[᭗᭔ 74B]
᭗᭔
ᬢᬲ᭄ᬢᬲ᭄ᬭᬱᬦᬶᬂᬯᬺᬤᬬᬵ᭞ᬩᬕᬸᬲ᭄ᬫᬥᬾᬭᬲᬜᬢᬦ᭄ᬧᬕᬮᬶᬄ᭞ᬦᬸᬗ᭄ᬓᬲᬂᬫᬢᬗᬶᬢ᭄ᬥᬸᬦ᭄᭞ᬭᬯᬸᬄᬭᬶᬂᬗᬬᬸᬦ᭄ᬲᬂᬦᬵᬣ᭞ᬲᬂᬪᬹᬚᬗ᭄ᬕᬵᬚᭂᬚᭂᬮ᭄ᬫᬦᬗ᭄ᬓᬶᬮ᭄ᬲᬂᬧ᭄ᬭᬪᬹ᭞ᬳᬶᬤᬵᬲᬂᬦᬵ
ᬣᬗᬦ᭄ᬤᬶᬓᬵ᭞ᬳᬕᬸᬲ᭄ᬦᬾᬫᬫᬘᬚᬦᬶ᭟ᬤᬩᬕᬸᬲ᭄ᬫᬸᬗ᭄ᬕᬄᬳᬮᬶᬗ᭄ᬕ᭄ᬬᬵ᭞ᬰ᭄ᬭᬷᬦᬵᬭᬾᬦ᭄ᬤ᭄ᬭᬵᬓ᭄ᬜᬶᬂᬓᬶᬂᬜᭀᬭᭀᬕᬶᬦ᭄᭞ᬳᬶᬤᬩᬕᬸᬲ᭄ᬫᬥᬾᬓ᭄ᬜᬸᬂ᭞ᬳᬍᬧ᭄ᬗᬫ᭄ᬩᬶᬮ᭄ᬓᬭᭀᬧᬓ᭄᭞
ᬳᬤᬶᬧ᭄ᬭᬯᬵᬫᬫᬸᬱ᭄ᬝᬶᬫᬗᬲ᭄ᬢ᭄ᬭᬾᬦ᭄ᬳᬦᬸᬢ᭄᭞ᬚ᭄ᬭᬶᬚᬶᬭᬸᬭᬸᬲ᭄ᬦᬓᬵᬧᬜ᭄ᬚᬂ᭞ᬫᬗᬸᬗ᭄ᬓᬩ᭄ᬓ᭄ᬭᭀᬧᬓ᭄ᬫᬗ᭄ᬭᬭᬶᬲ᭄᭟ᬧᬮᬸᬯᬓ᭄ᬬᬦᬾᬫᬕᬶᬯᬂ᭞ᬕ᭄ᬢᬃᬋᬫ᭄ᬧᬸᬄᬫᬦᬶᬲ᭄ᬮ᭄ᬯᬶᬃᬫᬥᬹᬕᭂᬦ᭄ᬤᬶᬲ᭄᭞
ᬤ᭄ᬯᬕᬸᬂᬓᬮᬶᬄᬓᬤᬶᬤᬸᬤᬸᬢ᭄᭞ᬤ᭄ᬯᬕᬸᬂᬜ᭄ᬦᭂᬂᬗᬦ᭄ᬤᬶᬓᬵ᭞ᬚᬮᬦ᭄ᬓᭂᬫᬵᬫᬦᬗ᭄ᬓᬶᬮ᭄ᬩᬧᬵᬚᬶᬅ᭄ᬫᬮᬸ᭞ᬫᬦ᭄ᬤᬶᬗᭂᬳᬂᬧᬧᬘᬬᬦ᭄᭞ᬧᬦ᭄ᬢᭂᬲ᭄ᬢᬗ᭄ᬓᭂᬧ᭄ᬗᬸᬮᬗᬸᬦᬶᬦ᭄᭟ᬤ᭄ᬯᬕᬸᬂᬓᬮᬶᬄ
[᭗᭕ 75A]
ᬢᬸᬫᬸᬭᬸᬦᬵ᭞ᬫᬢᬸᬦ᭄ᬢᬸᬦᬦ᭄ᬧᬋᬓᬦ᭄ᬧᬤᬗᬶᬭᬶᬂ᭞ᬫᬓ᭄ᬭᬸᬄᬩᭀᬫᬶᬳᬶᬓ᭄ᬳᬭᬸᬫ᭄᭞ᬭᬯᬸᬄᬭᬶᬂᬧᬧᬳᭀᬲᬦ᭄᭞ᬕᬮᬶᬗ᭄ᬕᬶᬄᬳᬵᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬮᬸᬲ᭄᭞ᬫᬤᬓ᭄ᬦᬧᬗᬭ
ᬤᬵᬦ᭄᭞ᬤ᭄ᬯᬕᬸᬂᬜᭂᬦᭂᬂᬲᬳᬸᬃᬓ᭄ᬜᬶᬂ᭟ᬢᬦ᭄ᬓᬩᬶᬮ᭄ᬩᬶᬮ᭄ᬧᬧᬳᭀᬲᬦ᭄᭞ᬲᬬᬦ᭄ᬮᬗᭃᬳᬶᬤ᭄ᬯᬕᬸᬂᬢᬦ᭄ᬧ᭄ᬕᬢ᭄ᬫᬓ᭄ᬱᬶ᭞ᬤᬩᬕᬸᬲ᭄ᬳᬜᬶᬮᬶᬩ᭄ᬤᬸᬮᬸ᭞ᬘᬶᬗᬓ᭄ᬮ᭄ᬯᬶᬃᬗᭂᬥᬄᬘᬓ᭄ᬘᬓ᭄᭞ᬗ᭄ᬭᬜᬩ᭄ᬜᭂ
ᬜᭂᬃᬳᬶᬤᬾᬯᬕᬸᬂᬜᭂᬦᭂᬂᬓ᭄ᬜᬸᬂ᭞ᬩᬕᬸᬲ᭄ᬫᬥᬾᬢᬦ᭄ᬧᬚᬶᬯᬵ᭞ᬳᬸᬮᬸᬦᬵᬢᬶᬩᬸᬓᬧᬸᬮᬶᬃ᭟ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬥᬯᬸᬄᬲᬧ᭄ᬢᬵ᭞ᬰ᭄ᬭᬷᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬵᬓᬓᬧᬢᬶᬄ᭞ᬦᬄᬕᬜ᭄ᬚᬭᬶᬦ᭄ᬳᬶᬤᬵ
ᬩᬕᬸᬲ᭄᭞ᬲᬲᬼᬢ᭄ᬫᬮᬦ᭄ᬤᬾᬬᬦ᭄᭞ᬫᬤᬸᬮᬸᬭᬦ᭄ᬓᬫ᭄ᬩᭂᬦ᭄ᬲᬩᬸᬓ᭄ᬧᬶᬧᬶᬲ᭄ᬩᬸᬗ᭄ᬓᬸᬂ᭞ᬕᬸᬲ᭄ᬢᬶᬧᬢᬶᬄᬫᬦ᭄ᬤᬯᬸᬳᬂ᭞ᬭᬯᬸᬄᬓᬧᬢᬫ᭄ᬧ᭄ᬬᬂᬭᬭᬶᬲ᭄᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬳᬶᬤᬩ
Kaca:Bali-lontar-paparikan-malat-02-550ppi.pdf/75
Kaca puniki sampun kauji-wacén
