[᭒᭐᭒ 202B]
᭒᭐᭒
ᬳᬶᬦ᭄ᬤᬶᬓ᭄ᬦᬶᬓᬦᬸᬚᬸᬧᬶᬲᬦ᭄᭞ᬬᬾᬦ᭄ᬫᬫᬗ᭄ᬕᬶᬳᬶᬦ᭄ᬓᬲᬸᬓᬦ᭄᭞ᬫᬸᬗ᭄ᬕ᭄ᬯᬶᬂᬧᬜᭂᬗ᭄ᬓᬮᬾᬦ᭄ᬳᬶᬧᬸᬦ᭄᭞ᬲᬶᬦᬄᬲᬵᬫ᭄ᬧᬸᬦ᭄ᬳᬕᭃᬂᬧᬶᬲᬦ᭄᭟᭒᭟ᬫᬮᬶᬄᬲᬧᬲᬶᬭᬚ
ᬢᬶ᭞ᬲᬧᬲᬶᬭᬲᬦᬾᬲᬮᬄ᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬬᬾᬦ᭄ᬯᬤ᭄ᬯᬦᬾᬫᬢᬗ᭄ᬕᬸᬳ᭞ᬳᬶᬦ᭄ᬤᬶᬓ᭄ᬧᬮᬓ᭄ᬱᬡᬦ᭄ᬜᬵ᭞ᬫᬵᬚᭂᬂᬭᬶᬂᬧᬮᬸᬗ᭄ᬕᬸᬄᬭᬢ᭞ᬫᬗ᭄ᬤᬳᬶ
ᬧᬸᬦ᭄ᬢᭂᬦᬶᬤᭀᬱ᭟᭓᭟ᬬᬾᬦᬶᬂᬧᬤᬾᬲᬂᬪᬸᬧᬢᬶ᭞ᬓᬶᬭᬂᬳᬶᬦ᭄ᬤᬶᬓ᭄ᬢᬢᬶᬫ᭄ᬩ᭠ᬗᬦ᭄᭞ᬫᬩᭀᬬᬢᭂᬓᬾᬦ᭄ᬧᬜ᭄ᬚᬓᬾ᭞ᬳᬶᬧᬸᬦ᭄ᬫᬗ᭄ᬤᬓᬭᬳᬃᬚᬦ᭄᭞ᬲᬓ᭠
ᬝᬳᬶᬂᬩᬳᬸᬤᬦ᭄ᬤ᭞ᬲᬦᬾᬗᬸᬦᬶᬗᬬᬂᬳᬢᬸᬃ᭞ᬧᬸᬦᬶᬓᬳᬸᬦᬶᬂᬫᬓᭂᬚᬂ᭟᭔᭟ᬦᬵᬳᬦ᭄ᬳᬢᬹᬃᬳᬶᬤᬬᬸᬓ᭄ᬢᬶ᭞ᬧᬲᬯᬸᬃᬲᬂᬯᬶᬪᬶᬱᬡ᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬫᬧ
[᭒᭐᭓ 203A]
ᬤᬹᬃᬫ᭄ᬫ
ᬫᬶᬢᬾ᭞ᬭᬭᬶᬲ᭄ᬤᬶᬕ᭄ᬮᬶᬲ᭄ᬳᬶᬤᬫᭂᬤᬮ᭄᭞ᬫᬶᬯᬄᬧᬜ᭄ᬚᬓᬾᬢᬦ᭄ᬩᭂᬮᬲ᭄᭞ᬓᬝᬄᬯ᭄ᬬᬓᬓ᭄ᬢᬶᬲᬦᬾᬢᬸᬫᬸᬢ᭄᭞ᬳᬦ᭄ᬢᬸᬓ᭄ᬪᬓ᭄ᬢᬶᬤᬸᬃᬫᬗ᭄ᬕᬮ᭟᭕᭟᭚ᬤᬸᬃᬫ᭄ᬫᬵ
᭚ᬭᬶᬓᬢᬸᬚᬸᬲᬂᬪᬸᬧᬢᬶᬲᬶᬸᬤᬰᬦᬦ᭞ᬓᬩ᭄ᬬᬧᬭᬦ᭄ᬫᬦᬄᬧᬮᬶᬂ᭞ᬳᬦ᭄ᬢᬸᬓᬦᬲ᭄ᬫᬭᬦ᭄᭞ᬓᬳ᭄ᬬᬸᬦᬾᬢᬦ᭄ᬫᬭᬶᬳᬸᬬᬂ᭞ᬳᬶᬭᬶᬓᬭᬶᬂᬢᬫᬦ᭄ᬢᬸᬯᬶ᭞ᬓ
ᬳ᭄ᬬᬸᬦ᭄ᬋᬲᬶᬓ᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄ᬧᬜᬫ᭄ᬧᬶ᭟᭑᭟ᬦᭀᬭᬯᬾᬦ᭄ᬢᭂᬦ᭄ᬲᬾᬯᭀᬲ᭄ᬳᬶᬤᬤᬾᬯᬶᬲᬷᬢ᭞ᬧᬸᬦᬶᬓᬯᬾᬦ᭄ᬢᭂᬦ᭄ᬭᬶᬂᬳᬢᬶ᭞ᬲᬭᬳᬶᬭᬳᬶᬦ᭞ᬳᬶᬩᬸ
ᬓ᭄ᬧᬮᬶᬂᬫᬭᬶᬂᬫᬦᬄ᭞ᬭᬲᬬᬂᬓᬤᬶᬓᬧᬢᬶ᭞ᬳᬦ᭄ᬢᬸᬓ᭄ᬓᬲ᭄ᬫᬭᬦ᭄᭞ᬧᬸᬦᬶᬓᬢᬦ᭄ᬫᬭᬶᬗᬃᬥᬶ᭟᭒᭟ᬢᬦ᭄ᬯᬾᬦ᭄ᬢᭂᬦ᭄ᬧᬳᬚᭂᬗᬦ᭄ᬳᬶᬤᬧᬸᬦᬶᬓ᭞ᬭᬾᬓᬵ
Kaca:Bali-lontar-paparikan-ramayana-350ppi.pdf/203
Kaca puniki sampun kauji-wacén
