[᭑ 1B]
᭑
᭛᭐᭛ᬧᬗ᭄ᬓᬹᬃ᭞᭛᭐᭛ᬧᬶᬤᬕᬶᬂᬦᬸᬦᬲ᭄ᬳᬵᬫ᭄ᬧᬸᬭᬵ᭞ᬭᬶᬂᬳᬶᬤᬵᬤᬦᬾᬳᬶᬧᬸᬦ᭄ᬲᬫᬶ᭞ᬢᬶᬢ᭄ᬬᬂᬳᬶᬧᭀᬗᬄᬮᬸᬘᬸ᭞ᬫᬼᬤ᭄ᬫᬸᬭᬸᬓ᭄ᬫᬢᭂᬫ᭄ᬩᬂ᭞ᬫᬩᭂᬢ᭄ᬧ᭄ᬭᬚ᭄ᬜᬦ᭄᭞ᬗ᭄ᬳᬶᬂᬚᬸ
ᬕᬸᬮᬾᬮᬶᬦ᭄ᬢᬂᬫᬸᬧᬸᬢ᭄᭞ᬢᬦᬾᬭᬂᬬᬦ᭄ᬕᬶᬦᬸᬬ᭄ᬯᬦ᭄᭞ᬗᭂᬢᬸᬄᬫᬢᬵᬦ᭄ᬩᭂᬮ᭄ᬓᭀᬧᬶᬂ᭞ᬗᬶᬗᭂᬢᬂᬲᬢ᭄ᬯᬦᬾᬓᬸᬦᬵ᭞ᬳᬧᬂᬤᬵᬢ᭄ᬦᬸᬳᬗ᭄ᬕᭀᬦ᭄ᬧᬗᬾᬮᬶᬂ᭞ᬦᬫᬶᬢᬶᬦᬫᬶᬓᬧᬸᬗ᭄ᬓᬸᬃ᭞ᬳᬗ᭄ᬕᭀ
ᬜᬮᬶᬫᬸᬭᬂᬫᬦᬄ᭞ᬲᬶᬜᬳᬤᬵᬳᬫᬢᬺᬳᬗ᭄ᬕᭀᬧᬯᬸᬘᬸᬓ᭄᭞ᬗᬶᬦᭂᬗᬦ᭄ᬳᬶᬦ᭄ᬤᬶᬓ᭄ᬓᬵᬥᬃᬫ᭄ᬫᬦ᭄᭞ᬭᬾᬄᬤᬤᬶᬫᬦᬸᬱᬵᬚᬢᬷ᭟ᬳᬶᬤᬵᬭᬤᬾᬦ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬲᬫ᭄ᬧᬸᬦ᭄ᬳᬶᬤᬵᬫᬶᬘᬬᬂ᭞ᬢᭀ
ᬕᭀᬕ᭄ᬓᬓᬵᬮᬶᬄ᭞ᬭᬶᬂᬫᬶᬂᬲᬶᬓᬶᬦᬾᬳᬬᬸ᭞ᬫᬮᬶᬗ᭄ᬕᬶᬄᬭᬶᬂᬤ᭄ᬳᬵᬧᬸᬭᬵ᭞ᬫᬩᬶᬦᬬᬦ᭄ᬧᬶᬘᬦᬾᬫᬓᬧᬸᬢ᭄ᬳᬮᬸᬲ᭄᭞ᬢᬜ᭄ᬘᬭᬶᬢᬦᬾᬳᬢᬸᬭᬂ᭞ᬢᬸᬫᬸᬮᬶᬦᬸᬦᬲ᭄ᬫᬧᬫᬶᬢ᭄᭞ᬳᭀᬯᬥᬵᬢᬸᬮᬓ᭄ᬕᬕ
[᭒ 2A]
ᬗ᭄ᬲᬭᬦ᭄᭞ᬲᬢ᭄ᬓᭂᬤᬾᬤᬶᬓᭀᬭᬶᬧᬦ᭄ᬓᬧᬶᬳᬸᬦᬶᬂ᭞ᬭᬶᬂᬳᬶᬤᬵᬲᬂᬫᬗᬸᬢᬸᬲ᭄᭞ᬲᬫᬶᬢ᭄ᬮᬲ᭄ᬓᬧᬶᬤᬃᬢ᭄ᬢᬵᬫ᭄ᬘᬭᬶᬢᬬᬂᬦᬾᬤᬶᬤ᭄ᬳᬵᬚᬦᬶᬮᬯᬸᬢ᭄ᬧᬺᬧᬸᬢᬶᬦᬾᬫᬓᬤᬤ᭄ᬯᬵ᭞ᬧᬥᬵᬗ᭄ᬮᬄᬢᭀ
ᬕᭀᬕ᭄ᬍᬯᬶᬄ᭟ᬢ᭄ᬯᬦ᭄ᬲᬢ᭄ᬭᬶᬘᬶᬖ᭄ᬤ᭄ᬭᬓᬶᬭᬖᬵ᭞ᬢ᭄ᬯᬭᬵᬗ᭄ᬮᬲ᭄ᬓᬾᬦ᭄ᬢᭀᬕᭀᬕᬾᬲ᭄ᬬᬂᬮᬢ᭄ᬭᬶ᭞ᬲᬲᬳᬶᬓᬳᬸᬦᬸᬢ᭄ᬳᬸᬦᬸᬢ᭄᭞ᬢᭀᬕᭀᬕᬾᬓᬳᬭᬲ᭄ᬳᬭᬲ᭄᭞ᬓᬘᬗ᭄ᬭᬶᬫᬂᬤᬶᬧᬫᬺᬫ
ᬦ᭄ᬳ᭄ᬬᬸᬂᬗ᭄ᬬᬸᬂ᭞ᬧᬶᬦ᭄ᬤᬓᬵᬢᭀᬓᬢᭀᬓᬬᬦ᭄᭞ᬮᬾᬤᬂᬫᬳᬵᬤᬾᬯᬶᬗᬓ᭄ᬱᬶ᭞ᬦᬾᬚᬦᬶᬧᬥᬫ᭄ᬤᬮ᭄᭞ᬕᬮᬸᬄᬳᬚᭃᬂᬘᬶᬖ᭄ᬤ᭄ᬭᬓᬶᬭᬖᬵᬫᬜᬗ᭄ᬓᬶᬮ᭄᭞ᬢᭀᬕᭀᬕᬾᬧᬥᬵᬫᬓᬸ
ᬤᬸ᭞ᬩᬦ᭄ᬲᬢᬺᬓᬘᬶᬬᬮ᭄ᬗ᭄ᬭᬜᬩ᭄᭞ᬓᬳᬶᬭᬶᬗᬂᬳᬦ᭄ᬢᬸᬓ᭄ᬧᬭᬬᬢᬾᬮ᭄ᬬᬸ᭞ᬦᬶᬲᬗ᭄ᬕᬶᬢ᭄ᬫᬶᬯᬄᬦᬶᬩᬬᬦ᭄᭞ᬕᬮᬸᬄᬳᬚᭃᬂᬮᬸᬢ᭄ᬫᬗᬓ᭄ᬱᬶ᭞ᬢᭀᬕᭀᬕ᭄ᬭᬓᬦᬾᬩᬦ᭄ᬳᭂᬫᬵᬲ᭄᭞ᬤᬤᬶᬧᬷ
Kaca:Bali-lontar-paparikan-panji-semirang-250ppi.pdf/2
Kaca puniki sampun kauji-wacén
