[᭒ 2B]
᭒
ᬦ᭄ᬳᬶᬤᬫᬲᬵᬦᬓᬦ᭄᭚ᬧᬲᬾᬗᬦᬾᬓᬮᬸᬫ᭄ᬩ᭄ᬭᬳᬂ᭞ᬦᬾᬧᬮᬶᬂᬚ᭄ᬬᬾᬱ᭄ᬝᬵᬫᬹᬃᬯ᭄ᬯᬦᬶᬦ᭄᭞ᬳᬶᬤᬲᬂᬳ᭄ᬬᬂᬧᬸᬢ᭄ᬭᬚᬬ᭞ᬳ᭄ᬬᬂᬖ᭄ᬦᬶᬚᬬᬓᬂᬳᬭᬶ᭞ᬧᬸᬦᬂᬚᬶᬱ᭄ᬡᬸᬧᬧᬰᬶᬄ᭞ᬓᬳᬸᬘᬧ᭄ᬦᬵᬣᬭᬶᬂᬤᬦᬸᬄ᭞ᬓᬲᬶᬦᬗ᭄ᬕᬄᬳ᭄ᬬᬂᬢᬶᬕ᭞
ᬲᬫᬶᬳᬢ᭄ᬯᬂᬓᬳᬢ᭄ᬯᬗᬶᬦ᭄᭞ᬉᬢ᭄ᬢᬫᬾᬂᬳ᭄ᬬᬸᬦ᭄᭞ᬫᬓᬳᬸᬭᬶᬧᬶᬂᬲᬚᬕᬢ᭄᭚ᬯᬮ᭄ᬬᬵᬦᬶᬦ᭄ᬫᬮᬶᬄᬳᬸᬘᬧᬂ᭞ᬳᬶᬤᬲᬂᬳ᭄ᬬᬂᬧᬰᬸᬧᬢᬶ᭞ᬫᬮᬶᬄᬯᬺᬤ᭄ᬥᬶᬯᬗ᭄ᬰᬦᬶᬭ᭞ᬚᬮᬸᬚᬮᬸᬘᬢᬹᬃᬯᬶᬚᬶ᭞ᬧᬸᬱ᭄ᬧᬶᬣᬦᬾᬜᬸᬦ᭄ᬤᬭᬶᬦ᭄᭞
ᬳ᭄ᬬᬂᬫᬡᬶᬓ᭄ᬕᬮᬂᬓᬲᬸᬂᬲᬸᬂ᭞ᬭᬶᬂᬧᬾᬚᬾᬂᬓᬮᬶᬗ᭄ᬕᬬᬂ᭞ᬳ᭄ᬬᬂᬫᬡᬶᬓ᭄ᬓᬸᬫᬬᬂᬫᬮᬶᬄ᭞ᬳᬶᬤᬫᬸᬗ᭄ᬕᬄ᭞ᬫᬧᬸᬭᬶᬭᬶᬂᬕᬶᬭᬶᬩ᭄ᬭᬢᬦ᭄᭚ᬲᬂᬳ᭄ᬬᬂᬢᬸᬫᬸᬯᬸᬄᬳᬸᬘᬧᬂ᭞ᬭᬶᬂᬯᬢᬸᬓᬭᬸᬫᬮᬶᬗ᭄ᬕᬶᬄ᭞ᬲᬂᬳ᭄ᬬᬂᬢᬸᬕᬸᬓᬭᬯᭀᬲᬂ᭞ᬭᬶᬂᬅᬡ᭄ᬥ
ᬓᬱᬫᬮᬶᬗ᭄ᬕᬶᬄ᭞ᬲᬂᬳ᭄ᬬᬂᬢᬶᬕᬵᬧᬹᬃᬯ᭄ᬯᬦᬶᬦ᭄᭞ᬳ᭄ᬬᬂᬧᬸᬢ᭄ᬭᬚᬬᬓᬲᬳᬸᬃ᭞ᬳᬶᬤᬤᬾᬯᬦᬶᬂᬳᬘᬵᬮ᭞ᬫᬸᬗ᭄ᬕᬄᬭᬶᬂᬕᬶᬭᬶᬢᭀᬓ᭄ᬮᬗ᭄ᬓᬶᬃ᭞ᬲᬫᬶᬗᬸᬬᬸ᭞ᬫᬓᬧᬦᭂᬫ᭄ᬩᬳᬦ᭄ᬚᬕᬢ᭄᭚ᬧᬸᬦᬶᬓᬶᬫᬮᬶᬄᬢᬸᬢᬸᬭᬂ
[᭓ 3A]
᭓
ᬳ᭄ᬬᬂᬖ᭄ᬦᬶᬚᬬᬧᬹᬃᬯ᭄ᬯᬦᬶᬦ᭄᭞ᬳᬓᬳ᭄ᬬᬗᬦ᭄ᬭᬶᬂᬍᬫ᭄ᬧᬸᬬᬂ᭞ᬢᬍᬃᬧᬜᬶᬯᬶᬬᬦ᭄ᬪᬸᬫᬶ᭞ᬳᬸᬕᭂᬭᬶᬂᬳᬶᬦ᭄ᬤᬸᬩᬮᬶ᭞ᬭᬯᬸᬳᬶᬂᬪᬝᬵᬭᬷᬤᬦᬸᬄ᭞ᬳᬶᬤᬦᬾᬓᬳᬸᬘᬧᬂ᭞ᬭᬶᬂᬩᬢᬹᬃᬍᬩᬄᬯᬦᬵᬤ᭄ᬭᬶ᭞ᬲᬫᬶᬜᬸᬳᬸᬦ᭄᭞ᬲᬳᬶᬦ᭄ᬤᬸ
ᬩᬮᬶᬳᬕᬫ᭚ᬦᬾᬫᬗ᭄ᬓᬶᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬧᬫᬸᬕᭂᬭᬶᬂᬳᬶᬦ᭄ᬤᬸᬩᬮᬶ᭞ᬭᬶᬂᬩᬰᬓᬶᬄᬓᬳᬸᬘᬧᬂ᭞᭠ᬮᬶᬗ᭄ᬕᬶᬄᬳᬶᬤᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬓᬬᬗᬦᬾᬲᬸᬚᬢᬶ᭞ᬧᬸᬭᬵᬧᬦᬢᬭᬦ᭄ᬅᬕᬸᬂ᭞ᬭᬶᬂᬧᬤ᭄ᬫᬵᬰᬡᬢᬶᬕ᭞ᬯᬶᬰᬾ
ᬱᬧᬭᬫᬰᬓ᭄ᬢᬶ᭞ᬓᬵᬮᬦᬸᬚᬸ᭞ᬳ᭄ᬬᬸᬦ᭄ᬤᬶᬤᬫᬢ᭄ᬭᬶᬯᬶᬓ᭄ᬭᬫ᭚ᬇᬭᬶᬓᬵᬪᬝᬵᬭᬢᬶᬕ᭞ᬘᬾᬢ᭄ᬢᬦᬭᬶᬂᬢᭀᬓ᭄ᬮᬗ᭄ᬓᬶᬭ᭄᭞ᬲᬫᬶᬳᬶᬤᬗᬶᬦᭂᬗᬂᬬᭀᬕ᭄ᬕ᭞ᬳᬕ᭄ᬭᬦᬶᬂᬕᬶᬭᬶᬢᭀᬓ᭄ᬮᬗ᭄ᬓᬶᬭ᭄᭞ᬳᬚ᭄ᬜᬵᬡᬮ᭄ᬯᬶᬄᬲᬸᬲᬦ᭄ᬤᬶ᭞ᬚᬢᬶ᭠
ᬲᬂᬫ᭄ᬭᬕᬧᬸᬢᬸᬲ᭄᭞ᬢ᭄ᬯᬶᬳᬶᬤᬧ᭄ᬭᬫᬰᬢ᭄ᬢ᭄ᬬ᭞ᬫᬺᬢ᭄ᬢᬶᬦᬶᬂᬬᭀᬕ᭄ᬕᬲᬫᬵᬥᬶ᭞ᬓᬭᬕᬾᬂᬳ᭄ᬬᬸᬦ᭄᭞ᬮᬸᬗᬶᬦᬶᬂᬧᬢ᭄ᬭᬶᬯᬶᬓ᭄ᬭᬫ᭚ᬤᬳᬢ᭄ᬲᬸᬓ᭄ᬱ᭄ᬫᬦᬶᬂᬳ᭄ᬬᬂᬢᬶᬕ᭞ᬫᬗ᭄ᬭᬜ᭄ᬚᬶᬂᬭᬶᬰᬹᬡ᭄ᬬᬪᬸᬫᬶ᭞ᬫᬯᬲ᭄ᬢᬸᬰᬹᬡ᭄ᬬᬦᬶᬃᬫᬮᬵ᭞
