[᭑᭖᭐ 160B]
᭑᭖᭐
ᬢᬦ᭄ᬦᬾ᭞ᬧᬸᬦᬶᬓᬫᬵᬥ᭄ᬬᬫᬮᬪ᭞ᬫᬓᬲᬶᬳᬦ᭄ᬓᬲᬭᬢᬂ᭞ᬮᬪᬉᬢ᭄ᬢᬫᬧᬸᬦᬶᬓᬸ᭞ᬬᬾᬓᬫᬢᬂᬦ᭄ᬬᬲᬫᬶᬢ᭄ᬭ᭟᭗᭟ᬓᬲᬸᬩ᭄ᬳᬶᬤᬫᬭᬶᬂᬪᬹᬫᬶ᭞ᬲᬂ
ᬮᬓ᭄ᬱᬡᬲᬵᬤᬸᬥᬷᬭ᭞ᬲᬂᬭᬵᬫᬫᬤ᭄ᬭᬸᬯᬾᬳᬭᬶᬦᬾ᭞ᬲᬸᬪᬓ᭄ᬢᬶᬭᬶᬂᬧᬗᬦ᭄ᬤᬶᬓ᭞ᬫᬶᬯᬄᬲᬢ᭄ᬬᬭᬶᬂᬳᬶᬭᬓ᭞ᬳᭂᬦ᭄ᬢᭀᬢᬍᬃᬳᬶᬤᬧᬵᬢᬹᬢ᭄᭞ᬲᬋᬗᬂᬳᬗ᭄ᬕᬾ
ᬦ᭄ᬲᬫᬶᬢ᭄ᬭ᭟᭘᭟ᬲᬧᬤᬦᬶᬓᬯᬷᬭᬓᬧᬶ᭞ᬲᬫᬶᬪᬓ᭄ᬢᬶᬢᬸᬃᬯᬶᬰᬾᬱ᭞ᬭᬶᬂᬓᬧᬶᬦ᭄ᬤ᭄ᬭᬕᬸᬲ᭄ᬢᬶᬦ᭄ᬜᬦᬾ᭞ᬲᬧᬸᬦᬶᬓᬳᬶᬧᬋᬓᬦ᭄᭞ᬅᬲᬶᬂᬗᬲᬶᬂᬓᬦ᭄ᬤᬶᬓᬬᬂ᭞ᬢᬦ᭄ᬳᬶ᭠
ᬫᬤᬦᬾᬓᬳᬸᬢᬸᬲ᭄᭞ᬳᬲᬶᬂᬓᬂᬬ᭄ᬬᬓᬲᬶᬥᬬᬂ᭟᭙᭟ᬳᬓᬾᬄᬧᬶᬓᭀᬮᬶᬳᬾᬚᬵᬢᬶ᭞ᬫᬋᬧ᭄ᬭᬶᬂᬲᬂᬫᬲ᭄ᬯᬶᬢ᭄ᬭᬬᬦ᭄᭞ᬫᬵᬯᬶᬦᬦ᭄ᬩᭂᬦ᭄ᬤᬸᬦ᭄ᬭᬢᬸᬦᬾ᭞ᬍ
[᭑᭖᭑ 161A]
ᬫ᭄ᬧᭂᬭᬂᬭᬶᬧᬓᬳ᭄ᬬᬸᬦᬦ᭄᭞ᬲᭂᬫ᭄ᬩᬳᬓᭂᬦ᭄ᬤᬾᬯᬷᬲᬶᬢ᭞ᬳᬶᬤᬲᬂᬢᬦᬬᬭᬖᬸ᭞ᬲᬶᬦᬄᬳᬶᬤᬘᬶᬢ᭄ᬢᬳᬃᬱ᭟᭑᭐᭟ᬥᬃᬫᬮᬦ᭄ᬳᬃᬣᬫᬓᬵᬤᬶ᭞ᬭᬯᬸ
ᬳᬶᬂᬓᬵᬫᬉᬢ᭄ᬢᬫ᭞ᬬᬦ᭄ᬢᬶᬕᬧᬸᬦᬶᬓᬲᬦᬾ᭞ᬓᬩ᭄ᬯᬢᬂᬘᭀᬓᭀᬃᬳᬶ᭠ᬤᬾᬯ᭞ᬲᬶᬦᬄᬚᬕᬧᬘᬂᬲᬶᬥ᭞ᬬᬦᬶᬂᬚᬵᬢᬶᬲᬸᬩᬢᬸᬳᬸ᭞ᬢᭂᬍᬓ᭄ᬪᬓ᭄ᬢᬶᬭᬶᬂᬲᬂ
ᬭᬵᬫ᭟᭑᭑᭟ᬤᬾᬦᬶᬂᬳᬶᬤᬫᬸᬮᬲᬶᬥᬶ᭞ᬬᭀᬕ᭄ᬬᬓᬚᭂᬦᭂᬗᬂᬦᬵᬣ᭞ᬢᬦ᭄ᬯᬾᬦ᭄ᬢᭂᬦ᭄ᬫᬥᬾᬦ᭄ᬭᬶᬂᬭᬵᬢᬾ᭞ᬫᭂᬲᭂᬄᬲᬫᬶᬓᬓᬮᬳᬂ᭞ᬳ᭄ᬭᬸᬦ᭄ᬳᬶᬤᬦᬾ
ᬯᬦ᭄ᬢᬄᬢᬸᬗ᭄ᬕᬮ᭄᭞ᬲᬲᬫᬾᬦ᭄ᬓᬾᬮᬫᬺᬢ᭄ᬬᬸ᭞ᬫᬗ᭄ᬭᬸᬲᬓ᭄ᬰᬢ᭄ᬭᬸᬦᬶᬯᬵᬃᬬ᭄ᬬ᭟᭑᭒᭟ᬲᬶᬢᬝᬓᬮᬦ᭄ᬩᬮᬶ᭞ᬲᬂᬬᭀᬚᬦᬩᬳᬸᬚᬸᬕ᭞ᬲᬂᬤᬸᬰ
Kaca:Bali-lontar-paparikan-ramayana-350ppi.pdf/161
Kaca puniki sampun kauji-wacén
