[᭖ 6B]
᭖
ᬓ᭄ᬫᬓ᭄ᬚᬂ᭞ᬫᬗ᭄ᬤᬾᬩᬧᬵᬦᬸᬓᬸᬧ᭄ᬜᬶᬕ᭄ᬫᬂᬕᬢᬶ᭞ᬳᬳᭀᬯᬂᬢ᭄ᬯᬭᬵᬳᬤᬵᬢᬳᬸ᭞ᬢ᭄ᬓᬾᬦᬶᬂᬭᬳᬲ᭄ᬬᬦ᭄ᬢ᭄ᬬᬂ᭞ᬓᬤᬶᬫᬗ᭄ᬓᬶᬦ᭄ᬫ᭄ᬭᬶᬓᬵᬩᬧᬵᬧᬥᬵᬫᬦ᭄ᬢᬸᬓ᭄᭞ᬫᬢᬸᬮᬓ᭄ᬓᬚᬕᬢ᭄ᬤ᭄ᬳᬵ᭞ᬫᬜ᭄ᬘᬵᬫᬵᬦ᭄ᬢ᭄ᬭᬶᬫ
ᬢᬹᬃᬪᬓ᭄ᬢᬶ᭟ᬳᬢᬹᬭᬾᬢ᭄ᬬᬂᬲᬦ᭄ᬤᬶᬓᬵ᭞ᬮᬸᬢ᭄ᬫᬚᬮᬦ᭄ᬫᬜ᭄ᬘᬫᬵᬦ᭄ᬢ᭄ᬭᬶᬢᬸᬮᬓ᭄ᬫᬸᬮᬶᬄ᭞ᬧᬚᬮᬦᬾᬦᬧᬥᬲᬶᬲᬸ᭞ᬜᬶᬮᬶᬩ᭄ᬧᬚᬮᬦ᭄ᬳᬾᬗ᭄ᬕᬮ᭄᭞ᬲᬕᬾᬦᬧᬓ᭄ᬤᬶᬦᬵᬕᬭᬵᬤ᭄ᬳᬵᬲᬵᬫ᭄ᬧᬸᬦ᭄᭞ᬗᬸᬗ᭄ᬲᬶᬳᬸ
ᬫᬄᬲᭀᬯᬂᬲᭀᬯᬂ᭞ᬢ᭄ᬯᬭᬵᬳᬤᬵᬳᬦᬓ᭄ᬳᬸᬦᬶᬂ᭟ᬦᬾᬤᬾᬚᬦᬶᬓᬘᬭᬶᬢ᭄ᬣ᭞ᬢ᭄ᬯᬦ᭄ᬧᬸᬢ᭄ᬭᬶᬘᬡ᭄ᬤ᭄ᬭᬵᬓᬶᬭᬡᬵᬤᬶᬕ᭄ᬮᬶᬲ᭄᭞ᬫᬗ᭄ᬭᬗ᭄ᬲᬸᬓ᭄ᬩᬸᬱᬡᬲᬵᬫ᭄ᬧᬸᬦ᭄᭞ᬫᬧᬗᬗ᭄ᬕᭀᬜ᭄ᬘᬭᬵᬮᬦᬂ᭞ᬫ
ᬢᬵᬤᬾᬯᬶᬓᬧ᭄ᬭᬦᬄᬢᬸᬫᬶᬦ᭄ᬢ᭄ᬯᬦ᭄ᬕᬮᬸᬄ᭞ᬓᬕ᭄ᬬᬢ᭄ᬩᬸᬫᬭᬵᬫᬜᬶᬗᬓ᭄᭞ᬳᭀᬓᬦᬾᬦᬫᬗᬗ᭄ᬕᭀᬫ᭄ᬯᬦᬶ᭟ᬫᬳᬵᬤᬾᬯᬶᬮᬶᬦ᭄ᬢᬂᬮᬾᬤᬂ᭞ᬩᬦ᭄ᬧ᭄ᬭᬚ᭄ᬜᬤᬾᬜᬶᬮᬶᬩᬂᬭᬕᬵᬢ᭄ᬯᬦ᭄ᬧᬸᬢ᭄ᬭᬶ
[᭗ 7A]
᭞ᬳᬧᬂᬢ᭄ᬯᬭᬵᬳᬤᬵᬢᬳᬸ᭞ᬭᬳᬲ᭄ᬬᬜ᭄ᬘᬶᬡ᭄ᬤ᭄ᬭᬵᬓᬶᬭᬘᬡᬵ᭞ᬢᬢᬶᬗ᭄ᬓᬳᬦ᭄ᬯᬮᬸᬬᬵᬮᬦᬂᬢᬹᬃᬳᬦᬹᬢ᭄᭞ᬫᬧᬭᬩ᭄ᬧᬜ᭄ᬚᬶᬲ᭄ᬫᬶᬭᬂ᭞ᬳᬲ᭄ᬫᬭᬦ᭄ᬢᬵᬓᬓᬧᬸᬚᬶ᭟ᬦᬾᬚᬦᬶᬧᬜ᭄ᬚᬶᬲ᭄ᬫᬶᬭᬂᬮᬯᬸ
ᬢ᭄ᬫᬢᬹᬃᬭᬶᬂᬢᬸᬫᬶᬦᬾᬫᬳᬵᬤᬾᬯᬶ᭞ᬢᬶᬢ᭄ᬬᬂᬫᬫᬦᬄᬫᬜᬭᬸ᭞ᬫᬗ᭄ᬤᬵᬲᬵᬫ᭄ᬧᬸᬦ᭄ᬓᬲᬾᬗᭂᬢᬦ᭄᭞ᬤᬾᬯᬾᬓ᭄ᬢᬶᬢ᭄ᬬᬂᬭᬶᬂᬳᬦᬓᬾᬢᬶᬢ᭄ᬬᬂᬳ᭄ᬮᬸᬄ᭞ᬓᬾᬯᬦ᭄ᬢᭂᬦ᭄ᬧᬗ᭄ᬮᬸᬗ᭄ᬲᬹᬃᬢᬶᬢ᭄ᬬᬂ᭞ᬲᬶᬕ᭄ᬫᬂᬲ
ᬓᬤᬶᬫᬗ᭄ᬓᬶᬦ᭄᭟ᬧᬜ᭄ᬚᬶᬲ᭄ᬫᬶᬭᬵᬂᬲ᭄ᬫᬭᬵᬦ᭄ᬢᬓᬵ᭞ᬤᬾᬦᬶᬂᬗ᭄ᬮᬄᬧᬋᬓᬦ᭄ᬲᬬᬂᬓᬓᬵᬮᬶᬄ᭞ᬦᬶᬩᬬᬦ᭄ᬦᬶᬲᬗ᭄ᬕᬶᬢ᭄ᬲᬵᬫ᭄ᬧᬸᬦ᭄᭞ᬧᬥᬵᬓᬶᬘᬾᬦ᭄ᬧᬬᬲᬦ᭄᭞ᬫᬧᬗᬗ᭄ᬕᭀᬘᬭᬵ
ᬫ᭄ᬯᬦᬶᬧᬥᬵᬧᬗᬸᬲ᭄᭞ᬫᬰᬶᬄᬫᬲᬮᬶᬦᬦ᭄ᬳᬤᬦ᭄᭞ᬳᬤᬦ᭄ᬜᬦᬾᬩ᭄ᬲᬶᬓ᭄ᬩ᭄ᬲᬶᬓ᭄᭟ᬦᬶᬩᬬᬦ᭄ᬓᬸᬤ᭄ᬥᬵᬧᬺᬯᬶᬭᬵ᭞ᬫ᭄ᬯᬄᬦᬶᬲᬗ᭄ᬕᬶᬢ᭄ᬓᬸᬤ᭄ᬥᬧ᭄ᬭᬧᬜ᭄ᬘᬓᬤᬦᬶᬦ᭄᭞ᬤᬤᬶᬳ᭄ᬜᬓ᭄
Kaca:Bali-lontar-paparikan-panji-semirang-250ppi.pdf/7
Kaca puniki sampun kauji-wacén
