[᭔ 4B]
᭔
ᬩᬶᬦᬯ᭄ᬯᬵ᭞ᬓᬶᬲ᭄ᬩᭂᬢᬦ᭄ᬓᬬᬸᬦᬾᬲ᭄ᬤᬶᬄᬓᬶᬂᬓᬶᬂ᭞ᬲᬗᭂᬢ᭄ᬗᬗᭂᬦ᭄ᬢ᭄ᬯᬦ᭄ᬕᬮᬸᬄ᭞ᬯᬮᬸᬬᬵᬩᬸᬓᬫᬢᭀᬓᬵ᭞ᬢ᭄ᬯᬦ᭄ᬕᬮᬸᬄᬘᬶᬡ᭄ᬤ᭄ᬭᬵᬓᬶᬭᬡᬵᬫᬗᬸᬦ᭄ᬢᬸᬓ᭄᭞ᬤᬶᬧᬗ᭄ᬓᭀᬦᬦ᭄ᬫᬳᬵᬤᬾᬯ᭄ᬬᬵ᭞ᬫᬗ᭄ᬮᭀᬕ
ᬲᬂᬩᬳᬶᬫᬾᬮᬶᬂ᭟ᬧᬦᬗᬶᬲ᭄ᬫᬲᬲᬵᬫ᭄ᬩᬢᬦ᭄᭞ᬲᬶᬦᬄᬧᬶᬲᬦ᭄ᬲᬂᬧ᭄ᬭᬪᬹᬲᬸᬩᬵᬮᬮᬶ᭞ᬓ᭄ᬭᬡᬓᬓᬾᬦᬾᬓᬢ᭄ᬧᬸᬓ᭄᭞ᬤᬸᬓᬶᬢᬦᬾᬚᬦᬶᬢᬫᬵ᭞ᬩ᭄ᬬᬂᬲᭀᬭᬶᬮᬮᬸᬮᬮᬶᬲ᭄ᬦᬶᬗ᭄ᬕᬮ᭄ᬲᬵᬫ᭄ᬧᬸᬦ᭄᭞
ᬩᭀᬬᬘᬶᬗᬓ᭄ᬢᬶᬢ᭄ᬬᬂ᭞ᬲᬧᬸᬦᬶᬓᬫᬗ᭄ᬫᬲᬶᬦ᭄᭟ᬩ᭄ᬬᬂᬫᬦ᭄ᬤᬾᬯᬢᬶᬦ᭄ᬮᬲ᭄ᬬᬵ᭞ᬩ᭄ᬬᬂᬦᬾᬦ᭄ᬢᭂᬦ᭄ᬓᬭᬶᬦ᭄ᬫᬸᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬾᬉᬭᬶᬧ᭄ᬫᬫᬗ᭄ᬕᬸᬄ᭞ᬲᬗ᭄ᬲᬭᬵᬲᬓᬶᬢ᭄ᬫᬦᬄ᭞ᬕ᭄ᬮᬶᬲ᭄ᬕ᭄ᬮᬶᬲ᭄ᬳᬫ᭄ᬩᬶᬮ᭄ᬢᬶᬢ᭄ᬬᬂ
ᬫᬵᬗ᭄ᬤᬵᬮᬫ᭄ᬧᬸᬲ᭄᭞ᬓ᭄ᬦᬶᬗᬶᬭᬶᬂᬮᬸᬗ᭄ᬕᬸᬄᬩ᭄ᬬᬂ᭞ᬫᬗ᭄ᬤᬵᬳᬸᬲᬦ᭄ᬫᬦᬗ᭄ᬤᬗᬶᬦ᭄᭟ᬓ᭄ᬩᬸᬲ᭄ᬫᬦᬄᬓᬾᬓᬭᬗᬾᬭᬂ᭞ᬫᬳᬤᬾᬯᬶᬫᬗᬦ᭄ᬤᬶᬓᬵᬲᬳᬢᬗᬶᬲ᭄᭞ᬮᬶᬮᬬᬂᬤᬾᬯᬤᭀᬓᬬᬸᬦ᭄ᬫᬾ
[᭕ 5A]
ᬫᬾᬢ᭄ᬯᬭᬜᬮᬳᬂ᭞ᬜᬦ᭄ᬤᬂᬧᬶᬲᬦ᭄ᬩᬦ᭄ᬳᬶᬤᬾᬯᬚᬦᬶᬫᬫ᭄ᬩᬸᬮ᭄᭞ᬫᬾᬫᬾᬦᬸᬢᬸᬢᬶᬦ᭄ᬳᬶᬤᬾᬯ᭄ᬯ᭞ᬳᬧᬂᬫᬶᬮᬸᬓᬢᭀᬦ᭄ᬩ᭄ᬘᬶᬓ᭄᭟ᬫᬳᬵᬤᬾᬯᬶᬫᬫᬸᬥᬸᬳᬂ᭞ᬦᬾᬫᬫ᭄ᬩᬸᬭᬦ᭄ᬕ᭄ᬢᭂᬧᬦ᭄ᬭᬫ᭄ᬩᬸ
ᬢ᭄ᬢ᭄ᬯᬦ᭄ᬧᬸᬢ᭄ᬭᬶ᭞ᬓᬳᬫ᭄ᬩᬶᬮ᭄ᬲᬵᬫ᭄ᬧᬸᬦ᭄ᬫᬫᬸᬦ᭄ᬥᬸᬄ᭞ᬲᬫᬳᬾᬓᬩᬶᬦᬵᬩᬶᬦᬵ᭞ᬫᬕᬾᬮᭀᬢᬦ᭄ᬫᬗᬲᭀᬭᬦ᭄ᬕᬸᬍᬫ᭄ᬢᬶᬫᬹᬃ᭞ᬭᬫ᭄ᬩᬸᬢᬾᬳᬤᭂᬦ᭄ᬤᭂᬦᬦ᭄᭞ᬕᬯᭀᬓ᭄ᬳᬲᬶᬂᬫᬗᬶᬯᬲᬶᬦ᭄᭟
ᬢᬜ᭄ᬘᬭᬶᬢ᭄ᬣᬲᬸᬩᬵᬲᬜ᭄ᬚ᭞ᬲᬬᬦ᭄ᬧ᭄ᬢᭂᬂᬫ᭄ᬢᭂᬗᬂᬓᬬᬸᬦ᭄ᬢ᭄ᬯᬦ᭄ᬧᬸᬢ᭄ᬭᬶ᭞ᬲᬸᬗ᭄ᬲᬸᬢᬾᬫᬯᬸᬯᬸᬄᬯᬸᬯᬸᬄ᭞ᬯ᭄ᬢᬸᬫᬗ᭄ᬮᬮᬸᬯᬂᬚᬶᬯ᭄ᬯᬵ᭞ᬫᬧᬓᬬᬸᬦ᭄ᬗᬸᬫ᭄ᬩᬭᬢᬶᬩᬦᬶᬂᬮᬓᬸ᭞ᬜᬸᬲᬸᬧ᭄ᬓᬢ᭄ᬗᬳᬶᬂ
ᬳᬮᬲ᭄᭞ᬩᬸᬤᬮ᭄ᬲᬓᬶᬂᬚ᭄ᬭᭀᬦᬶᬂᬧᬸᬭᬷ᭟ᬲᬸᬩᬵᬦᬾᬓᬾᬢᭀᬧ᭄ᬭᬕᬢ᭄᭞ᬧᬫᬶᬦᭂᬳᬾᬳᬦᬾᬚᬦᬶᬲᬸᬩᬵᬯ᭄ᬗᬶ᭞ᬕ᭄ᬮᬶᬲ᭄ᬦᬾᬫᬗ᭄ᬓᬶᬦ᭄ᬓᬤᬯᬸᬄ᭞ᬦᬶᬩᬬᬦ᭄ᬲᬗ᭄ᬕᬶᬢ᭄ᬫᬚᬮᬦ᭄᭞ᬕᬕᬾ
Kaca:Bali-lontar-paparikan-panji-semirang-250ppi.pdf/5
Kaca puniki sampun kauji-wacén
