[᭖᭙ 69B]
᭖᭙
ᬓᬵᬩᬶᬄᬕᬸᬂᬭᬳᬶ᭟ᬲᬶᬂᬚᬮᬾᬦᬦ᭄ᬳᬶᬤᬫᬓᬳᬢ᭄ᬫᬵᬭᬓ᭄ᬱᬵ᭞ᬲᬳᬶᬗᬸᬲᬓᬂᬩᬸᬤᬶ᭞ᬘ᭄ᬮᬸᬢ᭄ᬘᭂᬮᬶᬄᬘᭂᬧᬂ᭞ᬳᬦ᭄ᬢᬾᬫᬵᬲ᭄ᬳ᭄ᬬᬂᬳᬶᬤᬵ᭞ᬲᬸᬳᬸᬤᬂᬭᬢᬸᬫᬾᬜ᭄ᬘᬾᬭᬶᬦ᭄᭞ᬤ
ᬤᬶᬓᬢᬶᬫ᭄ᬩᬮ᭄᭞ᬢᬶᬫ᭄ᬩᬮ᭄ᬲᬮᬾᬂᬫᬦᬶᬲᬶᬦ᭄᭟ᬢ᭄ᬮᬲᬶᬂᬭᬢ᭄ᬭᬶᬕᬶᬦᬦ᭄ᬢ᭄ᬬᬦᬶᬂᬲᬗ᭄ᬳ᭄ᬬᬂᬗᬃᬓ᭄ᬓᬵ᭞ᬫᬶᬚᬶᬮ᭄ᬯᬯᬸᬗᬭᬵᬃᬬ᭄ᬬᬦᬶᬦ᭄᭞ᬧᬧᬳᭀᬲᬦ᭄ᬳᬶᬤᬵ᭞ᬧ᭄ᬭᬪᬹᬧᬸᬲᭂᬃᬦᬵᬕᬭ᭞
ᬓᬳᬕᬸᬗᬦ᭄ᬢᬦ᭄ᬧᬢᬦ᭄ᬤᬶᬂ᭞ᬯᬶᬪᬵᬯ᭄ᬯᬩ᭄ᬱᬃ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬭᬶᬲ᭄᭟ᬧᬗᬦ᭄ᬤᬶᬓᬵᬓᬓᬧᬢᬶᬄᬕᬜ᭄ᬚᬭᬦᬵ᭞ᬦᬾᬫᬫᬘᬵᬗᬲ᭄ᬢᬸᬭᬶ᭞ᬧᬤᬫᬭᬗ᭄ᬲᬸᬓᬦ᭄᭞ᬧ
ᬦ᭄ᬤᬶᬭᬶᬬᬦ᭄ᬳᬩᬶᬤᬂ᭞ᬯᬢ᭄ᬭᬬᬵᬂᬳᭀᬜᬂᬕᬢᬶ᭞ᬦᬾᬫᬓᬤᬶᬜ᭞ᬩᬕᬸᬲ᭄ᬫᬥᬾᬕᬜ᭄ᬚᬭᬶᬦ᭄᭟ᬭᬸᬦ᭄ᬢᬸᬢᬜᬲᬲᬼᬢᬾᬫᬮᬦ᭄ᬤᬾᬬᬦ᭄᭞ᬩᬬᬸᬧᬸᬢ᭄ᬭᬗᬾᬤᬤᬶ
[᭗᭐ 70A]
ᬦ᭄᭞ᬧᬢᬶᬄᬲᬳᬸᬃᬲᭂᬫ᭄ᬩᬄ᭞ᬭᬭᬶᬲ᭄ᬫᬤᬤᬃᬤᬤᬃ᭞ᬲᬵᬫ᭄ᬧᬸᬦ᭄ᬯᬢ᭄ᬭᬲᬫᬶᬯᬶᬚᬶ᭞ᬳᬢᬹᬃᬫᬫᬶᬢ᭄ᬣᬂ᭞ᬩᬕᬸᬲ᭄ᬫᬥᬾᬢᬦ᭄ᬫᬭᬶ᭟ᬢᬦ᭄ᬲᬄᬗᭀᬚᭀᬕ᭄ᬓᬫ᭄ᬢᬾᬦ᭄ᬫᬸᬓᬵᬚ᭄ᬮᬦᬦ᭄᭞ᬩᬕᬸ
ᬲ᭄ᬕᭂᬤᬾᬫᬗᬓ᭄ᬱᬶ᭞ᬓᭂᬲ᭄ᬬᭂᬕ᭄ᬫᬭᬢ᭄ᬓᬵ᭞ᬫᬳᬶᬚᬕ᭄ᬚᬕᬶᬦ᭄ᬢ᭄ᬬᬂ᭞ᬳᬸᬮᬶᬂᬢᬸᬦᬶᬳᬢᬶᬳᬢᬶ᭞ᬳᬶᬬᬾᬄᬳᬮ᭄ᬬᬂ᭞ᬧᬘᬂᬳᬗ᭄ᬕᭀᬦ᭄ᬫᬲᬸᬕᬶ᭟ᬩᬕᬸᬲ᭄ᬫᬥᬾᬕ᭄ᬮᬶᬲ᭄ᬫᬗᬫ᭄ᬩᬶᬮᬂᬢᭀ
ᬬ᭞ᬤᬩᬕᬸᬲ᭄ᬕᭂᬤᬾᬫᬢᬗᬶ᭞ᬫᬭᬭᬳᬸᬧ᭄ᬳᬾᬗ᭄ᬕᬮ᭄᭞ᬤ᭄ᬯᬬᬦ᭄ᬕᬸᬦᬸᬂᬫᬜᬕ᭄ᬚᬕ᭄᭞ᬤᬬᬸᬫᬥᬾᬯᬬᬦ᭄ᬜᭂᬝᬶ᭞ᬮᬳᬸᬢ᭄ᬫᬳᭀᬃᬢ᭄ᬣ᭞ᬫᬳᬦ᭄ᬫᬤᬕᬂᬚᬶᬦᭂᬫ᭄ᬩᬗ᭄ᬲᬶᬢ᭄᭟ᬢᬸ
ᬭᬶᬂᬲᬸᬩᬓᬩ᭄ᬮᬶᬬᬂᬓᬫ᭄ᬩᭂᬦ᭄ᬭᭀᬧᬵ᭞ᬲᬩᬸᬓ᭄ᬧᬾᬃᬮᬲ᭄ᬢᬗᬶ᭞ᬓᬲᬸᬃᬳᬚᬶᬤᭀᬫᬲ᭄᭞ᬦᬸᬗ᭄ᬮᬄᬩ᭄ᬯᬶᬦ᭄ᬲᬫᬲ᭄᭞ᬤᬩᬕᬸᬲ᭄ᬫᬥᬾᬜᬯᬸᬭᬶᬦ᭄᭞ᬓ᭄ᬮᬤᬶᬦᬾᬯᬬᬄ᭞ᬩᬯᬂ
Kaca:Bali-lontar-paparikan-malat-02-550ppi.pdf/70
Kaca puniki sampun kauji-wacén
