[᭘᭓ 83B]
᭘᭔
ᬗᬓ᭄ᬗᬦ᭄ᬤᬶᬓᬵ᭞ᬳᬤᬸᬄᬲᬓᬶᬢ᭄ᬳᬤᬬᬦ᭄ᬧᬶᬲᬦ᭄ᬫᬢᬶ᭞ᬫᬢᬗᬶᬫᬫᬦ᭄ᬢᭂᬕ᭄ᬧᬸᬧᬸ᭞ᬳᭂᬜᬾᬦᬸᬫᬳᬤᬸᬓᬦ᭄᭞ᬳᬶᬤᬵᬩᬕᬸᬲ᭄ᬢᬦ᭄ᬧ᭄ᬕᬢ᭄ᬳᬗᬸᬲᬧ᭄ᬧᬶᬂᬮᬸᬄ᭞ᬳᬶᬤ᭄ᬯᬕᬸᬂᬜ᭄ᬦᭂᬂᬗ
ᬦ᭄ᬤᬶᬓᬵ᭞ᬩᬶᬄᬲᭂᬢ᭄ᬳᬶᬤᬵᬩᬕᬸᬲ᭄ᬳᬮᬶᬄ᭟ᬳᬶᬲᭂᬢ᭄ᬜᬸᬫ᭄ᬩᬄᬫᬚᬮᬦ᭄᭞ᬢᬹᬃᬓᬧᬗ᭄ᬕᬶᬄᬳᬶᬤᬩᬕᬸᬲ᭄ᬫᬦᬗᬶᬲ᭄᭞ᬳᬶᬲᭂᬢ᭄ᬓᭂᬜᭂᬫ᭄ᬫᬳᬢᬹᬃ᭞ᬕᬸᬂᬜᭂᬦᭂᬂᬗᬦ᭄ᬤᬶᬓᬬᬂ᭞ᬢᬦ᭄ᬧᬲᬳᬸᬃ
ᬫᬦᬗᬶᬲ᭄ᬫᬫᬃᬕ᭄ᬕᬶᬜᬸᬚᬸᬃ᭞ᬳᬶᬤ᭄ᬯᬕᬸᬂᬜᭂᬦᭂᬂᬯᬸᬲ᭄ᬳᬬᬲ᭄᭞ᬭᬯᬸᬄᬤᬩᬕᬸᬲ᭄ᬓᬸᬮᬧᬶᬦ᭄᭞ᬤᬩᬕᬸᬲ᭄ᬫᬥᬾᬳᬮᬶᬗ᭄ᬕ᭄ᬬᬵ᭞ᬤ᭄ᬯᬕᬸᬂᬜᭂᬦᭂᬂᬦᬫ᭄ᬧᭂᬓᬂᬗᬦ᭄ᬤᬶᬓᬵᬭᬶᬲ᭄᭞ᬦᬾᬫ
ᬓ᭄ᬚᬂᬦᬸᬤᬩᬕᬸᬲ᭄᭞ᬢ᭄ᬬᬂᬫᬫ᭄ᬩᬳᬂᬳᬶᬤ᭞ᬭᬶᬗ᭄ᬕᬶᬢ᭄ᬲᬫᬲ᭄ᬲᬲᬼᬢ᭄ᬓᬾᬦ᭄ᬓᬫ᭄ᬩᭂᬦ᭄ᬲᬩᬸᬓ᭄᭞ᬧᬲᬲᬢ᭄ᬩᭂᬮᬶᬅ᭄ᬢ᭄ᬬᬂ᭞ᬫᬗᬸᬗ᭄ᬕᬸᬮ᭄ᬩᭂᬮᬶᬅ᭄ᬦᬸᬤᬶᬦᬶ᭟ᬗᬸᬦ᭄ᬢᬸᬓ᭄ᬦᬗᬶᬲ᭄ᬢᬦ᭄ᬲᬳᬸᬭᬵ᭞
[᭘᭔ 84A]
ᬤ᭄ᬯᬕᬸᬂᬜ᭄ᬦᭂᬂᬳᬫ᭄ᬓᬸᬮ᭄ᬲᬃᬯ᭄ᬯᬶᬦᬗᬶᬲ᭄᭞ᬦᬄᬢ᭄ᬬᬧᬫᬶᬢ᭄ᬩᭂᬮᬶᬅ᭄ᬳᬕᬸᬲ᭄᭞ᬧ᭄ᬕᬢ᭄ᬭᬲᬦᬶᬂᬘᬶᬢ᭄ᬣᬵ᭞ᬤᬤᬶᬢ᭄ᬓᬳᬶᬚᬭᬸᬫ᭄ᬫᭂᬧᭂᬲ᭄ᬫᬳᬢᬹᬃ᭞ᬳᬶᬤᬵᬚᬶᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬗᬸᬢᬸᬲ᭄ᬢᬶᬢ᭄ᬬᬂᬫᬗᬢᬹ
ᬭᬶᬦ᭄᭟ᬯᬮ᭄ᬬᬫ᭄ᬓᬸᬮ᭄ᬫᬗᬦ᭄ᬤᬶᬓᬵ᭞ᬚᬮᬦ᭄ᬩᬋᬂᬗᭂᬦᬄᬭᬶᬂᬩᬧᬵᬳᬚᬶ᭞ᬫᬢᬗᬶᬤ᭄ᬯᬕᬸᬂᬤᬩᬕᬸᬲ᭄᭞ᬭᬯᬸᬄᬭᬶᬂᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬤ᭄ᬯᬕᬸᬂᬭᬳᬶᬲᬵᬫ᭄ᬧᬸᬦ᭄ᬳᬶᬭᬶᬓᬵᬫᬮᬸᬗ᭄ᬕᬸᬄ᭞ᬳᬶᬤᬲᬂ
ᬧ᭄ᬭᬪᬹᬗᬦ᭄ᬤᬶᬓᬵ᭞ᬚᬮᬦ᭄ᬓᬾᬫᬚᬮᬦ᭄ᬚᬦᬶ᭟ᬭᬶᬂᬤᬩᬕᬸᬲ᭄ᬫᬗᬦ᭄ᬤᬶᬓ᭞ᬳᬕᬸᬲ᭄ᬩᬧᬵᬗᬮᬳᬶᬦ᭄ᬳᬶᬤᬵᬫᬸᬮᬶᬄ᭞ᬢᬦ᭄ᬲᬳᬸᬃᬦᬗᬶᬲ᭄ᬥᬩᬕᬸᬲ᭄᭞ᬧᬤᬫᬲᬗᬸᬲ᭄ᬫᬂ᭞ᬳᬢᬩ᭄ᬬᬢ᭄ᬥᬸᬦ᭄ᬲᬂᬧ᭄ᬭᬪᬹ
ᬮᬸᬦᬶᬸᬫᬓᬸ᭞ᬫᬫᬲ᭄ᬢᬫ᭄ᬩᬸᬃᬫᬗ᭄ᬭᬶᬳᬶᬦᬂ᭞ᬳᬶᬤ᭄ᬯᬕᬸᬂᬓᬮᬶᬄᬫᬗᬶᬭᬶᬂ᭟ᬧᬫᬃᬕᬶᬦᬾᬫᬗᬸᬲ᭄ᬫᬂ᭞ᬢᬦ᭄ᬲᬄᬳᬶᬤᬩᬕᬸᬲ᭄ᬫᬥᬾᬤᬶᬬᬢᬶ᭞ᬕᬸᬫᬦ᭄ᬢᬸᬂᬲᬚ᭄ᬭᭀᬦᬶᬂᬓᬬᬸᬦ᭄᭞ᬢᬦ᭄ᬦᬸᬭᬸᬂᬓᬲᬸᬓ᭄ᬱ᭄ᬓ
Kaca:Bali-lontar-paparikan-malat-02-550ppi.pdf/84
Kaca puniki sampun kauji-wacén
