[᭕᭕ 55B]
᭕᭕
ᬫᬦᬶᬲ᭄᭞ᬮᬾᬩᬂᬢ᭄ᬬᬂᬓᬢ᭄ᬗᬄ᭞ᬲᬩᬸᬓᬜ᭄ᬘᬶᬂᬫᬕᬕᬄ᭞ᬫᬫᬸᬜ᭄ᬘᬮ᭄ᬢᬸᬧᬶᬳᬗ᭄ᬭᬯᬶᬢ᭄᭞ᬭᬭᬶᬲ᭄ᬗᬮᬸᬫᬄᬳᬶᬤᬲᬂᬯᬶᬭᬓᬮᬶᬄ᭟ᬤ᭄ᬯᬕᬸᬂᬜ᭄ᬦᭂᬂᬳᬸᬮᬗᬸᬦᬾᬩᬲ᭄ᬫᬗ᭄ᬭᬢ᭄᭞
ᬫ᭄ᬓᬸᬮ᭄ᬳᬭᬲ᭄ᬳᬭᬲᬶ᭞ᬲᬳᬧᬗᬦ᭄ᬤᬶᬓᬵ᭞ᬫᬦᬶᬲ᭄ᬳᬫ᭄ᬮᬤ᭄ᬧ᭄ᬭᬡᬵ᭞ᬕᬸᬂᬭᬳᬶᬧᬜ᭄ᬚᬓᬂᬳ᭄ᬬᬂᬚᬦᬶ᭞ᬲᬶᬂᬜᬦ᭄ᬤᬂᬳ᭄ᬬ᭞ᬦᬦ᭄ᬤᬂᬳᬸᬮᬗᬸᬦ᭄ᬲᬮᬫᬶ᭟ᬤᬤᬶᬓ᭄ᬜᭂᬫ᭄ᬳᬶᬤ᭄ᬯᬕᬸᬂᬭᬳᬶᬫᬦᬶ
ᬫ᭄ᬩᬮ᭄᭞ᬳᬢᬸᬭᬾᬫᬫ᭄ᬮᬲ᭄ᬳᬰᬶᬄ᭞ᬩ᭄ᬮ᭄ᬬᬕᬸᬂᬫᬗᬦ᭄ᬤᬶᬓᬵ᭞ᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬤᬸᬯᬾᬦᬂ᭞ᬳᬶᬤ᭄ᬯᬕᬸᬂᬜ᭄ᬦᭂᬂᬜᬳᬸᬭᬶᬦ᭄᭞ᬳᬓᬸᬤᬗ᭄ᬮᬄᬤ᭄ᬬᬲ᭄ᬢᬸᬗ᭄ᬮᬄᬳᬓ᭄ᬢᬶ᭟ᬦᬄᬳᬶᬲᬶᬦᭂ
ᬦ᭄ᬓᭂᬦᭂᬄᬳ᭄ᬬᬗᬾᬫᬫ᭄ᬭᬢ᭄᭞ᬳᬸᬮᬗᬸᬦ᭄ᬢᬦ᭄ᬲᬶᬦᬶᬧᬶ᭞ᬓᬾᬭᬢᬸᬫᬵᬲ᭄ᬫᬶᬭᬄ᭞ᬳᬭᬄᬢᬸᬮᬸᬂᬓᬾᬳ᭄ᬬᬂ᭞ᬲᬶᬂᬤᬤᬶᬩᬦ᭄ᬫᬗᬺᬢ᭄ᬗᬸᬤᬶ᭞ᬭᬢᬸᬫᬜ᭄ᬚᬓᬂ᭞ᬲᬳᬸᬭᬶᬧ᭄ᬳᬶᬤ᭄ᬯᬕᬸᬂᬭ
[᭕᭖ 56A]
ᬳᬶ᭟ᬤ᭄ᬯᬕᬸᬂᬭᬳᬶᬫᭂᬦ᭄ᬤᭂᬧ᭄ᬚᭂᬚᭂᬄᬳᬾᬓᬮᬶᬦ᭄ᬢᬂ᭞ᬤᬤᬶᬗ᭄ᬭᬯᭀᬲᬾᬂᬗᬢᬶ᭞ᬬᬾᬦ᭄ᬡᬜᬫᬦᬸᬮᬓ᭄᭞ᬤ᭄ᬯᬕᬸᬂᬜ᭄ᬦᭂᬂᬫᬗᬭᬲ᭄᭞ᬢᬫᬾᬂᬭᬸᬫ᭄ᬭᬸᬫᭂᬢ᭄ᬯᬂᬫᬦᬶᬲ᭄᭞ᬲᬂᬮ᭄ᬯᬶᬃᬳ᭄ᬬᬂᬲ᭄ᬫᬭ᭞
ᬓᬮᬶᬄᬯᭀᬭᬂᬭᬲ᭄ᬫᬶᬦ᭄᭟ᬓᬘᬭᬶᬢ᭄ᬣᬵᬳᬶᬤᬩᬕᬸᬲ᭄ᬕᭂᬥᬾᬓ᭄ᬭᭀᬥ᭄ᬥᬵ᭞ᬧᬗᬦ᭄ᬤᬶᬓᬦᬾᬫᬜ᭄ᬚ᭄ᬭᬶᬢ᭄᭞ᬳᬶᬓᭂᬲ᭄ᬬᭂᬕ᭄ᬲᬶᬂᬢ᭄ᬓᬵ᭞ᬚᭂᬚᭂᬄᬳᬶᬤᬬᬸᬯᬬᬦ᭄᭞ᬫᬲᬳᬸᬃ
ᬦ᭄ᬤᬾᬦ᭄ᬢ᭄ᬬᬂᬗᬮᬶᬄ᭞ᬤᬩᬕᬸᬲ᭄ᬕᭂᬤᬾᬗᬦ᭄ᬤᬶᬓᬩ᭄ᬯᬶᬦ᭄ᬜᭂᬭᬶᬢ᭄᭟ᬦ᭄ᬮᬶᬓ᭄ᬚᬸᬫᬄᬳᭂᬗ᭄ᬓᬾᬦ᭄ᬲᬶᬄᬩᬓᬮ᭄ᬓᬩᬩᬃ᭞ᬫᬾᬫᬾᬩᬧᬫ᭄ᬩᭀᬓ᭄ᬫᬳᬶ᭞ᬫᬓ᭄ᬚᬂᬦᬸᬳᬸᬢᬂ᭞ᬚᬸᬫᬳᬦ᭄ᬓ
ᬳᬸᬦᭂᬩᬦ᭄᭞ᬚ᭄ᬮᬦᬦ᭄ᬢᬸᬃᬭᬶᬂᬫᬢᬮᬶ᭞ᬮᬳᬸᬢ᭄ᬢᬢ᭄ᬓᬵ᭞ᬳᬶᬤᬩᬕᬸᬲ᭄ᬫᬤᬾᬚᬦᬶ᭟ᬫᬗ᭄ᬮᬳᬸᬢ᭄ᬓᬫ᭄ᬢᬾᬦ᭄ᬫ᭄ᬩᬸᬓᬵᬚ᭄ᬮᬦᬦ᭄᭞ᬓᬢᭀᬲ᭄ᬢᬸᬭᬶᬂᬫᬢᬮᬶ᭞
Kaca:Bali-lontar-paparikan-malat-02-550ppi.pdf/56
Kaca puniki sampun kauji-wacén
