Kaca:Bali-lontar-paparikan-plalintih-brahmana-300ppi.pdf/18

[᭑᭗ 17B]
᭑᭗
ᬧᬰᬶᬄ᭞ᬓ᭄ᬬᬬᬶᬅᬕᬸᬂᬫᬗᬹᬭ᭄ᬬ᭞ᬫᬸᬦ᭄ᬤᭂᬭᬶᬂᬩᬵᬮ᭄ᬬᬵᬕᬸᬂ᭞ᬳᬓᬸᬯᬸᬭᬶᬂᬚ᭄ᬭᭀᬓᬳᬃᬬ᭄ᬬᬦ᭄᭞ᬢᬹᬲ᭄ᬦᬶᬂᬅᬓᬄ᭞ᬢᬸᬃᬲᬵᬫ᭄ᬧᬸᬦ᭄ᬳᬤᬺᬯᬾᬭᬩᬶ᭞ᬫᬳᬦᬓ᭄ᬚᬮᬸᬲᬦᬸᬗ᭄ᬕᬮ᭄᭟ᬕᬸᬲ᭄ᬢᬶᬤᬯᬸᬄᬩᬮ᭄ᬬᬵᬕᬸᬂᬧᬦᬸᬮᬶᬲᬦ᭄᭞ᬓᬮᬸ
ᬫ᭄ᬩ᭄ᬭᬳᬂ᭞ᬢᬹᬲ᭄ᬦᬶᬂᬓᬧᬢᬶᬳᬦ᭄᭞ᬫᬦ᭄ᬢᬸᬓ᭄‌‌ᬭᬶᬂᬓᬬᬸᬦᬾᬤᬍᬫ᭄᭞ᬢᬍᬃᬯᬶᬤᬕ᭄ᬤᬾᬂᬧᬗᬯ᭄ᬭᬸᬄ᭞ᬯᬶᬘᬓ᭄ᬱᬡᬭᬶᬂᬓᬓᭂᬘᬧ᭄ᬳᬚᬶ᭞ᬳᬗᬦ᭄ᬢ᭄ᬬᬦᬶᬂᬲᬂᬩᬧ᭞ᬧ᭄ᬗᬫᭀᬂᬯᬮ᭄ᬬᬵᬕᬸᬂ᭞ᬢᬹᬲ᭄ᬦᬶᬂᬤᬯᬸᬄᬧᬦᬸᬮᬶᬲᬦ᭄᭞ᬦᬓᬶᬂ
ᬅᬓᬄ᭞ᬲᬵᬫ᭄ᬧᬸᬦ᭄ᬫᬳᬦᬓ᭄ᬚᬮᬸᬲ᭄ᬢ᭄ᬭᬶ᭞ᬓᬃᬢ᭄ᬢᬶᬓᬲᬫ᭄ᬯᬦᬶᬂᬯᬗ᭄ᬰ᭟ᬮᬶᬦ᭄ᬢᬂᬪᬓ᭄ᬢᬶᬳᬶᬕᬸᬲ᭄ᬢᬶᬤᬯᬸᬄᬚ᭠ᬢᬶ᭞ᬫᬲᬯᬶᬢ᭄ᬭᬦ᭄᭞ᬤᬺᬤ᭄ᬥᬭᬶᬂᬫᬸᬦᬷᬦ᭄ᬤ᭄ᬭ᭞ᬧᬸᬢ᭄ᬭᬶᬮ᭄ᬯᬶᬄᬧᬗᬸᬃᬬ᭄ᬬᬵᬕᬦᬾ᭞ᬮᬶᬲ᭄ᬢ᭄ᬯᬵᬬᬸᬳᬦᭀᬫ᭄ᬳᬦᬸᬮᬸᬲ᭄᭞ᬤ᭠
ᬳᬢ᭄ᬮᬾᬤᬂᬫᬳᬵᬫ᭄ᬧᬸᬗᬃᬱᬦᬶᬦ᭄᭞ᬯᬃᬡ᭄ᬦᬦᬾᬮ᭄ᬯᬶᬃᬳ᭄ᬬᬂᬯᬸᬮᬦ᭄᭞ᬢᬹᬲ᭄ᬦᬶᬂᬳᬃᬬ᭄ᬬᬤᬯᬸᬄ᭞ᬕᬸ᭠ᬲ᭄ᬢᬶᬳᬬᬸᬚ᭄ᬮᬡ᭄ᬝᬶᬓ᭄‌‌ᬧᬭᬩ᭄᭞ᬓᬳᬢᬸᬭᬂ᭞ᬗ᭄ᬳᬶᬂᬳᬶᬤᬲᬂᬫᬳᬵᬬᬢᬶ᭞ᬭᬶᬂᬧᬸᬢ᭄ᬭᬦᬾᬓᬢ᭄ᬭᬶᬫᬾᬦᬂ᭛

[᭑᭘ 18A]
᭑᭘
᭜᭛ᬧᬸᬧᬸᬄᬲᭂᬓᬃ᭛ᬲᬶᬦᭀᬫ᭄ᬳᬗ᭄ᬕᬾᬦ᭄ᬜᬭᬶᬢᬬᬂ᭞ᬧᬤᬡ᭄ᬥᬍᬃᬯᬸᬲ᭄‌‌ᬳᬰ᭄ᬯᬫᬶ᭞ᬭᬶᬂᬤᬦᬾᬲᬂᬫᬧᬲᬾᬗᬦ᭄᭞ᬕᬸᬲ᭄ᬢᬶᬳᬬᬸᬗᬸᬭᬄᬚ᭄ᬮᬡ᭄ᬝᬶᬓ᭄᭞ᬲᬵᬫ᭄ᬧᬸᬦ᭄ᬳᬧᬸᬢ᭄ᬭᬓᬮᬶᬄ᭞ᬮᬦᬂᬮᬦᬂᬲᬫᬶᬩᬕᬸᬲ᭄᭞
ᬧᬥᬮ᭄ᬯᬶᬳᬶᬂᬳᬚ᭄ᬜᬵᬡ᭞ᬢᭂᬗᭂᬭᬦ᭄ᬳᬶᬤᬦᬾᬓᬮᬶᬄ᭞ᬧᬮᬶᬂᬤᬸᬳᬸᬃ᭞ᬧᬤᬡ᭄ᬥᬯᬬᬳᬦ᭄‌‌ᬩᬸᬃᬯᬦ᭄᭟ᬳᬶᬤᬫ᭄ᬭᬕᬳᬮᬶᬢᬦ᭄᭞ᬧᬤᬡ᭄ᬥᬫᬦ᭄ᬯᬪᬰᬓ᭄ᬢᬶ᭞ᬯᬮ᭄ᬬᬦᬶᬦ᭄ᬲᬦᬾᬤᬸᬳᬸᬭᬦ᭄᭞ᬲᬵᬫ᭄ᬧᬸᬦ᭄ᬳᬶᬤ
ᬦᬭᬾᬰ᭄ᬯᬭᬷ᭞ᬗᬫ᭄ᬩᬶᬮ᭄‌‌ᬧᬸᬢ᭄ᬭᬶᬲᬂᬫᬸᬦᬷ᭞ᬬᬢᬶᬮᭀᬃᬲᬦᬾᬓᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬳᬶᬤᬳᬢ᭄ᬫᬚ᭞ᬩᬤ᭄ᬭᬯᬤᬮᬓᬶᬮᬓᬶ᭞ᬓᬂᬚᬸᬚᬸᬮᬸᬓ᭄᭞ᬲᬂᬧᬾᬮᬶᬂᬚ᭄ᬬᬾᬱ᭄ᬝᬳᬸᬘᬧᬂ᭟ᬧᬤᬡ᭄ᬥᬯᬬᬳᬦ᭄‌‌ᬩᬸᬃᬯᬦ᭄᭞
ᬦᬵᬫᬦᬾᬓᬤᬶᬲᬂᬳᬚᬶ᭞ᬳᬭᬶᬦᬾᬫᬗ᭄ᬓᬶᬦ᭄‌‌ᬘ᭄ᬭᬶᬢᬬᬂ᭞ᬤ᭄ᬯᬶᬚᬩᬸᬭ᭄ᬯᬦ᭄‌‌ᬧᬰᬶᬄ᭞ᬫᬥᬾᬳᬫᬶᬦ᭄ᬢᬭᬶᬂᬧ᭄ᬭᬪᬸᬫᬶ᭞ᬚᬕᬢ᭄‌‌ᬩᬸᬮᬾᬮᬾᬂᬓᬳᬸᬗ᭄ᬲᬸ᭞ᬭᬶᬂᬤᬾᬦ᭄ᬘᬭᬶᬓ᭄ᬳᬰ᭄ᬭᬫᬦ᭄᭞ᬯᬸᬯᬸᬲᭂᬦ᭄ᬳᬚᬶᬦᬾᬫᬮᬶᬄ