[᭔ 4B]
᭔
ᬧᬲᬶᬄ᭞ᬲᬕᬶᬮᬶᬫᬲ᭄ᬮᬓ᭄ᬱᬓ᭄᭞ᬳᬤᬮ᭄ᬯᬲ᭄ᬗᬸᬦᬶᬗᬵ᭞ᬓᬕᭂᬕ᭄ᬮᬂᬲᬶᬗ᭄ᬳᬵᬲᬭᬶ᭞ᬫ᭄ᬯᬄᬓᬓᭀᬭᬶᬧᬦ᭄᭞ᬳᬶᬤᬵᬲᬂᬓᬧᬶᬳᬸᬦᬶᬂ᭟ᬲᬫᬶᬓᬕ᭄ᬬᬢ᭄ᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬢᭂᬫ᭄ᬩᬂ
ᬧᬗᬭᬄᬧᬢᬶᬄ᭞ᬦᬦᬓ᭄ᬕᬮᬸᬄᬳᬶᬮᬂ᭞ᬳᬶᬧᬢᬶᬄᬩᬗᬸᬦ᭄ᬜᬸᬫ᭄ᬩᬄ᭞ᬲᬳᬦᬸᬦ᭄ᬤᬾᬦᬂᬫᬦᬶᬕ᭄ᬢᬶᬕ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲᬂ᭞ᬳᬶᬢᬦ᭄ᬓᭀᬩᭂᬫᬓᬤᬶ᭟ᬧᬤᬢ᭄ᬓᬩᬮᬦᬾᬲᬳᬕᬕ
ᬫᬦ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬕ᭄ᬮᬶᬲ᭄᭞ᬓ᭄ᬫᬧᬤᬮ᭄ᬯᬲ᭄ᬲᬺᬧ᭄ᬦᬓ᭄ᬕᬮᬸᬄᬳᬶᬮᬂ᭞ᬧᭂᬦ᭄ᬤᭂᬳᬦᬾᬜᬸᬫ᭄ᬩᬄᬲᬫᬶ᭞ᬓᬮ᭄ᬬᬂᬦᬸᬦᬲᬂ᭞ᬓᬡ᭄ᬥᬦ᭄ᬳᬶᬘᬮᬾᬗᬯᬶᬢ᭄᭟ᬫᬗᬦ᭄ᬤᬶᬓᬲᬂᬧ᭄ᬭᬪᬹ
ᬫᬭᬶᬓᬦ᭄ᬤᬬᬂ᭟ᬲᬤᬸᬓ᭄ᬩ᭄ᬭᬢᬦᬾᬤᬶᬦ᭄ᬦᬶ᭞ᬩᬋᬂᬦᬗᬸᬦ᭄ᬩ᭄ᬭᬢ᭄ᬣᬵ᭞ᬬᬬᬶᬳᬚᬶᬫᬓ᭄ᬚᬂ᭞ᬫᬫᬸᬚᬵᬲ᭄ᬫᬭᬵᬗᭂᬜ᭄ᬚᭂᬓᬶᬦ᭄᭞ᬬᬢᬶᬢᬶᬫᬄᬫᬄᬲᬶᬤᬫ᭄ᬧᬢᬶᬧᬫᬶᬮᬶᬄ᭟ᬫᬮ
[᭕ 5A]
ᬩᬳᬦ᭄ᬳᬫᬘᬗ᭄ᬓ᭄ᬭᬫᬓᬢᬫᬦ᭄᭞ᬘᬧᬸᬂᬫᬵᬲ᭄ᬫᬗᬶᬫ᭄ᬩᬗᬶᬦᬶᬸᬫ᭄ᬩᬗᬶᬦ᭄᭞ᬬᬫᬹᬃᬢᬶᬳᬚᬳᬦ᭄᭞ᬤᬤᬷᬕᬭᬸᬤᬵᬳ᭄ᬫᬵᬲ᭄᭞ᬢᬢ᭄ᬮᬸᬩᬓᬵᬢ᭄ᬓᬲᬩᬶᬢ᭄᭞ᬳᭂᬦ᭄ᬢᭀᬳᭂᬲᭂ
ᬕᬂ᭞ᬫᬩ᭄ᬬᬸᬓ᭄ᬜᬸᬫ᭄ᬩᬄᬫᬫᬃᬕᬶ᭟ᬫᬧᭂᬜ᭄ᬘᬃᬳᬤᬓᬕᬸᬦᬸᬂᬳᬤᬓᬳᬮᬲ᭄᭞ᬚᬸᬭᬂᬧᬗ᭄ᬕᬸᬂᬫᬲ᭄ᬮᬶᬓ᭄ᬱᬶᬓ᭄᭞ᬧᬲᬶᬄᬤᬦᬸᬢ᭄ᬮᬕᬵ᭞ᬤᭀᬦ᭄ᬓᬬᬸᬬᬓᬩ᭄ᬲᬩ᭄᭞ᬩᬶᬮᬂᬳ
ᬩᬶᬤᬂᬳᬸᬗ᭄ᬓᬩᬶᬦ᭄᭞ᬩᬸᬤᬂᬩᬤᬶᬗᬂ᭞ᬳᬤᬳᬶᬗᬦ᭄ᬤᬲᬰᬶᬄ᭟ᬲᬫᬶᬢᬸᬮᬓ᭄ᬫᬗᬢᬸᬭᬂᬧᬗᬸᬦᬶᬗᬵ᭞ᬓᬦᬕᬭᬵᬫᬗ᭄ᬭᬭᬶᬲ᭄᭞ᬲᬂᬧ᭄ᬭᬪᬹᬭᬶᬂᬳᭀᬤᬮ᭄᭞ᬢᬶᬦᬗ᭄ᬓᬶᬮ᭄ᬭᬶᬂ
ᬧᬗᬲ᭄ᬢ᭄ᬭ᭄ᬬᬦ᭄᭞ᬤ᭄ᬯᬕᬸᬂᬧᬸᬢ᭄ᬭᬳᬶᬤᬵᬗᬶᬭᬶᬂ᭞ᬲᬂᬦᬵᬣᬗᬸᬘᬧ᭄᭞ᬤᬲᬸᬳᬸᬤ᭄ᬮ᭄ᬯᬲ᭄ᬫᬗᬮᬶᬄ᭟ᬲᬯᬸᬃᬲᭂᬫ᭄ᬩᬄᬲᬂᬓᬤᬯᬸᬳᬦ᭄ᬢᬦ᭄ᬧᬶᬯᬮ᭄᭞ᬫᬶᬚᬶᬮ᭄ᬲᭀᬲᭀᬢ᭄ᬦᬺᬧᬢᬶ᭞ᬦᬄᬤᬸ
Kaca:Bali-lontar-paparikan-malat-02-550ppi.pdf/5
Kaca puniki sampun kauji-wacén
