[᭕᭘ 58B]
᭕᭘
ᬳᬶᬤᬾᬯᬕᬸᬂᬫᬢᬗ᭄ᬬᬵ᭞ᬲᬂᬧ᭄ᬭᬪᬹᬢ᭄ᬥᬸᬦ᭄ᬫᬫᬵᬃᬕ᭄ᬕᬶ᭞ᬫᬕᭂᬭᭀᬲᬫ᭄ᬬᬦ᭄᭞ᬲᬫᬶᬗᬶᬭᬶᬂᬦᬺᬧᬢᬶ᭟ᬫᬳᬶᬍᬳᬦ᭄ᬲᬂᬧ᭄ᬭᬪᬹᬫᬘᬶᬗᬓ᭄ᬘᬶᬗᬓ᭄᭞ᬤ᭄ᬯᬕᬸᬂᬜᭂᬦᭂᬂᬫᬗᬶᬭᬶᬂ᭞ᬤ᭄ᬯ
ᬕᬸᬂᬭᬳᬶᬢᬦ᭄ᬲᬄ᭞ᬗᬶᬭᬶᬂᬰ᭄ᬭᬷᬦᬵᬭᬦᬣᬵ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬕ᭄ᬮᬶᬲ᭄᭞ᬦᬄᬳᬮᬶᬄᬓ᭄ᬫᬵ᭞ᬤᬩᬕᬸᬲ᭄ᬫᬤᬾᬚᬦᬶ᭟ᬜᬸᬫ᭄ᬩᬄᬩᬗᬸᬦ᭄ᬳᬶᬘᬸᬭᬶᬂᬮᬯᬸᬢ᭄ᬫᬚᬮᬦ᭄᭞ᬮ᭄ᬬᬸᬧᬤᬵ
ᬫᬋᬗᬶᬦ᭄᭞ᬓᬢᬓᭀᬘᬧ᭄ᬳᭂᬚᭀᬄᬓᬾᬕ᭄ᬭᬶᬬᬦ᭄ᬳᬶᬤᬵ᭞ᬯᭀᬂᬕᬸᬦᬸᬂᬳᬤᬫᬋᬗᬶᬦ᭄᭞ᬗ᭄ᬮᬯᬸᬢ᭄ᬓᭂᬫᬵ᭞ᬚᬸᬫᬳᬦ᭄ᬫᬓᬓᬮᬶᬄ᭟ᬳᬶᬤᬯᬬᬦ᭄ᬕᬸᬦᬸᬂᬤᬶᬯᬗᬦ᭄ᬫᬦ᭄ᬕ
ᬓ᭄᭞ᬫᬓᬫ᭄ᬩᭂᬦ᭄ᬧᬸᬢᬶᬄᬤ᭄ᬓᬶᬮ᭄᭞ᬳᬶᬘᬸᬭᬶᬂᬬᬢ᭄ᬓᬵ᭞ᬦᬾᬫᬋᬗᬶᬦ᭄ᬦᬸᬢᬸᬭᬂ᭞ᬦᬶᬓᬶᬤ᭄ᬯᬬᬦ᭄ᬕᬸᬦᬸᬂᬳᬚᬶ᭞ᬫᬢᬸᬃᬳᬾᬗ᭄ᬕᬮ᭄᭞ᬤ᭄ᬯᬬᬦ᭄ᬢᬶᬢ᭄ᬬᬂᬗᬢᬸᬭᬶᬦ᭄᭟ᬳᬦᬓ᭄ᬳᬶᬤᬵ
[᭕᭙ 59A]
ᬤᬩᬕᬸᬲ᭄ᬫᬥᬾᬓᭂᬲᬾᬗᬶᬦ᭄᭞ᬳᬶᬤ᭄ᬯᬬᬦ᭄ᬫᬜᬯᬸᬭᬶᬦ᭄᭞ᬤ᭄ᬭᬶᬓᬶᬫᬮᬸᬳᬦ᭄ᬢ᭄ᬬᬂ᭞ᬢ᭄ᬬᬂᬗᬮᬶᬄᬫᬸᬮ᭄ᬬᬦ᭄᭞ᬳᬶᬤᬯᬬᬦ᭄ᬫᬦ᭄ᬢᬸᬓᬦ᭄ᬕᭂᬮᬶᬲ᭄᭞ᬳᬾᬗ᭄ᬕᬮ᭄ᬗᬦ᭄ᬤᬶᬓᬵ᭞ᬤᬩᬕᬸᬲ᭄ᬳ
ᬤᬵᬗᬮᬶᬄ᭟ᬫᬗᭀᬭᬳᬂᬳᬸᬢᬸᬲᬦ᭄ᬰ᭄ᬭᬶᬦᬵᬭᬦᬵᬣ᭞ᬩᬕᬸᬲ᭄ᬫᬤᬾᬜᬳᬸᬭᬶᬦ᭄᭞ᬗᬸᬤ᭄ᬬᬂᬢ᭄ᬬᬂᬧᭂᬲ᭄ᬯᬦ᭄᭞ᬓᬾᬦᬾᬫᬮᬮᬸᬂᬧᬶᬲᬦ᭄᭞ᬦᬄᬩᬗ᭄ᬕᬬᬂᬢ᭄ᬬᬂᬲᬶᬲᬶᬧ᭄᭞ᬧᬗᬺ
ᬚᭂᬓ᭄ᬢᭂᬓᬵ᭞ᬲᬶᬲᬶᬧᬾᬫᬫᬸᬘᬶᬗᬶᬦ᭄᭟ᬩᬕᬸᬲ᭄ᬫᬥᬾᬕ᭄ᬮᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬤ᭄ᬧᬶᬦ᭄ᬢ᭄ᬬᬂᬫ᭄ᬮᬮᬸᬂᬤᬶᬦᬶ᭞ᬓᬫ᭄ᬩᭂᬦ᭄ᬲᬩᬸᬓ᭄ᬳᬗ᭄ᬕᭀᬦ᭄᭞ᬓ᭄ᬫᬗᭂᬦᬄᬓᭂᬲᬾᬗᬦ᭄᭞ᬓᬾᬯᬮᬳᭂᬗ᭄ᬓᭂ
ᬩᬂᬕᬢᬶ᭞ᬳ᭄ᬥᬗᬢᬸᬭᬂᬢ᭄ᬬᬂᬫᬦᭀᬗᭀᬲ᭄ᬤᬶᬦᬶ᭟ᬩᬶᬄᬤᬩᬕᬸᬲ᭄ᬲᬶᬜᬢ᭄ᬬᬂᬢ᭄ᬯᬭᬢ᭄ᬓᬵ᭞ᬤᬕ᭄ᬥᭂᬕ᭄ᬤᬩᬕᬸᬲ᭄ᬗ᭄ᬕᬶᬄ᭞ᬳᬶᬩᬶᬓᬤᬯᬸᬳᬦ᭄᭞ᬲᬜᬫᬦᬾᬳᭀᬜ
Kaca:Bali-lontar-paparikan-malat-02-550ppi.pdf/59
Kaca puniki sampun kauji-wacén
