[᭑᭘᭑ 181B]
᭑᭘᭑
᭞ᬭᬶᬂᬦᬬᬉᬧᬬᬲᬶᬤ᭄ᬥᬶ᭞ᬫᭂᬲᭂᬄᬳᬶᬤᬢᬦ᭄ᬗᬮᬶᬫ᭄ᬩᬓ᭄᭞ᬧᬶᬦ᭄ᬭᬶᬄᬓᬲᬶᬳᬦ᭄ᬳᬶᬰᬢ᭄ᬭᬸ᭞ᬓᬩ᭄ᬯᬢᬂᬳᬧᬂᬫᬕᬺᬗᬦ᭄᭞ᬲᬸᬫᬾᬮᬶᬓ᭄᭞ᬲᬶᬦᬄᬗᬫᬭᬦᬶ
ᬦ᭄ᬳᬶᬤ᭟᭑᭙᭟ᬤᬶᬲᬸᬩᬦᬾᬫᬸᬲᬸᬄᬳᬶᬤ᭞ᬓᬓᬲᬶᬳᬦ᭄ᬜᬫᬓᬶᬲᬶᬤ᭄᭞ᬢᬸᬫᬸᬮᬶᬓᬲᬶᬦ᭄ᬯᬕᬢᬦ᭄᭞ᬓᬳᬸᬮᬸᬭᬶᬦ᭄ᬲᬓᬓᬳ᭄ᬬᬸᬦ᭄᭞ᬤᬶᬢᬸᬮ
ᬦ᭄ᬢᬲ᭄ᬫᬦᬸᬢᬸᬭᬂ᭞ᬲᬓᬮ᭄ᬯᬶᬭᬶᬂ᭞ᬧᬭᬶᬓᬡ᭄ᬥᬦ᭄ᬫᭂᬲᭂᬄᬳᬶᬤ᭟᭒᭐᭟ᬲᬓᬝᬳᬶᬂᬓᬓᬲᬶᬳᬦ᭄᭞ᬫᬸᬲᬸᬄᬳᬶᬤᬫᬓᬲᬫᬶ᭞ᬓᬓᭂᬜ᭄ᬘᬦᬶᬦ᭄ᬢᬶᬩᭂᬮ᭠
ᬲ᭄᭞ᬳᬸᬧᬬᬳᬶᬦ᭄ᬳᬧᬂᬳᬸᬬᬸᬢ᭄᭞ᬤᬶᬲᬸᬩᬦ᭄ᬦᬾᬫᬳᬸᬬᬸᬢᬦ᭄᭞ᬗᬮᬶᬄᬓᬡ᭄ᬝᬶ᭞ᬲᬶᬂᬚᬬᬲᬮᬄᬲᬸᬤᬸᬓᬦ᭄᭟᭒᭑᭟ᬲᬸᬩᬲᭂᬫ᭄ᬧᬸᬦᬶᬸᬢ᭄ᬫᬸᬲᬸᬄ
[᭑᭘᭒ 182A]
ᬳᬶᬤ᭞ᬤᬶᬢᬸᬗᬯᬶᬢᬶᬦ᭄ᬫᬗᬾᬱ᭄ᬝᬶ᭞ᬮᬓᬃᬗᬤᬓᬂᬧᬬᬸᬤ᭄ᬟᬦ᭄᭞ᬫᬲᬶᬄᬲᬶᬕᬕᬾᬲᭀᬦ᭄ᬗᭂᬩᬸᬕ᭄᭞ᬫᭂᬲᭂᬄᬳᬶᬤᬦᬾᬧᬸᬦᬶᬓ᭞ᬓᬘᬶᬗᬓᬶᬦ᭄᭞ᬪᬓ᭄ᬢᬶᬦ᭄ᬧ
ᬜ᭄ᬚᬓ᭄ᬓᬯᭀᬲ᭄ᬧᬥᬃᬬ᭟᭒᭒᭟ᬲᬸᬪᬓ᭄ᬢᬶᬦ᭄ᬮᬦ᭄ᬓᬧᬸᬭᬸᬱᬦ᭄᭞ᬦᬶᬓᬓᬳᬸᬦᬶᬗᬶᬦ᭄ᬲᬫᬶ᭞ᬲᬵᬫ᭄ᬧᬸᬦ᭄ᬲᬶᬦᬄᬢᬦ᭄ᬚᬧᬘᬂ᭞ᬚᬕᬫᬢᬶᬗ᭄ᬕᬮ᭄ᬭᬶᬗᬬᬸᬦ᭄᭞
ᬗᬫᬭᬦᬶᬦ᭄ᬳᬦᬓ᭄ᬮᬾᬦᬦ᭄᭞ᬓᬧᭂᬤᬲᬶᬦ᭄᭞ᬭᬶᬲᬓᬸᬫ᭄ᬧᬸᬮᬦ᭄ᬳᬶᬧᬜ᭄ᬚ᭠ᬓ᭄᭟᭒᭓᭟ᬲᬵᬫ᭄ᬧᬸᬦ᭄ᬓᬳᬸᬦᬶᬗᬶᬦ᭄ᬢᬢᬲ᭄᭞ᬫᬋᬧ᭄ᬭᬶᬂᬧᬜ᭄ᬚᬓᬾᬲᬫᬶ᭞ᬦᬤ᭄ᬬ
ᬦ᭄ᬲᬭᬶᬧᬶᬢ᭄ᬕᭂᬦᬄᬳᬶᬤ᭞ᬢᬦ᭄ᬚᬳᬶᬤᬧᬘᬂᬓᬾᬗ᭄ᬕᬸᬄ᭞ᬲᬺᬕᭂᬧ᭄ᬭᬶᬂᬩᭂᬓᭂᬮ᭄ᬲᬜ᭄ᬚᬢ᭞ᬮᬦ᭄ᬧᬮᬶᬗ᭄ᬕᬶᬄ᭞ᬲᬶᬦᬄᬫᭂᬦᬂᬭᬶᬧᬬᬸᬤ᭄ᬟᬦ᭄᭟᭒᭔᭟
Kaca:Bali-lontar-paparikan-ramayana-350ppi.pdf/182
Kaca puniki sampun kauji-wacén
