[᭖᭓ 63B]
᭖᭓
ᬲ᭄᭞ᬬᬦᬶᬂᬲᬸᬩᬦᬾᬤᬶᬤᬸᬭᬶ᭞ᬧᬗ᭄ᬭᬯᭀᬲᬾᬧᬢᬶᬓᬘᬸᬄ᭞ᬬᬤᬶᬦ᭄ᬫᬳᬦ᭄ᬬᬤᬶᬦ᭄ᬢ᭄ᬯᬭ᭞ᬩᬸᬓᬧᬫ᭄ᬭᬶᬄᬳᬶᬩᬸᬤ᭄ᬥᬶ᭞ᬓᬾᬢᭀᬢᬸᬳᬸᬥᬃᬫ᭄ᬫᬦ᭄ᬘᭂᬭᭀᬮᬾᬫᬚᬮᬦ᭄᭟᭓᭘᭓᭟ᬮ᭄ᬬᬸᬩᬳᬦ᭄ᬗᬸᬧᬫᬶᬬᬂ᭞ᬳᬸᬧᬫᬶᬳᬶᬓᬦ᭄ᬢᬯᬮᬶ᭞
ᬧᬶᬢ᭄ᬯᬶᬦᬾᬳᬩᬲ᭄ᬲᭀᬢᭀᬂ᭞ᬬᬤᬶᬦ᭄ᬫ᭄ᬮᬄᬳ᭄ᬜᬓ᭄ᬫᭂᬡ᭄ᬝᬶᬓ᭄᭞ᬬᬲᬶᬦᬄᬫᬲᬶᬄᬧᬳᬶᬢ᭄᭞ᬯᬶᬭᬾᬄᬫᬸᬮᬤᬲᬃᬳᬶᬧᬸᬦ᭄᭞ᬩᬸᬓᬳᬶᬬᬾᬳᬾᬤᭂᬕ᭄ᬤᭂᬕᬂ᭞ᬦᬾᬦᬾᬧᬸᬯᭂᬓ᭄ᬳᭂᬜᬓ᭄ᬳ᭄ᬦᬶᬂ᭞ᬧᬸᬳᭂᬓ᭄ᬧᭂᬲᬸᬬᬦ᭄ᬩᬸᬯᬶᬦ᭄ᬩᬓᬢ᭄ᬓᭀᬘᭀᬓ᭄
ᬓᬂ᭟᭓᭘᭔᭟ᬬᬤᬶᬦ᭄ᬮᬾᬧᬫᬥᬸᬕᬸᬮ᭞ᬓ᭄ᬤᬧᬦ᭄ᬳᬶᬓᬦ᭄ᬢᬯᬮᬶ᭞ᬧᬲ᭄ᬢᬶᬓᬩᬦ᭄ᬫᬫᬦᬶᬲᬦ᭄᭞ᬢᭀᬓᬸᬤ᭄ᬬᬂᬗᬶᬮᬗᬂᬧᬳᬶᬢ᭄᭞ᬲᬃᬯ᭄ᬯᬩᬸᬗᬦᬾᬫᬶᬳᬶᬓ᭄᭞ᬫᬶᬬᬶᬓ᭄ᬫᬬᬶᬓ᭄ᬫᬭᬢᬸᬲ᭄᭞ᬳᬤᭀᬄᬧᬳᬶᬢ᭄ᬜᬦᬾᬳᬶᬮᬂ᭞ᬓᬾᬢᭀᬲᬂᬤᬸᬃᬚ᭄ᬚᬦᬩᬸ
ᬤ᭄ᬥᬶ᭞ᬓᬾᬯᭂᬄᬦᬸᬢᬸᬕ᭄ᬦᬶᬯᬓᬶᬦ᭄ᬥᬃᬫ᭄ᬫᬲᬵᬥᬦᬵ᭟᭓᭘᭕᭟ᬕᬸᬦᬦ᭄ᬳᬶᬤᬲᬂᬳ᭄ᬬᬂᬰᬲ᭄ᬢ᭄ᬭ᭞ᬲᬃᬯ᭄ᬯᬢᬢ᭄ᬯᬳᬚᬶᬍᬯᬶᬄ᭞ᬗᬶᬮᬗᬂᬤ᭄ᬕᬕ᭄ᬅᬗ᭄ᬓᬭ᭞ᬦᬵᬗ᭄ᬳᬶᬂᬬᬫᬩᬮᬶᬓ᭄ᬤᬤᬶ᭞ᬫᬯᬸᬯᬸᬄᬅᬗ᭄ᬓᬭᬚᬳᬶᬮ᭄᭞ᬳᬶᬤᬹᬃᬚ᭄ᬚᬦᬳᬶᬘ᭄ᬙᬾᬦ᭄ᬢᬸᬢᬸᬃ
[᭖᭔ 64A]
᭞ᬳᬶᬥᭂᬧ᭄ᬜᬦᬾᬓᬧ᭄ᬢᭂᬗᬦ᭄᭞ᬢ᭄ᬯᬭᬦᬯᬂᬢᬦᬄᬮᬗᬶᬢ᭄᭞ᬧ᭄ᬢᭂᬗᬶᬩᬸᬢ᭄ᬫᬯᬸᬯᬸᬄᬫᭀᬫᭀᬅᬗ᭄ᬓᬭ᭟᭓᭘᭖᭟ᬓᬤᬶᬳᬶᬤᬲᬂᬳ᭄ᬬᬂᬲᬹᬃᬬ᭄ᬬ᭞ᬗ᭄ᬕᬯᬾᬕᬮᬗᬾᬤᬶᬕᬸᬫᬶ᭞ᬗᬶᬮᬗᬂᬧ᭄ᬢᭂᬂᬲᬚᬕᬢ᭄᭞ᬲᬸᬩᬓ᭄ᬩᬸᬲ᭄ᬓᬘᬬᬦᬶᬦ᭄᭞ᬳ
ᬦ᭄ᬢᬸᬓ᭄ᬘᬬᬦ᭄ᬲᬹᬃᬬ᭄ᬬᬍᬯᬶᬄ᭞ᬳᬧᬓ᭄ᬭᬡᬧ᭄ᬢᭂᬂᬳᬶᬩᬸᬢ᭄᭞ᬫᬣᬦ᭄ᬜᬦᬾᬧᬥᬳᬸᬮᬧ᭄᭞ᬫᬗ᭄ᬭᬡᬬᬂᬩᬸᬢᬤᬤᬶ᭞ᬲᬗ᭄ᬓᬦ᭄ᬳᬾᬯᬸᬄᬗᬸᬘᬧᬂᬢᬸᬢᬸᬃᬉᬢ᭄ᬢᬫ᭟᭓᭘᭗᭟ᬭᬚᬩ᭄ᬭᬡᬲᬂᬳ᭄ᬬᬂᬰᬵᬲ᭄ᬢ᭄ᬭ᭞ᬯᬶᬪᬵᬯᬳᬕᬸᬂᬤᬶᬕᬸᬫᬶ᭞ᬳᭂᬦ᭄ᬢᭀᬢ᭄ᬯ
ᬲᬵᬓ᭄ᬱᬢ᭄ᬯᬶᬱ᭄ᬬ᭞ᬗ᭄ᬕᬯᬾᬧᬸᬜᬄᬗ᭄ᬕᬯᬾᬲᬓᬶᬢ᭄᭞ᬢ᭄ᬓᬾᬦᬶᬂᬳᬶᬤᬹᬃᬚ᭄ᬚᬦᬵᬩᬸᬤ᭄ᬥᬶ᭞ᬦᬾᬢᬢ᭄ᬮᬸᬗ᭄ᬕᬯᬾᬩᬶᬗᬸᬂ᭞ᬦᬗᬶᬂᬲᬂᬓᬲᬸᬚ᭄ᬚᬦᬦ᭄᭞ᬓᬩᬯᭀᬲᬂᬫᬺᬢᬍᬯᬶᬄ᭞ᬗ᭄ᬕᬯᬾᬳᬬᬸ᭞ᬤᬾᬦᬶᬂᬤᬲᬃᬩᬦ᭄ᬥᬃᬫ᭄ᬫ᭟᭓᭘᭘᭟ᬩᬸᬤ᭄ᬥᬶᬦ᭄ᬜ
ᬦᬾᬳᬶᬤᬹᬃᬚ᭄ᬚᬦ᭞ᬓᬸᬓᬸᬄᬜᬦᬾᬲᬓ᭄ᬱᬢ᭄ᬩᭂᬲᬶ᭞ᬩ᭄ᬲᬶᬦᬾᬬᬦ᭄ᬢᬫ᭄ᬩᬸᬲ᭄ᬩᭀᬃᬩᭀᬃ᭞ᬓᬦ᭄ᬢᬶᬩᬭᬓ᭄ᬳ᭄ᬬᬧᬦᭂᬲᬶᬦ᭄᭞ᬫᬭᬲᬶᬤ᭄ᬥᬮᬸᬫᬄᬤᬤᬶ᭞ᬍᬫᭂᬢ᭄ᬮᬾᬕ᭄ᬮᭀᬕ᭄ᬢ᭄ᬯᬭᬓᬸᬓᬸᬄ᭞ᬓᬾᬢᭀᬳᬫ᭄ᬩᭂᬓ᭄ᬳᬶᬤᬹᬃᬚ᭄ᬚᬦ᭞ᬬᬦ᭄ᬮᬘᬸᬃᬲᬓᬶᬢ᭄ᬓᬢᬫ᭄ᬧᬶ
Kaca:Bali-lontar-paparikan-sarasamuscaya-300ppi.pdf/64
Kaca puniki sampun kauji-wacén
