[᭗᭑ 71B]
᭗᭑
ᬤᬬᬸᬜᭂᬝᬶ᭞ᬓᭂᬲ᭄ᬓᭂᬲ᭄ᬫᬗ᭄ᬢᭀᬃ᭞ᬧᬤᬗᭂᬦᭂᬳᬂᬲᬶᬲᬶᬧ᭄᭟ᬬᬾᬦ᭄ᬫᬦᬸᬮᬓ᭄ᬧᬗᬦ᭄ᬤᬶᬓᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬧ᭄ᬥᬲ᭄ᬧᬘᬂᬫᬳᬶᬤ᭄᭞ᬓᬾᬢᭀᬓᬭᬯᭀᬲᬂ᭞ᬗᬮᬮᬸᬳᬶ
ᬤᬯᬬᬦ᭄᭞ᬭᬶᬂᬤᬩᬕᬸᬲ᭄ᬕᭂᬤᬾᬳᬭᬶᬲ᭄᭞ᬳᬶᬤᬗᬦ᭄ᬤᬶᬓᬵ᭞ᬧᬶᬦᭂᬄᬤᬩᬕᬸᬲ᭄ᬤᬶᬳᬢᬶ᭟ᬤᭂᬧᬶᬦ᭄ᬳᬶᬤᬳᬶᬩ᭄ᬮᬶᬗᬶᬭᬶᬂᬧᬓᬬᬸᬦᬦ᭄᭞ᬫᬫᬶᬦ᭄ᬤᬄᬓᭀᬘᬧ᭄ᬫᬶᬮᬶᬄ᭞ᬫᬰᬶᬄᬓᬧᬶ
ᬲᬺᬗᬂ᭞ᬲᬸᬳᬸᬤ᭄ᬚᬗᬯᬾᬮᬗᭃ᭞ᬩᬮᬶᬳᬶᬦ᭄ᬤᬶᬩ᭄ᬮᬶᬗ᭄ᬮᬶᬂ᭞ᬗᬚᭂᬗᬂᬢᬸᬦᬵ᭞ᬓᬫ᭄ᬩᭂᬦ᭄ᬲᬶᬢ᭄ᬲᬶᬢ᭄ᬢᬸᬃᬩ᭄ᬗᬶᬮ᭄᭟ᬤᬤᬶᬫᬓ᭄ᬚᬂᬧᬤᬫᬢᬢᬗᬶᬲᬦ᭄᭞ᬤᬩᬕᬸᬲ᭄ᬕᭂᬤᬾᬓ᭄ᬜᬶᬂ᭞ᬫᬶᬦᭂᬄ
ᬧᬓᬬᬸᬦᬦ᭄᭞ᬦᬄᬓᬾᬯᬮᬲᬸᬩᬬᬵ᭞ᬳᬶᬓᭂᬲ᭄ᬬᭂᬕ᭄ᬧᬘᬂᬫᬜᬢ᭄ᬭᬶ᭞ᬓᬾᬦ᭄ᬫᬤᬦ᭄ᬱ᭄ᬯᬃᬕ᭄ᬕᬵ᭞ᬦᬭᬓᬲᬸᬩᬚᬦᬶ᭟ᬫᬗᬦ᭄ᬤᬶᬓᬵᬩᬕᬸᬲ᭄ᬕᭂᬤᬾᬫᬗ᭄ᬲᭂᬮ᭄ᬓ᭄ᬭᭀᬤ᭄ᬥᬵ
[᭗᭒ 72A]
᭞ᬦᬄᬲᬸᬳᬸᬤ᭄ᬧᬤᬗ᭄ᬮᬶᬂ᭞ᬳ᭄ᬬᬂᬲᬸᬳᬸᬤ᭄ᬗᭂᬤᭂᬕᬂ᭞ᬚᬮᬦ᭄ᬩᬋᬂᬢᬸᬢᬸᬕᬂ᭞ᬳᬶᬭᬶᬂᬧᬦᬶᬢᬄᬳ᭄ᬬᬂᬯᬶᬤ᭄ᬥᬶ᭞ᬢᬹᬃᬫᬓᬤᬶᬜ᭞ᬦᬾᬦᬸᬤᬸᬓ᭄ᬩᬋᬂᬗᭂᬫᬲᬶᬦ᭄᭞ᬧᬤᬍᬕᬵᬮᬳᬸᬢ᭄ᬓᬧᬳᭀ
ᬦ᭄ᬗᬚᭂᬗᬂ᭞ᬯᬸᬲ᭄ᬫᬦ᭄ᬢᬸᬓᬦ᭄ᬫᬗ᭄ᬭᬭᬶᬲ᭄᭞ᬤᬩᬕᬸᬲ᭄ᬗᬮᬸᬫᬄ᭞ᬲᬃᬯ᭄ᬬᬵᬳᬭᬭᬯᭀᬲᬦ᭄᭞ᬤᬤ᭄ᬬᬜᬲᬶᬋᬧ᭄ᬲᬂᬓᬮᬶᬄ᭞ᬳᬸᬢᬸᬲᬦ᭄ᬢᬸᬮᬓ᭄᭞ᬓᬢᬸᬃᬲᬦ᭄ᬤᬲᬫᬶ᭟᭐᭟ᬧᬗ᭄ᬓᬸᬃ᭟᭐᭟
ᬳᬶᬤᬲᬂᬦᬵᬣᬗᬦ᭄ᬤᬶᬓᬵ᭞ᬓᬓᬧᬢᬶᬄᬩᬶᬸᬳᬃᬬ᭄ᬬᬩᬶᬦᬧ᭄ᬯᬦ᭄ᬫᬸᬮᬶᬄ᭞ᬩᬕᬸᬲ᭄ᬫᬥᬾᬲᬸᬩᬳᬦᬸᬢ᭄᭞ᬫᬸᬮᬶᬄᬓᬾᬦ᭄ᬓᭂᬦᭂᬄᬢ᭄ᬬᬂ᭞ᬲᬳᬸᬃᬲᭂᬫ᭄ᬩᬄᬳᬃᬬ᭄ᬬᬧᬢᬶᬄᬤ᭄ᬫᬂᬤ᭄ᬫᬸᬂ᭞ᬳᬶᬤ᭄ᬯᬕᬸᬂᬜᭂ
ᬦᭂᬂᬯᬸᬲ᭄ᬧ᭄ᬭᬧ᭄ᬢᬵ᭞ᬓᬶᬦᬦ᭄ᬢᬶᬤᬾᬯᬕᬸᬂᬭᬳᬶ᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬤᬾᬯᬩᬕᬸᬲ᭄ᬕᬸᬦᬸᬗᬾᬲᬸᬩᬓᬢᬫ᭄ᬧᬶ᭞ᬓᬾᬦ᭄ᬩᬕᬸᬲ᭄ᬫᬥᬾᬓᬧᬳᬸᬕ᭄᭞ᬤ᭄ᬯᬕᬸᬂᬜ᭄ᬦᭂᬂᬫᬜᬸᬫ᭄ᬩᬄ
Kaca:Bali-lontar-paparikan-malat-02-550ppi.pdf/72
Kaca puniki sampun kauji-wacén
