭂᬗ᭄ᬕᬸᬄᬳ᭄ᬬᬂᬓᬮᬫᬺᬢ᭄ᬬᬸ᭞ᬯᬶᬭᬾᬄᬲᬓᬶᬢᬾᬓᬮᬶᬯᬢ᭄᭞ᬫᬲᬶᬄᬧᬬᬸᬩᬜᬫᬢᬶ᭞᭓᭐᭞ᬲᬂᬳ᭄ᬬᬂᬓᬮᬫᬳᬶᬍᬳ
[᭗ 7A]
ᬦ᭄᭞ᬗᬶᬦ᭄ᬢᬶᬧ᭄ᬲᬳᬶ᭞ᬤᬶᬢᭂᬡ᭄ᬥᬲ᭄ᬳᬶᬤᬫᬮᬶᬗ᭄ᬕᬶᬄ᭞ᬫᬜᬦ᭄ᬢᭀᬲᬂᬳᬶᬯᬂᬧᬢᬹᬢ᭄᭞ᬤᬶᬚᬵᬳᬶᬯᬂᬳᬶᬤᬦᬤᬄ᭞ᬬᬦᬶᬂᬧᬵᬢᬹᬢ᭄᭞ᬓᬾᬯᬮᬓᬚᬦ᭄ᬢᭀᬲ᭄ᬫᬮᬹ᭞ᬢᭀᬂᬤᬤᬶᬧᬘᬂᬯᬗ᭄ᬤᬾᬬᬂ᭞ᬲᬂᬳ᭄ᬬᬂᬓᬮ
ᬗᬫ᭄ᬩᬸᬮ᭄ᬲᬫᬶ᭞᭓᭑᭞ᬫᬸᬂᬧᬸᬂᬓᬢᬸᬗ᭄ᬕᬸᬦ᭄ᬩᬦ᭄ᬩᬚᬂ᭞ᬧᬦ᭄ᬥᭂᬗᬾ᭞ᬚᬦᬶᬜᬦ᭄ᬤᬂᬮᬓ᭄ᬱᬡᬳᬶᬦ᭄᭞ᬗ᭄ᬢᬸᬢ᭄ᬓᬥᬃᬫ᭄ᬫᬦᬾᬳᬬᬸ᭞ᬉᬭᬶᬧᬾᬳᬗ᭄ᬕᭀᬦ᭄ᬰ᭄ᬭᬡᬵ᭞ᬤᬾᬦᬶᬂᬩᬶᬦᬵ᭞ᬳᬶᬭᬭᬾᬢᬦ᭄ᬤᬶᬗᬂᬫᬮᬹ᭞ᬭᬶᬂᬳᬶ
ᬢ᭄ᬯᬤᬶᬯᬶᬰᬾᬱ᭞ᬕᬮᬗᬾᬳᬗ᭄ᬕᭀᬦ᭄ᬳᬸᬧᬫᬶ᭞᭓᭒᭞ᬳᬸᬧᬲᬫᬾᬦᬾᬢᬸᬢᬸᬭᬂ᭞ᬭᬶᬂᬳᬶᬭᬭᬾ᭞ᬳᭂᬦ᭄ᬢᭀᬜᬦ᭄ᬤᬂᬓᬢᬶᬯᬓᬶᬦ᭄᭞ᬭᬶᬂᬯᭀᬂᬢᬸᬳᬢ᭄ᬯᬭᬧᬵᬢᬹᬢ᭄᭞ᬤᬾᬦᬶᬂᬳᬶᬢᬸᬳᬲᬗ᭄ᬲᬭ᭞ᬧᬘᬂᬫ᭄ᬤ
ᬮ᭄᭞ᬫᬧ᭄ᬮᬶᬲ᭄ᬗᬾᬗᬾᬲᬦ᭄ᬓᬩᬸᬃ᭞ᬳᬯᬓ᭄ᬢᬸᬳᬗ᭄ᬢᭀᬃᬳᬸᬩᬵᬦ᭄᭞ᬅᬓ᭄ᬯᬾᬄᬤᬸᬄᬓᬶᬢᬦᬾᬢᬫ᭄ᬧᬶ᭞᭓᭓᭞ᬳ᭄ᬦᬾᬩ᭄ᬯᬶᬦ᭄ᬢᬶᬗ᭄ᬓᬄᬲᬚᬵ᭞ᬢ᭄ᬯᬄᬳᬶᬘ᭄ᬭᬶᬓ᭄᭞ᬢᬸᬯᬸᬄᬩᬚᬗᬾᬫᬗᬦ᭄ᬢᬶ᭞ᬳᬶᬩᬚᬂᬢᬸᬳᬫ
Kaca:Bali-lontar-paparikan-sarasamuscaya-300ppi.pdf/7
Kaca puniki sampun kauji-wacén
