[᭑᭕᭓ 153B]
᭑᭕᭓
ᬢᬫᬦᬳ᭄ᬳᬶᬭᬶᬓᬶ᭞ᬲᬂᬤᬰᬦᬦᬓᬧᬗ᭄ᬕᬸᬄ᭞ᬓᬢᬸᬚᬸᬗᭂᬫ᭄ᬩᬸᬲ᭄ᬓᬤᬸᬢᬦ᭄᭞ᬫᬫᬦᬄᬢᬶᬢ᭄ᬬᬂᬳᬶᬢᬸᬦᬶ᭞ᬤᬸᬓ᭄ᬧᬶᬦᬶᬓᬸ᭞᭞ᬧᬘᬂᬚᬕᬦᬦ᭄ᬤᬂᬬᬸᬤ᭄ᬟ᭟᭕᭟ᬭᬶᬓᭂᬜ᭄ᬚᭂ
ᬓᬦ᭄ᬚᬕᬫᬗ᭄ᬲ᭄ᬯᬵ᭞ᬫᬫᬦᬄᬢᬶᬢ᭄ᬬᬂᬭᬶᬗᬢᬶ᭞ᬢᬳᬦ᭄ᬢᬸᬓᬦ᭄ᬚᬵᬢᬶᬲᭂᬗ᭄ᬓᬵ᭞ᬳᬶᬦ᭄ᬤᬶᬓᬾᬚᬕᬫᬶᬓᭀᬮᬶᬄ᭞ᬭᬶᬂᬧᬬᬸᬥᬦᬾᬳᬶᬭᬶᬓᬶ᭞ᬭᬶᬂᬲᬂᬫᬭᬕᬓᬳᬸᬢᬸ᭠
ᬲ᭄᭞ᬲᭂᬗ᭄ᬓᬚᬕᬫᬺᬲᬶᬥᬬᬂ᭞ᬧᬸᬦᬶᬓᬫᬵᬯᬶᬦᬦ᭄ᬫᬫᬶ᭞ᬦᭀᬭᬤᬸᬭᬸᬲ᭄᭞ᬗᬋᬧᬂᬚᬕᬫᬬᬸᬤ᭄ᬟ᭟᭖᭟᭚ᬫᬵᬲ᭄ᬓᬸᬫᬫ᭄ᬩᬂ᭚ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬧᬶᬦ
ᬲᬶᬳᬦ᭄ᬭᬓᬦ᭄ᬤᬾᬯᬶ᭞ᬲᬂᬲᬸᬕ᭄ᬭᬷᬯᬦᬵᬫ᭞ᬭᬵᬢᬸᬓᬧᬶᬤᬳᬢ᭄ᬰᬓ᭄ᬢᬶ᭞ᬤᬦᬾᬗᬸᬢᬸᬲ᭄ᬢᬶᬢ᭄ᬬᬂᬤᬹᬢ᭟᭑᭟ᬫᬳᬶᬍᬳᬦ᭄᭞ᬢᬶᬢ᭄ᬬᬂᬫᬘᭂᬍᬧ᭄ᬭᬶᬂᬧᬸᬭᬶ᭞ᬗᬭᬸᬭᬸᬄᬳᬶ
[᭑᭕᭔ 154A]
ᬤᬾᬯ᭞ᬫᬫ᭄ᬯᬢᬂᬢᬶᬢ᭄ᬬᬂᬦᭂᬗᭀᬓᬶᬦ᭄᭞ᬦᬵᬗ᭄ᬳᬶᬂᬢᬦ᭄ᬧᬗ᭄ᬕᬶᬄᬭᬶᬂᬧᬸᬭ᭄ᬬᬦ᭄᭟᭒᭟ᬫᬵᬓᬾᬄᬧᬸᬦᬶᬓᬳᬧ᭄ᬲᬭᬷᬦᬾᬓᬧᬗ᭄ᬕᬶᬄ᭞ᬫᭂᬂᬧᭂᬂᬩᬚᬂᬩᬚᬂ᭞ᬫᬶᬯᬄᬭᬵ
ᬓ᭄ᬱᬲᬫᬓᭂᬫᬶᬢ᭄᭞ᬫᬲᬧᬸᬢᬦ᭄ᬲᬫᬶᬦᬶᬤ᭄ᬭ᭟᭓᭟ᬳᬦᬓᬵᬕᬸᬭᬂᬭᬖᬸᬧᬸᬢ᭄ᬭᬲᬳᬶᬲᭂᬤᬶᬄ᭞ᬫᬓᬳ᭄ᬬᬸᬦᬶᬦ᭄ᬳᬶᬤ᭄ᬬᬄ᭞ᬲᬓᬶᬂᬭᬶᬫᬂᬳᬶᬤᬓᬶᬭᬶᬲ᭄᭞ᬓᬦ᭄ᬤᬶ᭠
ᬓᬬᬂᬢᬶᬢ᭄ᬬᬂᬦᬢᬲ᭄᭟᭔᭟᭚ᬕᬶᬡᬦ᭄ᬢᬶ᭚ᬓᬭᬲᬬᬂᬤᬦᬾᬲᬸᬗ᭄ᬲᬸᬢ᭄᭞ᬤ᭄ᬯᬦᬶᬂᬢᬦ᭄ᬗᭂᬕᬵᬧᬸᬦᬶᬓᬶ᭞ᬭᬶᬂᬧᬸᬦᬶᬓᬳ᭄ᬬᬸᬢᬸᬲᬦ᭄᭞ᬳᬮᬶᬳᬮᬶᬦ᭄ᬳᬶ
ᬤᬦᬶᬓᬶ᭞ᬧᬷᬘ᭄ᬙᬬᬂᬳᬶᬤᬭᬶᬂᬢᬶᬢ᭄ᬬᬂᬕᬓᬩ᭄ᬯᬢᬦ᭄ᬜᬳᬗ᭄ᬕᬾᬦ᭄ᬘᬶᬭᬶ᭟᭑᭟ᬢᬍᬃᬳᬭᬶᬦ᭄ᬘᭀᬓᭀᬃᬭᬢᬸ᭞ᬳᬶᬤᬲᬂᬮᬓ᭄ᬱ᭄ᬫᬡᬲᭂᬤᬶᬄ᭞ᬜᬤ᭄ᬬᬧᬶᬲᬦ᭄ᬧᬘᬂ᭠
Kaca:Bali-lontar-paparikan-ramayana-350ppi.pdf/154
Kaca puniki sampun kauji-wacén
