[᭓᭒ 32B]
᭓᭒
ᬦᬳᬶᬩ᭄ᬮᬶ᭞ᬮᬯᬸᬢ᭄ᬳᭂᬮᬶᬗᬂ᭞ᬳᬧᬂᬳᬶᬩ᭄ᬮᬶᬗᬰᬶᬄ᭟ᬫᬓᬤᬶᬜᬫᬗ᭄ᬤᬾᬓᬲᬗ᭄ᬓᬶᬮ᭄ᬓᬕᬭᬲ᭄᭞ᬓᬭᬸᬫ᭄ᬭᬸᬫ᭄ᬩᬦ᭄ᬫᬸᬜᬶᬫᬦᬶᬲ᭄᭞ᬓᬳᬩᬶᬦ᭄ᬳᬶᬤᬾᬯ᭄ᬯᬵ᭞ᬩᬳᬦ᭄ᬭᬓᬦ᭄ᬳᬶᬤᬾᬯ᭄ᬯᬵ᭞ᬭᬤᬾᬦ᭄ᬳᬶᬦᬸᬓᬃᬢ᭄ᬣᬵ
ᬧᬢᬶ᭞ᬧ᭄ᬮᬸᬓ᭄ᬢ᭄ᬓᭂᬓᬂᬩᬜ᭄ᬘᬂᬳᬶᬩ᭄ᬮᬶᬦᬾᬕᬶᬲᬶ᭟ᬬᬾᬦ᭄ᬢ᭄ᬯᬄᬭᬤᬾᬦ᭄ᬳᬶᬦᬸᬓᬃᬢ᭄ᬣᬵᬧᬢᬶᬢ᭄ᬯᬭᬵ᭞ᬫᬺᬫ᭄ᬢ᭄ᬓᬵᬢᬶᬫ᭄ᬧᬳᬶᬦ᭄᭞ᬓᬾᬢᭀᬚᬦᬶᬧ᭄ᬭᬕᬢ᭄᭞ᬫᬳᬵᬮᬶᬦᬸᬫᬜᭂᬲᭂᬤᬂ᭞ᬕᬮᬸᬄᬳᬚᭂᬂᬗᬺ
ᬲᭂᬧ᭄ᬕᬢᬶ᭞ᬯᬸᬲ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬦᬾᬚᬦᬶᬲᬸᬩᬵᬯ᭄ᬗᬶ᭟ᬫᬳᬵᬮᬶᬓᬸᬦᬸᬦ᭄ᬢᬸᬦ᭄ᬕᬮᬸᬄᬳᬚᭂᬂᬳᬾᬗ᭄ᬕᬮ᭄᭞ᬦᬾᬚᬦᬶᬲᬸᬩᬵᬗ᭄ᬭᬜ᭄ᬚᬶᬂ᭞ᬚ᭄ᬭᭀᬦᬶᬂᬧᬫᬺᬫᬵᬦ᭄᭞ᬫᬓᬤᬶᬜᬭᬳᬤ᭄ᬬᬦ᭄᭞ᬭᬤᬾᬦ᭄ᬳᬶᬦᬸᬓᬃ
ᬢ᭄ᬣᬵᬧᬢᬶ᭞ᬯᬸᬲ᭄ᬧᬓᬮᬶᬳᬦ᭄᭞ᬚ᭄ᬭᭀᬦᬶᬂᬢᬶᬮᬫ᭄ᬮᬦᬂᬳᬶᬲ᭄ᬢ᭄ᬭᬶ᭟ᬕᬮᬸᬄᬳᬚᭂᬂᬗᬸᬦ᭄ᬢᬸᬓ᭄ᬗᬳᬾᬳᬧᬭᬭᬲᬦ᭄᭞ᬳᬧᬂᬳ᭄ᬜᬓ᭄ᬓᬍᬫᭂᬲᬶᬦ᭄᭞ᬫᬦᬼᬓ᭄ᬢᭂᬓᬂᬢᬗᬦ᭄᭞ᬫᬧ᭄ᬬᬂᬓᬲ᭄ᬤᬶᬳᬦ᭄᭞ᬭᬤᬾᬦ᭄ᬳᬶᬦᬸ
[᭓᭓ 33A]
ᬓᬃᬢ᭄ᬣᬵᬧᬢᬶ᭞ᬢ᭄ᬯᬭᬵᬤᬵᬧᬶᬲᬦ᭄᭞ᬗᬺᬱᭂᬧ᭄ᬓᬬᬸᬦᬾᬦᭀᬮᬶᬄ᭟ᬧ᭄ᬭᬕᬢ᭄ᬩᭂᬗᭀᬂᬤᬶᬧᬫᬺᬫᬦ᭄ᬫᬧᬗᭂᬦᬦ᭄᭞ᬦᭂᬫ᭄ᬩ᭄ᬯᬲ᭄ᬧᭂᬲᬸᬬᬾᬄᬳᬓ᭄ᬱᬶ᭞ᬢ᭄ᬭᬭᬵᬚᬢ᭄ᬮᬾᬦᬦ᭄᭞ᬧᬜ᭄ᬚᬶᬲ᭄ᬫᬶᬭᬂᬫᬳᬚᬧ᭄᭞ᬕᬮᬸᬄ
ᬳᬚᭃᬂᬗᬸᬯᬄᬗᬸᬯᬶᬄ᭞ᬫᬓ᭄ᬮᭀᬗᬦ᭄ᬢ᭄ᬬᬂ᭞ᬫᬰᬶᬄᬢ᭄ᬯᬭᬵᬓᬤᭂᬲᭂᬓᬶᬦ᭄᭞ᬮᬯᬸᬢ᭄ᬗᬸᬘᬧ᭄ᬕᬮᬸᬄᬳᬚᭂᬂᬲᬤᬵᬩᬦ᭄ᬩᬦ᭄᭞ᬗ᭄ᬕᬶᬄᬭᬸᬫ᭄ᬭᬸᬫ᭄ᬢᬶᬢ᭄ᬬᬂᬩ᭄ᬮᬶ᭞ᬧᬸᬦᬧᬶᬳᬯᬶᬦᬦ᭄᭞ᬩ᭄ᬮᬶᬦᬦᭂᬂᬢᬦ᭄ᬗᬦ᭄ᬤᬶᬓᬵ᭞ᬭᬤᬾᬦ᭄ᬳᬶ
ᬦᬸᬓᬃᬢ᭄ᬣᬵᬧᬢᬷ᭞ᬩᭂᬡ᭄ᬥᬸᬳᬗᬸᬘᬧ᭄᭞ᬩ᭄ᬮᬶᬲᬶᬂᬪᬶᬱᬵᬗᬼᬫᭂᬲᬶᬦ᭄᭟ᬳᬦᬓ᭄ᬫ᭄ᬯᬦᬶᬢᭀᬳᬤᬵᬢᬸᬭᬄᬤᬶᬚᬵ᭞ᬩᬲ᭄ᬢᬾᬓᬮ᭄ᬩᬶᬄᬕᬢᬶ᭞ᬦᬯᭂᬕᬂᬳᭂᬦ᭄ᬤᭂᬧᬂ᭞ᬳ᭄ᬤᬵᬭᬭᬲᬦ᭄᭞ᬳᬤᬶᬗ᭄ᬬᭂᬕ᭄ᬩᭂᬮᬶᬚᬦᬶ
᭞ᬫᬵᬮᬶᬄᬳᬗᬸᬘᬧ᭄᭞ᬕᬮᬸᬄᬳᬚᭂᬂᬲᬫ᭄ᬩᬶᬮ᭄ᬦᬗᬶᬲ᭄᭟ᬬᬦ᭄ᬢᬦ᭄ᬓᬬᬸᬦ᭄ᬩ᭄ᬮᬶᬫᬗ᭄ᬓᬶᬦ᭄ᬗ᭄ᬭᬸᬫ᭄ᬭᬸᬫ᭄ᬢᬶᬢ᭄ᬬᬂ᭞ᬢᬦ᭄ᬧ᭄ᬬᬂᬯᬗ᭄ᬤᬾᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬚᬕᬵᬗᬸᬦᬶᬗᬬᬂ᭞ᬭᬶᬂᬧᬮᬸᬗ᭄ᬕᬸᬄᬳᬶᬩᬧᬵ᭞ᬭᬤᬾᬦ᭄ᬳᬶᬦᬸᬓᬃ
Kaca:Bali-lontar-paparikan-panji-semirang-250ppi.pdf/33
Kaca puniki sampun kauji-wacén
