[᭔᭔ 44B]
᭔᭔
ᬧᬗᬭᬄᬲᬵᬫ᭄ᬧᬸᬦ᭄᭞ᬫᬾᬜ᭄ᬚᬗᬂᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬦᬾᬧᬘᬂᬜᬫ᭄ᬩᬸᬢ᭄ᬧᬗᬯᬶᬦ᭄᭟ᬓᬮᬶᬄᬦᬾᬫᬗᬩᬵᬢᬫ᭄ᬬᬵᬂ᭞ᬮᬯᬦ᭄ᬧ᭄ᬥᬂᬚᬃᬋᬫᬦᬾᬫᬓ
ᬤᬶ᭞ᬳᬸᬘᬭᬩᭂᬦ᭄ᬤᬾᬢᬫ᭄ᬩᬸᬃ᭞ᬫᬫᬃᬕ᭄ᬕᬶᬗᬭᬶᬳᬶᬦᬂ᭞ᬓᬩᬋᬗᬶᬦ᭄ᬩᬦ᭄ᬓᬸᬦ᭄ᬤᬂᬢᬹᬃᬮ᭄ᬬᬸ᭞ᬩᬳᬦ᭄ᬓᬗᬶᬦ᭄ᬯᬸᬲ᭄ᬫᬤᬤᬃ᭞ᬢᬫ᭄ᬩᬸᬭᬾᬲᬸᬩᬫᬫᬸᬜᬶ᭞ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬫᬢᬗ᭄ᬬ᭞
ᬯᬸᬲ᭄ᬫᬧᬬᬲ᭄ᬫᬯᬲ᭄ᬢ᭄ᬭᬲᬸᬢ᭄ᬭᬢᬗᬶ᭞ᬫᬓᬫ᭄ᬧᬸᬄᬕᬕᬸᬮᬸᬂᬤᬤᬸ᭞ᬤᬲ᭄ᬢᬃᬲᬼᬫ᭄ᬫᬧ᭄ᬭᬤᬵ᭞ᬫᬓᬯᬘᬕᬤᬂᬩᬶᬮᬸᬤ᭄ᬭᬸᬦᬾᬳᬮᬸᬲ᭄᭞ᬫᭀᬤ᭄ᬭᬾᬦ᭄ᬜᬦᬾᬫᬧᬶᬧᬶᬦ᭄ᬤ
ᬦ᭄᭞ᬫᬲᭀᬘ᭄ᬙᬩᬶᬦ᭄ᬤᬃᬩᬦ᭄ᬤᬭᬶ᭟ᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄ᬧᬚ᭄ᬦᭂᬗᬦ᭄᭞ᬫᬮᬦ᭄ᬤᬾᬬᬦ᭄ᬩᬬᬸᬧᬸᬢ᭄ᬭᬗᬾᬤᬦᬶᬦ᭄᭞ᬓᬓᬦ᭄ᬤᭂᬮᬦᬾᬫᬲ᭄ᬫᬸᬭᬸᬩ᭄᭞ᬲ᭄ᬮᬸᬢ᭄ᬢᬶᬦᬯᬚᬯ᭞
[᭔᭕ 45A]
ᬫᬳᭀᬭᬗ᭄ᬓᬧᬾᬮᬾᬢ᭄ᬓᬦᬶᬂᬧᬜᬫ᭄ᬩᬸᬂ᭞ᬯᭂᬯᭂᬭᬾᬫᬲᭀᬘᬫᬶᬭᬄ᭞ᬳᬮᬶᬳᬮᬶᬯᬶᬤᬸᬃᬬ᭄ᬬᬤᬶ᭟ᬯᬃᬡ᭄ᬦᬦᬾᬩᬕᬸᬲ᭄ᬫᬩ᭄ᬗᬤ᭄᭞ᬮᬕᭂᬲ᭄ᬜᬸᬜᬸᬃᬘᬘᬶᬗᬓ᭄ᬫ
ᬲᭂᬫ᭄ᬩᬃᬢᬢᬶᬢ᭄᭞ᬳᬤᭂᬕᬾᬧᬦ᭄ᬚᬂᬳᬮᬸᬳᬸᬃ᭞ᬢᬸᬳᬸᬧ᭄ᬭᬪᬸᬭᬶᬂᬲᬸᬭᬢ᭄᭞ᬧᬗᬦ᭄ᬤᬶᬓᬦᬾᬳᬶᬩᬵᬓᬩᬗ᭄ᬲᬮ᭄ᬫᬮᬸ᭞ᬳᭂᬦᬾᬚᬭᬦᬾᬩ᭄ᬥᬮᬵᬂ᭞ᬳᬾᬗ᭄ᬕᬮᬂᬳᬶᬤ᭄ᬯ
ᬕᬸᬂᬭᬳᬶ᭟ᬜᬸᬫ᭄ᬩᬄᬩᬗᬸᬦ᭄ᬳ᭄ᬬᬳᬶᬢᬾᬚᬵ᭞ᬗᬚᬩᬬᬂᬚᬭᬦᬾᬮ᭄ᬬᬸᬕᬢᬶ᭞ᬳᭂᬦ᭄ᬢᭀᬓᬮᬜ᭄ᬘᬢ᭄ᬳᬳᬸᬓᬸᬤ᭄᭞ᬓᬧ᭄ᬘᬸᬢ᭄ᬩᭂᬘᬢ᭄ᬧᬶᬲᬦ᭄᭞ᬓᬤᬶᬳᬯᬸᬲ᭄ᬧᬚᬮᬦ᭄ᬚᬭᬦ᭄ᬫ
ᬓ᭄ᬜᬸᬃ᭞ᬢᬦ᭄ᬓᬘᬭᬶᬢ᭄ᬣᬭᬶᬂᬤᬮᬦ᭄᭞ᬤᬶᬲ᭄ᬫᬭᬦᬵᬣᬓᬯᬃᬡ᭄ᬦᬶ᭟ᬳᬶᬤ᭄ᬯᬕᬸᬂᬜ᭄ᬦᭂᬂᬓᭀᬘᬧᬵ᭞ᬭᬶᬂᬲ᭄ᬫᬵᬪᬯᬯᬯᬸᬫᬢᬗᬶ᭞ᬗᬤᭂᬕ᭄ᬥᬶᬳᬫ᭄ᬩᬾᬦᬾᬧᬳᬸᬢ᭄᭞ᬭᬭᬶᬲ᭄ᬳᬶᬤᬗᬦ᭄ᬤᬶ
Kaca:Bali-lontar-paparikan-malat-02-550ppi.pdf/45
Kaca puniki sampun kauji-wacén
