[᭖᭓ 63B]
᭖᭓
ᬤ᭄ᬯᬕᬸᬂᬭᬳᬶᬫᬶᬋᬗᬂ᭞ᬭᬢᬸᬯᬦᭂᬄᬧᬶᬲᬦ᭄᭞ᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬋᬓᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬧᬫᬶᬢ᭄ᬫᬗ᭄ᬓᬶᬦ᭄᭞ᬳᬶᬤ᭄ᬯᬕᬸᬂᬜ᭄ᬦᭂᬂᬓ᭄ᬧᬸᬧᬸᬦ᭄ᬕᬸᬂᬭᬳᬶ᭟
ᬩ᭄ᬗᬄᬩ᭄ᬗᬸᬄᬳᬶᬤ᭄ᬯᬕᬸᬂᬜ᭄ᬦᭂᬂᬗᬦ᭄ᬤᬶᬓᬵ᭞ᬦᬾᬫᬤᬦ᭄ᬳᭂᬫᭂᬤ᭄ᬕᬢᬶ᭞ᬢᬗᬦ᭄ᬫᬕ᭄ᬫᭂᬮᬦ᭄᭞ᬫᬫ᭄ᬘᬶᬓ᭄ᬢᬦ᭄ᬚᬗ᭄ᬓᬬᬦ᭄᭞ᬳᬶᬤ᭄ᬯᬕᬸᬂᬭᬳᬶᬫᬦᬗᬶᬲ᭄᭞ᬳᬲ᭄ᬭᬸᬄᬕ᭄ᬲᬶᬕᬦ᭄᭞ᬓ
ᬧᬶᬋᬂᬭᬶᬂᬦᬺᬧᬢᬶ᭟ᬲᬂᬧ᭄ᬭᬪᬹᬜᬕ᭄ᬚᬕ᭄ᬲᬃᬯ᭄ᬯᬶᬗᬦ᭄ᬤᬶᬓᬵ᭞ᬳᬶᬤ᭄ᬯᬕᬸᬂᬜ᭄ᬦᭂᬂᬕ᭄ᬮᬶᬲ᭄᭞ᬗ᭄ᬮᬾᬩ᭄ᬢᬗᬦ᭄ᬳᬶᬤ᭞ᬲᬂᬧ᭄ᬭᬪᬹᬕ᭄ᬮᬶᬲ᭄ᬫᬸᬗ᭄ᬕᬳᬦ᭄᭞ᬫᬳᬶᬓᬦᬧᬵᬫᬗ᭄ᬮᬶᬂ᭞ᬫ᭄ᬦᭂᬂᬲᬫ᭄ᬬᬦ᭄ᬳᬶᬤ᭄ᬯᬕᬸᬂᬭᬳᬶᬗ
ᬓᭂᬩᬶᬦ᭄᭟ᬧᬗ᭄ᬕᭀᬦᬦᬾᬲᬵᬃᬯ᭄ᬯᬶᬳᬶᬤᬫ᭄ᬓᬸᬮ᭄ᬫᬤ᭄ᬬ᭞ᬲᬂᬧ᭄ᬭᬪᬹᬭᬭᬶᬲ᭄ᬗᬫ᭄ᬩᬶᬮ᭄᭞ᬦᬗᬶᬂᬢᬦ᭄ᬫᬶᬦᭂᬳᬵ᭞ᬗᬦ᭄ᬤᬶᬓᬫᬳᬶᬤᬾᬯ᭄ᬯ᭞ᬓᬳᬫ᭄ᬩᬶᬮ᭄ᬓᬳᭂᬫ᭄ᬩᬦ᭄ᬭᬭᬶᬲ᭄᭞ᬳ᭄ᬥᬫᬘ
[᭖᭔ 64A]
ᬭᬵ᭞ᬩᬶᬦ᭄ᬢᭂᬮᬸᬦ᭄ᬚᬮᬦ᭄ᬫᬸᬮᬶᬄ᭞ᬓᬳᬶᬦ᭄ᬤᭂᬗᬂᬭᬶᬂᬳᬶᬤᬰ᭄ᬭᬶᬦᬵᬭᬦᬣ᭞ᬧ᭄ᬭᬚ᭄ᬜᬦ᭄ᬗᬮᬶᬮᬯᬶᬗᬶᬢ᭄᭞ᬓᬮᬸᬫ᭄ᬩ᭄ᬭᬳᬾᬂᬳᭀᬃᬢ᭄ᬣᬵ᭞ᬲᬂᬧ᭄ᬭᬪᬹᬫᬦᬸᬗ᭄ᬓᬸᬮᬂ᭞ᬳᬶᬤ᭄ᬯᬕᬸᬂᬭᬳᬶᬫᬦᬗᬶᬲ᭄᭞
ᬓᬾᬧ᭄ᬯᬦᬶᬂᬋᬤᬵ᭞ᬩᬕᬸᬲ᭄ᬫᬥᬾᬭᬶᬂᬫᬃᬕ᭄ᬕᬶ᭟ᬗᬶᬂᬤᬶᬓᬬᬸᬦ᭄ᬫ᭄ᬭᬱᬵᬲᬶᬂᬚᬗ᭄ᬮᬄᬢᬸᬮᬸᬂ᭞ᬦᬄᬲᬸᬩᬵᬩᬬᬕᬦ᭄ᬢᬶ᭞ᬫᬲᬗᬸᬤᬸᬓᬶᬢ᭄ᬣ᭞ᬓᬸᬫᭂᬫ᭄ᬩᭂᬂᬢᭀᬬᬦ᭄ᬘᬶᬗᬓ᭄᭞ᬓᬗᭂᬦ᭄ᬭᬶᬂ
ᬳᬶᬤ᭄ᬯᬕᬸᬂᬭᬳᬶ᭞ᬦᬄᬓᬬᬵᬲᬸᬩ᭞ᬩᬦ᭄ᬚᭂᬦᭂᬂᬓᬮᬳᬶᬦ᭄᭟ᬳᬭᬄᬜᬦ᭄ᬤᬂᬢᬸᬳᬸᬳᬾᬦᬸᬭᬭᬾᬧᬶᬲᬦ᭄ᬳᬶᬤᬵ᭞ᬫᬮᬄᬲᬜ᭄ᬚᬗᬮᬳᬶᬦ᭄᭞ᬓᬾᬢᭀᬧᬓᬬᬸᬦᬦ᭄
᭞ᬩᬕᬸᬲ᭄ᬫᬤᬾᬦᬸᬗ᭄ᬓᬲᬂ᭞ᬫᬗᬸᬫᬗᬸᬩ᭄ᬗᭀᬂᬲ᭄ᬥᬶᬄ᭞ᬫ᭄ᬭᬲᬢ᭄ᬓ᭞ᬦᬸᬢᬸᬕ᭄ᬳᬶᬤ᭄ᬯᬕᬸᬂᬭᬳᬶ᭟ᬲᬢ᭄ᬓᭂᬤᬾᬤᬶᬚᬸᬫᬄᬬᬓᬤᬧ᭄ᬢᬂ᭞ᬳᬶᬫᬾᬫᬾᬗᭂᬦ᭄ᬢ᭄ᬬᬂᬳᬧᬶ᭞ᬫᬓ᭄ᬚᬂᬤᬶᬚᬸᬫᬄ᭞ᬳᬶ
Kaca:Bali-lontar-paparikan-malat-02-550ppi.pdf/64
Kaca puniki sampun kauji-wacén
