[᭗᭘ 78B]
᭗᭙
ᬓᬼᬩᬸᬢᬦ᭄ᬫᬲᬶᬭᬫ᭄ᬲᬵᬫ᭄ᬧᬸᬦ᭄᭞ᬧᬤᬫᬘᬦ᭄ᬥᬘᬦ᭄ᬤᬬᬦ᭄᭞ᬳᬶᬤᬲᬂᬫᬲᬶᬭᬫ᭄ᬓᬮᬶᬄ᭟ᬲ᭄ᬯᬾᬯᬯᬸᬯᬸᬲ᭄ᬫᬲᬶᬭᬫ᭄᭞ᬤᬤᬶᬢ᭄ᬓᬵᬳᬶᬘᬯᬂᬫᬗᬢᬸᬭᬶᬦ᭄᭞ᬳᬸᬢᬸᬲᬦ᭄ᬳᬶᬤᬲᬂ
ᬧ᭄ᬭᬪᬹ᭞ᬤ᭄ᬯᬕᬸᬂᬓᬮᬶᬄᬫᬫᬃᬕ᭄ᬕ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬗᬬᬸᬦ᭄ᬳᬶᬤᬲᬂᬧ᭄ᬭᬪᬹ᭞ᬲᬂᬦᬵᬣᬫᬮᬶᬄᬗᬦ᭄ᬤᬶᬓᬵ᭞ᬚᬮᬦ᭄ᬤᬾᬯᬵᬫᬸᬮᬶᬄᬚᬦᬶ᭟ᬳᬶᬤ᭄ᬯᬕᬸᬂᬜᭂᬦᭂᬂᬗᬦ᭄ᬤᬶᬓᬵ᭞ᬰ᭄ᬭᬶᬦᬭᬾᬦ᭄ᬤ᭄ᬭᬵ
ᬓ᭄ᬜᭂᬫ᭄ᬭᬭᬶᬲ᭄ᬫᬢᬗᬶ᭞ᬫᬗ᭄ᬮᬜ᭄ᬘᬢ᭄ᬳᬸᬦ᭄ᬤᬓᬦ᭄ᬧᬳᬸᬢ᭄᭞ᬗ᭄ᬭᬭᬶᬲ᭄ᬓᬧᬲᬗ᭄ᬕ᭄ᬭᬳᬦ᭄᭞ᬳᬶᬤᬵᬩᬕᬸᬲ᭄ᬫᬥᬾᬳᬸᬮᬶᬫᬃᬕ᭄ᬕᬵᬫᬦ᭄ᬢᬸᬓ᭄᭞ᬧᬘᬂᬗᬮᬧ᭄ᬓᬮ᭄ᬳᬢᬸᬭᬦ᭄᭞ᬲᬳᬶᬲᬶᬦ᭄ᬳᬩ᭄ᬬᬦᬾ
ᬳᬮᬶᬄ᭟ᬲᬓᬮ᭄ᬯᬶᬃᬭᬦᬶᬂᬯᭀᬄᬯᭀᬳᬦ᭄᭞ᬯᬬᬄᬯᬬᬄᬩᬯᬂᬓᬲᬸᬦᬲᬫᬶ᭞ᬧᬘᬂᬓᬢᬹᬭᬶᬂᬲᬂᬧ᭄ᬭᬪᬹ᭞ᬲᬦ᭄ᬤᬗᬦ᭄ᬚ᭄ᬮᬫᬵᬳᬤᬱᬵ᭞ᬭᬶᬂᬤᬾᬯᬕᬸᬂᬲᬦ᭄ᬤᬗᬦ᭄
[᭗᭙ 79A]
ᬚ᭄ᬮᬬᬧᬧᬶᬢᬸ᭞ᬳᬃᬬᬧᬢᬶᬄᬢᬸᬫᭂᬗ᭄ᬕᬸᬂᬤ᭄ᬫᬂ᭞ᬲᬦ᭄ᬤᬗᬦ᭄ᬚ᭄ᬮᬫᬓᬓᬮᬶᬄ᭟ᬭᬶᬧ᭄ᬭᬫᬾᬦᬓᬾᬲᬶᬦᬫ᭄ᬬᬦ᭄᭞ᬲᬫᬶᬫᬺᬫ᭄ᬩᬢ᭄ᬓᬮᬶᬄᬧᬥᬡ᭄ᬥᬲᬫᬶ᭞ᬯᭀᬂᬕᬸᬦᬸᬂᬓᬳᬭᬄᬫᬸᬦ᭄ᬤᬸᬢ᭄᭞ᬤ
ᬩᬕᬸᬲ᭄ᬫᬳᬢᬹᬭᬦ᭄᭞ᬲᬵᬫ᭄ᬧᬸᬦ᭄ᬓᬢᬹᬃᬲᬂᬓᬢᬸᬭᬦ᭄ᬮ᭄ᬬᬗᬶᬂᬓᬬᬸᬦ᭄᭞ᬲᬳᬸᬃᬦᬭᬶᬫᬵᬫᬦᬸᬦᬲ᭄᭞ᬢᬸᬮᬓ᭄ᬳᬶᬤᬩᬕᬸᬲ᭄ᬫᬸᬮᬶᬄ᭟ᬩᬕᬸᬲ᭄ᬕᭂᬤᬾᬳᬢᬶᬳᬢ᭄ᬬᬵ᭞ᬫ᭄ᬭᬄᬫ᭄ᬭᬸᬄᬯᬸᬲ᭄ᬧᬜ᭄ᬚ
ᬢᭀᬦ᭄ᬤᬾᬦ᭄ᬫᬸᬮᬶᬄ᭞ᬲᬕᬾᬢ᭄ᬫᬦ᭄ᬮᭀᬓ᭄ᬥᬩᬕᬸᬲ᭄᭞ᬩᬕᬸᬲ᭄ᬕᭂᬤᬾᬫ᭄ᬭᬸᬗᬸᬲᬂ᭞ᬩᬕᬸᬲ᭄ᬫᬥᬾᬳᬾᬗ᭄ᬕᬮ᭄ᬗᭂᬮᬸᬢ᭄ᬫᬧᬶᬢᬸᬢᬸᬃ᭞ᬤᬕ᭄ᬥᭂᬕ᭄ᬤᬩᬕᬸᬲ᭄ᬧᬬᬂ᭞ᬢ᭄ᬬᬂᬦᬸᬗ᭄ᬮᬯᬸᬢ᭄ᬦᭂᬮᭀᬓᬶᬦ᭄᭟ᬧᬫᬸ
ᬮᬬᬦ᭄ᬲᬶᬜᬳᬤᬵ᭞ᬜᬦ᭄ᬤᬂᬳᬮᬧ᭄ᬜᬦ᭄ᬤᬂᬓᬢᬸᬃᬭᬶᬂᬦᬺᬧᬢᬶ᭞ᬩᬕᬸᬲ᭄ᬕᭂᬤᬾᬯᬮ᭄ᬬᬗ᭄ᬮᬸᬢ᭄᭞ᬲᬳᬵᬗᬭᬲ᭄ᬗᬦ᭄ᬤᬶᬓᬵ᭞ᬓᬬᬢᬸᬬᬸᬄᬜᬫᬦ᭄ᬢ᭄ᬬᬗᬾᬤᬩᬕᬸᬲ᭄᭞ᬤᬬᬸᬩ᭄ᬬᬂᬳᬾᬗ᭄ᬕ
Kaca:Bali-lontar-paparikan-malat-02-550ppi.pdf/79
Kaca puniki sampun kauji-wacén
