[᭑᭖᭗ 167B]
᭑᭖᭗
ᬳᬧᬦ᭄ᬳᭂᬦ᭄ᬢᭀᬓᬮᬫᬹᬃᬓ᭞ᬢ᭄ᬯᬭᬳᬸᬦᬶᬂ᭞ᬗᭂᬦᭂᬳᬂᬦᬾᬚᬵᬢᬶᬥᬃᬫ᭄ᬫ᭟᭗᭟ᬩ᭄ᬯᬶᬦᬳᭂᬦ᭄ᬢᭀᬳᬦᬾᬫᬵᬤᬦ᭄᭞ᬲᬂᬯᬶᬭᬤᬤᬳᬢ᭄ᬩᭂᬕᬶᬕ᭄᭞ᬲᬂᬫᬬᭀᬕᬓᬲᭂᬗ᭄ᬓ
ᬮ᭞ᬳᭂᬦ᭄ᬢᭀᬓᬭᬡᬦᬾᬳᬶᬧᬸᬦ᭄᭞ᬓᬫᬢ᭄ᬬᬂᬳᭀᬮᬶᬲᬂᬭᬵᬫ᭞ᬫᬭᬶᬂᬳᬢᬶ᭞ᬳᬶᬤᬚᬵᬢᬶᬦᭀᬭᬓ᭄ᬭᭀᬥ᭟᭘᭟ᬜᬦ᭄ᬤᬂᬳᬶᬤᬲᬂᬭᬵᬖᬯ᭞ᬓᬲᬶᬯᬶᬓᭂ᭠
ᬦᭂᬳᬂᬓᬳᬶ᭞ᬓᬳ᭄ᬬᬸᬦ᭄ᬳᬶᬤᬦᬾᬲᬢᬢ᭞ᬫᬸᬥᬶᬢᬭᬶᬂᬚᬕᬢ᭄ᬢᬸᬳᬸ᭞ᬲᬂᬫᬬᭀᬕᬓᬧᬶᬢᬺᬱ᭄ᬡᬦ᭄᭞ᬫᬡᬶᬓ᭄ᬧᬸᬢᬶᬄ᭞ᬲᬲᬫᬾᬦ᭄ᬦᬾᬓᬳ᭄ᬬᬸᬦ᭄ᬳᬶᬤ᭟᭙᭟ᬩ᭄ᬯᬶ᭠
ᬦᬢᭀᬳᬶᬫᬭᬶᬘ᭞ᬭᬶᬢᬢ᭄ᬓᬵᬮᬓᬧᬢᬶᬢᬶᬲ᭄᭞ᬭ᭄ᬬᬦ᭄ᬢᬸᬓ᭄ᬧᬦᬄᬳᭀᬮᬶᬄᬳᬶᬤ᭞ᬓᬢᬶᬫᬦ᭄ᬜᬸᬢᬶᬭᬹᬧᬳᬶᬧᬸᬦ᭄᭞ᬤᬤᬶᬓᬶᬤᬂᬫᬬᬫᬬ᭞ᬢᬸᬃᬫᬮ
[᭑᭖᭘ 168A]
ᬳᬶᬩ᭄᭞ᬘᭂᬮ᭄ᬬᬓ᭄ᬘᭂᬮ᭄ᬬᬸᬓ᭄ᬗᭂᬦᬄᬳᬶᬮᬂ᭟᭑᭐᭟ᬧ᭄ᬭᬤᬾᬦᬾᬫᬲᬶᬄᬧᭂᬚᬄ᭞ᬳᬦ᭄ᬢᬸᬓ᭄ᬳᬶᬤᬤᬰᬭᬣᬶ᭞ᬓᭂᬦᬓᬧᬦᬄᬮᬫ᭄ᬩᬸᬂᬜ᭞ᬲ᭄ᬬᬧᬭᬢᬸᬚᬵᬢᬶᬢᬸᬳᬸ
᭞ᬮᬸᬯᬶᬄᬯᬶᬰᬾᬱᬭᬶᬂᬳᬶᬤ᭞ᬳᬦᬾᬲᬶᬥᬶ᭞ᬲᬶᬡᬫᬦᬄᬓᬶᬤᬂᬫᬵᬬ᭟᭑᭑᭟ᬦᬾᬚᬦᬶᬳᬶᬩᬫᬜᬾᬤ᭞ᬳᭂᬦ᭄ᬢᭀᬲᬂᬯᬵᬦᬭᬩᬮᬶ᭞ᬤ᭄ᬯᬦᬶᬂᬳᬶᬩᬲᬸᬩᬳᭂ᭠
ᬗ᭄ᬲᬧ᭄᭞ᬢᭂᬓᬾᬦᬶᬂᬓᬰᬓ᭄ᬢᬶᬦᬶᬓᬸ᭞ᬳᬤᬳᬦᬓ᭄ᬳᬸᬯᬸᬲ᭄ᬫᬸᬃᬘ᭄ᬙᬵ᭞ᬦ᭄ᬢᭀᬓᬚᭂᬧᬶᬢ᭄᭞ᬳᭀᬮᬶᬄᬲᬂᬲᬸᬩᬮᬶᬭᬵᬚ᭟᭑᭒᭟ᬦᬄᬓᬳᬶᬮᬓᬃᬫᬲᬢ᭄ᬯ᭞ᬫᭂᬮᬳᬂ
ᬦᭂᬗᭂᬳᬂᬚᬦᬶ᭞ᬧᬗᬯᬶᬢ᭄ᬲᬂᬩᬮᬶᬦᬵᬣ᭞ᬫᬗᬲ᭄ᬢᬯᬓᬵᬮᬦᬸᬚᬸ᭞ᬲᬵᬫ᭄ᬧᬸᬦ᭄ᬲᭀᬭᬾᬲᬦ᭄ᬤᬶᬓᬮ᭞ᬧᬶᬚᭂᬃᬪᬓ᭄ᬢᬶ᭞ᬭᬸᬫᬗᭂᬦᬵᬗᭂᬦ᭄ᬳᬶᬤᬳ᭄ᬬᬂ᭟᭑᭓᭟ᬲᬕᬾ
Kaca:Bali-lontar-paparikan-ramayana-350ppi.pdf/168
Kaca puniki sampun kauji-wacén
