[᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬧᬧᭀᬚᭀᬮᬦ᭄᭟᭜᭟ᬧᬸᬄᬕᬶᬦᬦ᭄ᬢᬶ᭟ᬲᬸᬯᬾᬩᬦ᭄ᬢᬶᬢ᭄ᬬᬂᬩᬶᬗᬸᬂ᭞ᬗᬮᬶᬄᬜᬫᬓᭂᬫᬫᬳᬶ᭞ᬩᬵᬦ᭄ᬳᭀᬃᬣᬦᬾᬲᬫᬶᬕᬯᬂ᭞ᬳᬶᬩᬧᬗᬮᬳᬶᬦ᭄ᬫᬢᬶ᭞ᬗᭂᬮᬄᬫᬾ
ᬫᬾᬫᬲᬶᬄᬳᬶᬮᬂ᭞ᬢᭀᬓ᭄ᬭᬡᬲᬶᬸᬮᬸᬯᬲ᭄ᬫᬚᬶᬦ᭄ᬚᬶᬸᬜ᭄ᬚᬶᬦ᭄᭟ᬳᬤᬳᭀᬮᬲ᭄ᬩ᭄ᬭᬬᬦᬸᬢᬸᬃ᭞ᬘᬢᬸᬃᬢᭀᬜᬫᬦᬾᬧᬲ᭄ᬢᬶ᭞ᬮᬸᬄᬮᬸᬄᬮᬦ᭄ᬮᬦᬂᬮᬦᬂ᭞ᬳᬬᬸᬳᬬᬸᬍᬯᬶᬄᬍᬯᬶᬄ᭞ᬦᬵᬗ᭄ᬳᬶᬂᬳᬤᬫ᭄ᬭᬲᬓᬾᬢᬮ᭄᭞
ᬳᬶᬯᬬᬦ᭄ᬮᭂᬓᬤ᭄ᬤᬶᬳᬸᬭᬶ᭟ᬳᬶᬓᭂᬢᬸᬢ᭄ᬮᭂᬓᬤ᭄ᬤᬶᬫᬮᬸ᭞ᬦᬵᬗ᭄ᬳᬶᬂᬬᬮᬘᬸᬃᬫᬢᬶ᭞ᬫᬢᬦ᭄ᬜᬤᬶᬩᬮᬶᬢᭂᬗᬄ᭞ᬢ᭄ᬯᬲᬶᬤ᭄ᬥᬩᬵᬦ᭄ᬦᭂᬮᭀᬓᬶᬦ᭄᭞ᬲᭂᬫᬦ᭄ᬜᬦᬾᬮᬶᬦ᭄ᬢᬂᬲᭂᬗ᭄ᬓ᭞ᬕᬕᬸᬫᬸᬓᬾᬯᬶᬱ᭄ᬬᬕᭂᬦᬶ᭟ᬦᬸᬜ
ᬫᬦ᭄ᬦᬾᬢ᭄ᬯᬄᬢᬶᬸᬢᬢᭂᬮᬸ᭞ᬧᬤᬮᬸᬮᬸᬢ᭄ᬢᬺᬱ᭄ᬡᬳᬲᬶᬄ᭞ᬦᬸᬚᬸᬧᬢᬸᬄᬲᬲᭂᬤᭂᬗᬦ᭄᭞ᬧᬤᬤᭂᬫᭂᬦ᭄ᬩᬶᬸᬦ᭄ᬗᬸᬩᬸᬄᬓᭂᬤᬶᬲ᭄᭞ᬧᬓ᭄ᬱᬶᬢᬶᬢᬶᬭᬦ᭄ᬳᬸᬢ᭄ᬢᬫ᭞ᬗᬢᭂᬗ᭄ᬓᬸᬂᬫᬸᬜᬶᬦ᭄ᬜᬫᬦᬶᬲ᭄᭟ᬲᬸᬓᭂᬄᬗᬮᬶᬄᬦᬾ
[᭒ 2A]
᭒
ᬦᬾᬗᬢᭂᬗ᭄ᬓᬸᬂ᭞ᬤᬶᬧᬸᬜᬦ᭄ᬫᭂᬦ᭄ᬥᭂᬧᬾᬗᬶᬗ᭄ᬕᬶᬮ᭄᭞ᬢ᭄ᬯᬭᬜᬓ᭄ᬗᬮᬶᬄᬧᬧᬶᬓᬢ᭄᭞ᬳᭂᬗ᭄ᬓᬢ᭄ᬓᬮᬶᬲ᭄ᬧᭂᬦᬾᬓ᭄ᬲᬸᬓᬶᬮ᭄᭞ᬧᬸᬜᬦ᭄ᬜᬦᬾᬕᭂᬥᬾᬤᬯ᭞ᬫᬮᬄᬬᬲᬗᬶᬳᬂᬓᬦ᭄ᬤᬶᬓ᭄᭟ᬓᬦ᭄ᬤᬶᬓ᭄ᬫᬗ᭄ᬤᬾᬦᬾᬓᬧᬗ᭄ᬕᬸᬄ᭞
ᬜᬫᬤᬶᬭᬵᬕᬧᬤᬶᬤᬶ᭞ᬳᬦ᭄ᬢᬸᬓ᭄ᬢᬸᬢᬸᬃᬫᬳᬸᬢ᭄ᬢᬫ᭞ᬳᬸᬢ᭄ᬢᬫᬦᬶᬂᬭᬲᬚᬢᬶ᭞ᬚᬢᬶᬦᬶᬂᬭᬲᬓᬳᬸᬘᬧ᭄᭞ᬫᬤᬲᬃᬬᭀᬕᬲᬫᬥᬶ᭟ᬬᬦ᭄ᬲᬵᬫ᭄ᬧᬸᬦ᭄ᬚᬢᬶᬓᬧᬗ᭄ᬕᬸᬄ᭞ᬜᬫᬤᬶᬭᬵᬕᬧᬤᬶᬤᬶ᭞ᬳᬦᬾ
ᬗᭂᬫ᭄ᬧ᭄ᬯᬂᬲᬢᬢ᭞ᬢᬦ᭄ᬧᬾᬦ᭄ᬤᬄᬳᬶᬭᬓᬭᬳᬶ᭞ᬦᬾᬲᬢᬢᬫᬗᬚᬄ᭞ᬫᬦᬹᬢ᭄ᬮᬶᬗᬶᬂᬲᬂᬳ᭄ᬬᬂᬳᬚᬶ᭟ᬲᬲᬯᬗᬦ᭄ᬕᬶᬦᬦ᭄ᬢᬶᬧᬸᬧᬸᬢ᭄᭞ᬗᬶᬭᬶᬂᬋᬲᭂᬧᬂᬤᬶᬳᬢᬶ᭞ᬳᬦ᭄ᬢᬸᬓ᭄ᬢᬸᬢᬸᬃᬧᬧᭀᬚᭀᬮᬦ᭄᭞ᬦᬾᬳᬗ᭄ᬕᬾ
ᬦ᭄ᬗᭂᬦ᭄ᬢᬶᬦᬶᬦ᭄ᬫᬮᬶᬄ᭞ᬢᭂᬫ᭄ᬩᬗᬾᬲᬶᬦᭀᬫ᭄ᬧᬫᬄᬩᬄ᭞ᬫᬓᬤᬶᬳᬸᬘᬧᬶᬂᬕᬸᬭᬶᬢ᭄᭟᭜᭟ᬧᬸᬄᬲᬶᬦᭀᬫ᭄᭟ᬫᭀᬕᬶᬢᬦ᭄ᬓᬘᬓ᭄ᬭᬩᬯ᭞ᬳᬦ᭄ᬢᬸᬓ᭄ᬳ᭄ᬬᬂᬧᬭᬫᬓᬯᬶ᭞ᬳᬢᬸᬃᬧᬗᬓ᭄ᬱᬫᬦ᭄ᬢᬶᬢ᭄ᬬᬂ᭞ᬲᬸ
