[᭖᭑ 61B]
᭖᭑
ᬚᬶᬗᬦ᭄ᬤᬶᬓᬬᬂ᭞ᬳ᭄ᬬᬂᬗᬦ᭄ᬢ᭄ᬬᬂᬓ᭄ᬫᬚᬦᬶ᭞ᬳᬸᬢᬸᬲᬦ᭄ᬫᬢᬸᬮᬓ᭄᭞ᬳᬓᬾᬢᭀᬓᬳᬢᬸᬭᬂ᭞ᬳᬶᬤ᭄ᬯᬕᬸᬂᬜ᭄ᬦᭂᬂᬢᬦ᭄ᬧᬗ᭄ᬮᬶᬂ᭞ᬲᭂᬓ᭄ᬱᭂᬓᬶᬂᬘᬶᬢ᭄ᬣᬵ᭞ᬗᬮᬸᬫᬄᬮᬯᬸᬢ᭄ᬦᬗᬶᬲ᭄᭟
ᬳᬶᬤ᭄ᬯᬕᬸᬂᬭᬳᬶᬚᬦᬶᬩ᭄ᬯᬶᬦ᭄ᬳᬸᬘᬧᬂ᭞ᬫᬗᬦ᭄ᬤᬶᬓᬢ᭄ᬬᬂᬩ᭄ᬮᬶᬅ᭄᭞ᬗᬦ᭄ᬢ᭄ᬬᬂᬧᬫᬺᬫᬦ᭄᭞ᬳᬾᬗ᭄ᬕᬮ᭄ᬜᬫ᭄ᬧᬚᬶᬅ᭄ᬗ᭄ᬮᬸᬫᬄ᭞ᬳᬶᬤᬩᬕᬸᬲ᭄ᬫᬤᬾᬓ᭄ᬜᬶᬂ᭞ᬲᬃᬯ᭄ᬬᬗᬦ᭄ᬤᬶᬓ᭞ᬤ᭄ᬯᬕᬸᬂᬗᬧᬸᬲ᭄ᬢ᭄ᬬᬂ
ᬚᬦᬶ᭟ᬢᬦ᭄ᬧᬲᬳᬸᬃᬤ᭄ᬯᬕᬸᬂᬭᬳᬶᬫᬲᬸᬓ᭄ᬱᭂᬓᬦ᭄᭞ᬓᬧᬶᬦᭂᬄᬦᬾᬕᬸᬫᬦ᭄ᬢᬶ᭞ᬫᬦᬦ᭄ᬤᬂᬤᬸᬄᬓᬶᬢ᭄ᬣᬵ᭞ᬳᬸᬮᬶᬩᬜᬧᬦᬗ᭄ᬓᬦ᭄᭞ᬗᬾᬩ᭄ᬭᬲᬕ᭄ᬮᬶᬲ᭄ᬫᬢᬗᬶ᭞ᬤᬩᬕᬸᬲ᭄ᬜᭂᬫᬓ᭄
᭞ᬭᬭᬶᬲ᭄ᬗᬯᭀᬭᬂᬭᬲ᭄ᬫᬶᬦ᭄᭟ᬳᬫ᭄ᬮᬤ᭄ᬧ᭄ᬭᬡᬵᬳᬢᬸᬭᬾᬫᬗᬯᬾᬲ᭄ᬫᬵᬂ᭞ᬲᬢ᭄ᬫᬫ᭄ᬓᬸᬮ᭄ᬗᬭᬲᬶ᭞ᬫᬶᬤ᭄ᬯᬕᬸᬂᬲᬬᬂ᭞ᬳ᭄ᬥᬤ᭄ᬯᬕᬸᬂᬦᬸᬮᬸᬓᬂ᭞ᬳᬶᬧᬧᬵᬤᬭᬶᬤ᭄ᬭᬫᬶᬲ᭄ᬓᬶᬦ᭄᭞
[᭖᭒ 62A]
ᬲᬳᬶᬗᬭᬸᬦ᭄ᬢᬕ᭄᭞ᬤᬾᬯᬕᬸᬂᬫᬸᬗ᭄ᬕ᭄ᬯᬾᬂᬗᬢᬶ᭟ᬲᬳᬵᬢᬗᬶᬲ᭄ᬤᬩᬕᬸᬲ᭄ᬫᬤᬾᬲᬳᬸᬭᬵ᭞ᬤᬤᬶᬫᬤᬍᬫ᭄ᬕᬢᬶ᭞ᬕᬸᬂᬭᬳᬶᬫᬶᬋᬗᬂ᭞ᬧᬓᬬᬸᬦᬦᬾᬢᬲ᭄ᬢᬲ᭄᭞ᬋᬫᭂᬓ᭄ᬭ
ᬱᬵᬢᬦ᭄ᬧᬕᬮᬶᬄ᭞ᬫᬶᬲᬬᬂᬓᬸᬢᬺᬂ᭞ᬜᬦ᭄ᬤᬂᬩᬾᬮᬦᬶᬦ᭄ᬫᬢᬶ᭞ᬢᬦ᭄ᬫᬫ᭄ᬧᭂᬢᬦ᭄ᬢᭀᬬᬦ᭄ᬘᬶᬗᬓ᭄ᬓᬾᬫᬳᭂᬫ᭄ᬩᬄ᭞ᬮᬶᬦ᭄ᬢᬂᬓᬗᭂᬦ᭄ᬕᬸᬂᬭᬳᬶ᭞ᬫ᭄ᬓᬸᬮ᭄ᬧᬶᬦ᭄ᬓᬸᬮᬦ᭄᭞ᬩᬶᬄᬳᬶ
ᬤᬳᬢ᭄ᬫᬭᬓ᭄ᬱᬵ᭞ᬳᬭᬄᬦᬄᬧᬶᬢᬶᬦ᭄ᬤᬶᬄᬗ᭄ᬕᬶᬄ᭞ᬤᬫᬶᬢ᭄ᬬᬾᬂᬳᬸᬚᬃ᭞ᬢ᭄ᬬᬂᬲᬸᬓᬵᬓᬧᬜ᭄ᬚᬓ᭄ᬚᬦᬶ᭟ᬫᬓᬍᬫᬄᬳᬳᭂᬦ᭄ᬢ᭄ᬬᬦ᭄ᬳᭂᬦ᭄ᬢ᭄ᬬᬦ᭄ᬲᬳᬭᬲ᭄᭞ᬳᬦ᭄ᬮᬲ᭄ᬳᬓᭂᬦ᭄ᬲᬓᬧ᭄ᬢᬶ᭞ᬭ
ᬭᬲᬶᬂᬲᬭᬶᬫᬂ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬳᬶᬦ᭞ᬕᬸᬂᬭᬳᬶᬓᬕ᭄ᬬᬢ᭄ᬫᬢᬗᬶ᭞ᬩ᭄ᬮᬶᬅ᭄ᬦᬾᬍᬫᬄ᭞ᬚᬮᬦ᭄ᬫᬦᬗ᭄ᬓᬶᬮ᭄᭟ᬭᬭᬶᬲ᭄ᬫᬢᬗᬶᬩᬕᬸᬲ᭄ᬫᬥᬾᬫᬲᬋᬗᬦ᭄᭞
Kaca:Bali-lontar-paparikan-malat-02-550ppi.pdf/62
Kaca puniki sampun kauji-wacén
