[᭒᭓᭒ 232B]
᭒᭓᭒
ᬲ᭄ᬫᬭᬦ᭄ᬤᬦ
ᬤᬳᬢᬦ᭄ᬓᬩ᭄ᬬᬧᬭᬦ᭄᭞ᬲᭂᬤᬶᬄᬲᬸᬗ᭄ᬲᬸᬢ᭄ᬓᬩ᭄ᬭᬗ᭄ᬢᬾᬦ᭄᭞ᬓᬳ᭄ᬬᬸᬦ᭄ᬳᬶᬤᬦᬾᬧᬸᬦᬶᬓ᭞ᬤᬳᬢ᭄ᬓᬧ᭄ᬬᭀᬮᬲᬦ᭄ᬧᬶᬲᬦ᭄᭞ᬫᬜᬶᬗᬓ᭄ᬳᬶᬤᬲᬂᬧ᭄ᬭᬪᬹ᭞ᬭ
ᬓᬦ᭄ᬳᬶᬤᬦᭀᬦ᭄ᬢᬓ᭟᭑᭟ᬢᭂᬜᬸᬄᬓᬳ᭄ᬬᬸᬦ᭄ᬳᬶᬓᬂᬤᬤᬶ᭞ᬓᬭᬜ᭄ᬚᬶᬗᬦ᭄ᬓᬧᬶᬯᭂᬮᬲ᭄᭞ᬩᬜᬸᬦ᭄ᬧᬸᬦᬶᬓᬧᬦᭀᬦᬾ᭞ᬧᬘ᭄ᬭᬾᬢ᭄ᬘᬾᬢ᭄ᬘᬾᬢ᭄ᬢᬦ᭄ᬧᬧᭂ᭠
ᬕᬢᬦ᭄᭞ᬧᬭᬓᬂᬲᭂᬓᬃᬧᬸᬦᬶᬓ᭞ᬲᬓᬶᬂᬘᭀᬓᭀᬃᬳᬶᬩᭂᬮᬶᬳᬕᬸᬂ᭞ᬳᬲᬶᬂᬯᬶᬪᬶᬱᬡᬫᬫᬸᬱ᭄ᬧ᭟᭒᭟ᬤᬸᬄᬭᬓᬦ᭄ᬢᬶᬢ᭄ᬬᬂᬳᬶᬕᬸᬲ᭄ᬢᬶ᭞ᬳᬶᬗ᭄ᬕᬶᬄᬤᬾᬯᬲᬂ
ᬭᬄᬯᬡ᭞ᬘᬶᬗᬓᬶᬦ᭄ᬢᬶᬢ᭄ᬬᬂᬳᬭᬶᬦᬾ᭞ᬓᬾᬯᬮᬅᬫ᭄ᬧᬹᬭᬧᬶᬲᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬓᭂᬦ᭞ᬭᬶᬂᬉᬧᬤ᭄ᬭᬯᬧᬸᬦᬶᬓᬸ᭞ᬳᬶᬦ᭄ᬤᬶᬓ᭄ᬢᬶᬢ᭄ᬬᬗᬾᬫᬢᬶ᭠
[᭒᭓᭓ 233A]
ᬗ᭄ᬕᬮ᭄᭟᭓᭟ᬤ᭄ᬯᬶᬂᬢᬶᬢ᭄ᬬᬂᬫᬦᬗ᭄ᬓᬶᬮᬶᬦ᭄᭞ᬳᬶᬤᬲᬂᬫᬭᬕᬧ᭄ᬭᬚ᭄ᬜᬦ᭄᭞ᬦᭀᬭᬲᬾᬯᭀᬲ᭄ᬧᬗᬧ᭄ᬢᬶᬦᬾ᭞ᬓᬲᬸᬚᬵᬢᬾᬦ᭄ᬩᬸᬯᬢᬂᬢᬶᬢ᭄ᬬᬂ᭞ᬫᬦᬄᬢᬶ
ᬢ᭄ᬬᬂᬗᭂᬲᭀᬤ᭄ᬧᬵᬤ᭞ᬭᬶᬂᬳᬶᬤᬲᬂᬮ᭄ᬯᬶᬳᬶᬂᬓᬯ᭄ᬭᬸᬄ᭞ᬫᬳᬢ᭄ᬲᬶᬭᬭᬶᬂᬲᬪ᭄ᬯᬦ᭟᭔᭟ᬲᬶᬦᬄᬓᬯᭀᬦ᭄ᬲᭀᬮᬄᬫᬫᬶ᭞ᬳᬶᬦ᭄ᬤᬶᬓᬾᬢᬶᬢ᭄ᬬᬂᬫᬢᬶᬗ᭄ᬕᬮ᭄
᭞ᬬᬾᬦ᭄ᬭᬯᬸᬄᬭᬶᬂᬚᬦ᭄ᬫᬚᭂᬮᬾ᭞ᬧᬸᬦᬶᬓᬦᭀᬭᬵᬦᬬᬰ᭞ᬓᬩ᭄ᬯᬢᬦ᭄ᬢᬶᬢ᭄ᬬᬂᬫᬧᬲᬄ᭞ᬲᬓᬾᬯᬮᬚᬵᬢ᭄ᬫᬍᬢᬸᬄ᭞ᬅᬗ᭄ᬓᬭᬩᬸᬥᬶᬤ᭄ᬭᭀᬯᬓ᭟᭕᭟ᬫᬦᬄ
ᬢᬶᬢ᭄ᬬᬗᬾᬧᬸᬦᬶᬓᬶᬦᬓᬓᬃᬬ᭄ᬬᬓᬭᬸᬡᬶᬓ᭞ᬓᬤᬶᬧᬗᬫᭂᬮ᭄ᬚᬕᬢᬾ᭞ᬲᬧᬸᬦᬶᬓᬦᬾᬗᬯᬶᬦᬂ᭞ᬫᬓ᭄ᬭᬡᬧᬕᭂᬄᬭᬶᬂᬫᬦᬄ᭞ᬫᬧᬲᬳᬓᬤᬶᬳᬓᬸ᭞ᬫᬋ᭠
Kaca:Bali-lontar-paparikan-ramayana-350ppi.pdf/233
Kaca puniki sampun kauji-wacén
