[᭘᭕ 85B]
᭘᭖
ᬭᬸᬄ᭟ᬳᭂᬦ᭄ᬢᭀᬩᬧᬓ᭄ᬭᬡᬵᬳ᭄ᬬᬂ᭞ᬳᭂᬫ᭄ᬧᭂᬢ᭄ᬓᭂᬦᭂᬄᬤᬤᬶᬗ᭄ᬮᬶᬂ᭞ᬢᭀᬲᬶᬂᬧᬶᬲᬦ᭄ᬲᬚᬢ᭄ᬬᬂ᭞ᬫᬓ᭄ᬦᭂᬄᬫᬶᬢ᭄ᬬᬓᬾᬦ᭄ᬫᬸᬜᬶ᭞ᬫᬗ᭄ᬤᬓᬾᬢ᭄ᬬᬂᬚᬦᬶ᭞ᬫᬭᭀᬲᬶᬄᬓᬾᬦ᭄ᬳᬶᬤᬩᬕᬸᬲ᭄᭞ᬓ᭄ᬜᭂᬫ᭄ᬩᬕᬸᬲ᭄ᬕᭂ
ᬤᬾᬫᬶᬋᬗᬂ᭞ᬗᬦ᭄ᬤᬶᬓᬵᬳᬮᬸᬲ᭄ᬫᬵᬦᬶᬲ᭄᭞ᬳ᭄ᬥᬢᬦ᭄ᬤ᭄ᬭᬸᬄᬓᭂᬲ᭄ᬬᭂᬕ᭄ᬬᬧᬜᬢ᭄ᬭᬶᬦ᭄ᬢᬶᬢᬄ᭟ᬩᬕᬸᬲ᭄ᬕᭂᬤᬾᬢᬸᬳᬸᬦ᭄ᬜᭂᬫᬓ᭄᭞ᬗ᭄ᬮᬸᬢ᭄ᬮᬯᬸᬢ᭄ᬗᬰᬶᬄᬳᬰᬶᬄ᭞ᬳᬾᬦ᭄ᬤᬂᬧ᭄ᬱᬸᬓᬫᬦᬶᬲᬦ᭄᭞ᬤᬤ᭄ᬬ
ᬜᬤᬶᬯᬂᬮ᭄ᬬᬸᬕᬢᬶ᭞ᬓᬮ᭄ᬬᬂᬭᬯᬸᬄᬲᬫᬶ᭞ᬩᬕᬸᬲ᭄ᬕᭂᬤᬾᬗᬦ᭄ᬤᬶᬓᬵᬮᬸᬲ᭄᭞ᬓᭂᬲ᭄ᬬᭂᬕ᭄ᬓᭂᬫ᭄ᬫᬧᭂᬲ᭄ᬯᬦ᭄᭞ᬲᬵᬫ᭄ᬧᬸᬦ᭄ᬭᬢᬸᬜᬦ᭄ᬢᭀᬲᬶᬦ᭄᭞ᬲᬫ᭄ᬧᬸᬦᬂᬩᭂᬦ᭄ᬤᬸ᭞ᬧᬋᬓᬦ᭄ᬧᬫᬶᬲᬸᬪᬓ᭄ᬢᬶ᭟ᬳᬶᬤ
ᬩᬕᬸᬲ᭄ᬕᭂᬤᬾᬧᭂᬲ᭄ᬯᬦ᭄᭞ᬫᬩ᭄ᬭᬶᬬᬸᬓ᭄ᬓᬮ᭄ᬬᬗᬾᬲᬫᬶ᭞ᬫᭂᬫᭂᬲ᭄ᬫᬢᬹᬃᬭᬢᬸᬢᬶᬢ᭄ᬬᬂ᭞ᬦᬸᬦᬲ᭄ᬓᬃᬬ᭄ᬬᬲᬋᬂᬲᬫᬶ᭞ᬲᬵᬫ᭄ᬧᬸᬦ᭄ᬭᬢᬸᬜᬦ᭄ᬢᭀᬲᬶᬦ᭄᭞ᬧᬗᬦ᭄ᬤᬶᬓᬦ᭄ᬥᬲᬂᬧ᭄ᬭᬪᬹ᭞ᬫᬗ᭄ᬥᬾᬩ᭄ᬘᬶᬓ᭄ᬭᬶᬂ
[᭘᭖ 86A]
ᬩ᭄ᬬᬂ᭞ᬳᬶᬭᬢᬸᬫᬗ᭄ᬤᬾᬭᬶᬂᬕ᭄ᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬢᬸᬗᭀᬩᭂᬢᬂᬚᬕᬧᬳᬶᬘᬵ᭟ᬤᬩᬕᬸᬲ᭄ᬫᬥᬾᬫ᭄ᬦᭂᬂᬗᬵ᭞ᬧᬢ᭄ᬭᬾᬩᬾᬲ᭄ᬢᭀᬬᬦᬶᬂᬗᬓ᭄ᬱᬶ᭞ᬫᬯᬸᬯᬸᬄᬩᬕᬸᬲ᭄ᬫᬩ᭄ᬗᬤ᭄᭞ᬯᬮᬸ
ᬬᬳ᭄ᬬᬂᬲ᭄ᬫᬭᬵᬦ᭄ᬤᬶᬭᬶ᭞ᬚᬢ᭄ᬫᬶᬓᬩᬕᬸᬲ᭄ᬫᬦᬶᬲ᭄᭞ᬍᬕᬵᬫᬓ᭄ᬚᬂᬯᭀᬂᬕᬸᬦᬸᬂ᭞ᬳᬶᬤᬩᬕᬸᬲ᭄ᬫᬦᬶᬢᬄ᭞ᬓᬮᬶᬬᬂᬫᬢᬸᬃᬫᬮᬶᬄ᭞ᬫᬦ᭄ᬤᬯᭂᬕᬂᬦᬾᬫᬗ᭄ᬓᬶᬦ᭄ᬫᬦᬸᬦᬲ᭄ᬓᬵᬃᬬ᭄ᬬ᭟ᬮᬶᬗ᭄ᬕᬶᬳᬶᬦ᭄ᬚ
ᬳᬢᬸᬃᬢᬶᬢ᭄ᬬᬂ᭞ᬬᬦ᭄ᬢᬦ᭄ᬲᬸᬫᭂᬗ᭄ᬓᬵᬲᬓ᭄ᬱᬾᬦᬶᬦ᭄᭞ᬓᬾᬢᭀᬧᬤᬬᬳᬢᬹᬃᬭᬵ᭞ᬤᬩᬕᬸᬲ᭄ᬫᬥᬾᬜᬳᬸᬭᬶᬦ᭄᭞ᬗ᭄ᬕᬶᬄᬓᬓ᭄ᬬᬂᬩᬧᬲᬫᬶ᭞ᬲᬧᬗ᭄ᬯᬤᬶᬢᬶᬢ᭄ᬬᬂᬦᬸᬭᬸᬢ᭄᭞ᬭᬶᬂᬗᬮᬲ᭄ᬚᬶ
ᬫ᭄ᬩᬃᬭᬭ᭄ᬯᬓ᭄᭞ᬲᬓᬮ᭄ᬬᬂᬫᬢᬹᬃᬳᬶᬗ᭄ᬕᬶᬄ᭞ᬲᬳᬍᬕᬵᬫᬧᬫᬶᬢ᭄᭞ᬗᭀᬚᭀᬕ᭄ᬓᬳᬮᬲ᭄᭟ᬳᬩᬸᬮᬦ᭄ᬯᬮᬸᬬᬫ᭄ᬮᬄ᭞ᬫᬮᬸᬦᬵᬮᬸᬦ᭄ᬫᬜ᭄ᬘᬓ᭄ᬱᬚᬶ᭞ᬗᬜ᭄ᬘᬩ᭄ᬯᬮᬸᬬᬤᬶᬲ᭄ᬯᬃᬕ᭄ᬕ
Kaca:Bali-lontar-paparikan-malat-02-550ppi.pdf/86
Kaca puniki sampun kauji-wacén
