[᭕᭓ 53B]
᭕᭓
ᬗᬦ᭄ᬤᬶᬓᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬳᬢᬸᬃᬢᬶᬢ᭄ᬬᬂᬲᬳᬶᬭᬶᬂ᭞ᬮ᭄ᬬᬂᬧᬶᬲᬦ᭄ᬢᬶᬢ᭄ᬬᬂ᭞ᬚᬕᬫᬕᬸᬲ᭄ᬢᬶᬳᬶᬤᬵ᭞ᬲᬺᬗ᭄ᬕᬭᬕᭀᬬᬢᬸᬃᬫᬦᬶᬲ᭄᭞ᬤᬳᬶᬤᬦᬸᬮᬓ᭄ᬧᬦ᭄ᬳᬶᬓᬦ᭄ᬦ᭄ᬭᬧᬢᬶ᭟ᬳᬶᬤᬾ
ᬯᬕᬸᬂᬭᬳᬶᬯᬯᬸᬳᬶᬤᬵᬧ᭄ᬭᬧ᭄ᬢᬵ᭞ᬯᬢᭂᬓ᭄ᬯᬂᬕᬸᬦᬸᬂᬲᬫᬶ᭞ᬕ᭄ᬮᬸᬫᬘᬶᬗᬓᬦ᭄᭞ᬜᬶᬗᬓ᭄ᬘᬶᬦᬩᬕᬸᬲ᭄ᬫᭂᬮᭂᬜᬤ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬓ᭄ᬜᬶᬂ᭞ᬩᬸᬫᬭᬢ᭄ᬓᬵᬤᬾᬯᬦ᭄ᬓᭀᬜ᭄ᬘᭀ
ᬦᬾᬧ᭄ᬓᬶᬓ᭄᭟ᬲᬃᬯ᭄ᬬᬓ᭄ᬜᭂᬫ᭄ᬫᬮᬶᬗ᭄ᬕᬶᬄᬭᬶᬂᬧᬳᬬᬸᬦᬦ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬭᬶᬲ᭄᭞ᬘᬶᬦᬤᬩᬕᬸᬲ᭄ᬢᭀ᭞ᬤᬩᬕᬸᬲ᭄ᬫᬤᬾᬦᬶᬫ᭄ᬩᬮ᭄᭞ᬩᬗ᭄ᬕᬬᬂᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬕᬸᬂᬭ
ᬳᬶᬜᬶᬗᬓ᭄᭞ᬫᬩ᭄ᬭᬶᬬᬸᬓ᭄ᬱᬮᬾᬂᬘᬶᬗᬓᬶᬦ᭄᭟ᬧᬤᬓ᭄ᬜᬸᬂᬘᬘᬶᬗᬓ᭄ᬫᬲᭂᬫ᭄ᬩᬃᬓᬶᬮᬂ᭞ᬧᬤᬭᬕᬦ᭄ᬦᬶᬗᬢᬶ᭞ᬕᬸᬂᬭᬳᬶᬫᬓᬶᬲ᭄ᬮᬦ᭄᭞ᬤᬤᬶᬦ᭄ᬳᭂᬦ᭄ᬧᬩᬶᬦᬦ᭄᭞ᬳᬶᬤ
[᭕᭔ 54A]
ᬩᬕᬸᬲ᭄ᬫᬥᬾᬓ᭄ᬜᬶᬂ᭞ᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬶᬤᬳᬶᬤ᭄ᬯᬕᬸᬂᬭᬳᬶ᭟ᬫᬗᬦ᭄ᬤᬶᬓᬲᬶᬭᬳᬤᬦ᭄ᬗ᭄ᬕᬶᬄᬢᬸᬢᬸᬭᬂ᭞ᬤᬩᬕᬸᬲ᭄ᬓᭂᬜᬶᬂᬜᬳᬸᬭᬶᬦ᭄᭞ᬳᬢᬸᬭᬾᬲᬮᬾᬤᬂ᭞ᬳᬶᬤ᭄ᬯᬕᬸᬂ
ᬭᬳᬶᬦ᭄ᬧᬓ᭄᭞ᬫᬩ᭄ᬭᬶᬬᬕ᭄ᬢᬗ᭄ᬓᬶᬮᬦ᭄ᬲᬫᬶ᭞ᬧᬲᬮᬾᬂᬕᭀᬜ᭄ᬚᬓ᭄᭞ᬲᬂᬧ᭄ᬭᬪᬹᬮ᭄ᬬᬂᬢᬦ᭄ᬲᬶᬧᬶ᭟ᬫᬓᬯ᭄ᬗᬶᬳᬶᬗᬦ᭄ᬳᬤᬤᬯᬸᬄᬧᬶᬲᬦ᭄᭞ᬳᬬᬸᬦᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬂ
ᬧ᭄ᬭᬪᬹᬗᬦ᭄ᬤᬶᬓ᭞ᬫᬗᬦ᭄ᬤᬶᬓᬤᬶᬦᬶᬤᬾᬯ᭄ᬯ᭞ᬫᬓᭂᬫ᭄ᬩᬸᬮᬦ᭄ᬚᬓ᭄ᬳᬶᬬᬤᬶ᭞ᬳᬶᬤ᭄ᬯᬕᬸᬂᬦᭂᬫ᭄ᬩᬄ᭞ᬳᬢᬹᬃᬳᬶᬗ᭄ᬕᬶᬄᬲᬳᬶᬭᬶᬂ᭟ᬫᬗᬬᬸᬦᬂᬲᬂᬧ᭄ᬭᬪᬹᬲᬵᬃᬯ᭄ᬬᬗᬦ᭄ᬤᬶᬓᬵ᭞ᬩᬕᬸᬲ᭄ᬫᬤᬾ
ᬗᬬᬳᬶᬦ᭄᭞ᬦᬾᬚᬦᬶᬳᬶᬩᬧᬵ᭞ᬩᬕᬸᬲ᭄ᬫᬤᬾᬦᬫ᭄ᬧᭂᬓᬂ᭞ᬫᬗᬸᬗ᭄ᬓᬩ᭄ᬧ᭄ᬭᬗ᭄ᬓᬢᬦ᭄ᬭᬭᬶᬲ᭄᭞ᬳᬮᭂᬧ᭄ᬫᬲᭀᬤᬵ᭞ᬦᬩ᭄ᬤᬩ᭄ᬳᬸᬮᬫ᭄ᬭᬲ᭄ᬧᬢᬶ᭟ᬲᬫᬶᬓᬲᭀᬩ᭄ᬳᬶᬤ
Kaca:Bali-lontar-paparikan-malat-02-550ppi.pdf/54
Kaca puniki sampun kauji-wacén
