[᭔᭑ 41B]
᭔᭑
ᬢᬶᬢ᭄ᬬᬂᬳᬮᬶᬢ᭄ᬢᬸᬃᬭᬶᬂᬧᬤᬾᬯᬾᬓᬦ᭄᭟ᬤ᭄ᬬᬧᬶᬦ᭄ᬩᭂᬮᬶᬳᬕᬸᬂᬧᬸᬢ᭄ᬭ᭞ᬳᬶᬘᬮ᭄ᬢᬍᬃᬯᬾᬦ᭄ᬢᭂᬦ᭄ᬗᬶᬭᬶᬂ᭞ᬩ᭄ᬮᬶᬩᬕᬸᬲ᭄ᬓᭂᬲ᭄ᬬᭂᬕ᭄ᬗᬶᬭᬶᬗᬂ᭞ᬤᬸᬫᬤᬓ᭄ᬓᬲᬺᬧ᭄ᬳᬶᬭᬶᬓᬶ᭞ᬧᬸᬮᬓᬺᬢ
ᬦᬾᬢᬸᬗ᭄ᬕᬶᬮ᭄᭞ᬳᬶᬤᬬᬸᬗᬸᬭᬄᬫᬲᬯᬸᬃ᭞ᬕᬸᬂᬭᬳᬶᬫᬶᬲᬦ᭄ᬢᬶᬢ᭄ᬬᬂ᭞ᬤᬧᬶᬲᬗᭀᬃᬢᬬᬂᬩ᭄ᬯᬶᬦ᭄᭞ᬓᬘᬶᬗᬓᬦ᭄ᬧᬶᬗ᭄ᬕᭂᬮ᭄ᬬᬸᬧᭂᬢᬾᬯᬲ᭄ᬧᬤᬵ᭟ᬳᬶᬤᬵᬧᬸᬢ᭄ᬭᬾᬂᬲᬶᬗ᭄ᬳᬵᬲ᭄ᬓᬃ
᭞ᬓᬗᭂᬦ᭄ᬮᬶᬬᬂᬗᬾᬢᬦ᭄ᬲᬶᬧᬶ᭞ᬩᬦᬾᬓᬢ᭄ᬧᬸᬓ᭄ᬓᬾᬦ᭄ᬫᬶᬲᬦ᭄᭞ᬳᬤᬧᬘᬂᬫᬫᬶᬢᬶᬦ᭄ᬤᬶᬄ᭞ᬤ᭄ᬯᬕᬸᬂᬭᬳᬶᬫᬦᬗᬶᬲ᭄᭞ᬳᬶᬤᬬᬸᬗᬸᬭᬄᬓᬕ᭄ᬮᬸᬢ᭄᭞ᬳᬢᬸᬃᬳᭂᬫ᭄ᬩᭀᬓ᭄ᬳᬕᬸᬂᬢᬶᬢ᭄ᬬᬂ᭞ᬳᬶ
ᬭᬶᬓᬶᬤᬸᬫᬸᬦ᭄ᬫᬓᬶᬃᬢ᭄ᬣᬶ᭞ᬫᬥᬓ᭄ᬯᬾᬦ᭄ᬢᭂᬦ᭄ᬲᬯᬾᬘᬦ᭄ᬳᬶᬤᬵᬪᬝᬵᬭᬵ᭟ᬓ᭄ᬦᬶᬩ᭄ᬮᬶᬳᬕᬸᬂᬧᬸᬢ᭄ᬭᬜᬶᬤᬬᬂᬕ᭄ᬮᬶᬲ᭄ᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬧᭀᬮᬶᬄᬫᬦᬓᬾᬦᬂ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶ
[᭔᭒ 42A]
ᬧᬸᬦ᭄ᬫᬶᬭᬕᬶ᭞ᬫᬯᬲ᭄ᬢᬲᬶᬗ᭄ᬳᭀᬲᬭᬶ᭞ᬕᬕ᭄ᬮᬂᬤ᭄ᬳᬵᬦᬕᬦ᭄ᬢᬸᬦ᭄᭞ᬓᬮᬶᬄᬦᬕ᭄ᬭᬶᬓᭀᬭᬶᬧᬦ᭄᭞ᬤᬸᬫᬤᬓ᭄ᬢ᭄ᬬᬂᬕ᭄ᬮᬶᬲ᭄ᬓᭂᬮᬶᬄ᭞ᬢᬢ᭄ᬬᬂᬮᬸᬗ᭄ᬳᬜᬺᬧ᭄ᬫᬦ᭄ᬕᬓᬶᬦ᭄ᬓᬨᬮ᭄᭟ᬬ
ᬦ᭄ᬲᬵᬫ᭄ᬧᬸᬦ᭄ᬲᭀᬮᬶᬄᬲᬺᬧ᭄ᬢᬶᬢ᭄ᬬᬂ᭞ᬫ᭄ᬩᭀᬓᬵᬕᬸᬂᬢᬶᬢ᭄ᬬᬂᬫᬗᬶᬭᬶᬂ᭞ᬫᬦ᭄ᬢᬸᬓ᭄ᬓᬦᬵᬕᬭᬤᭂᬳᬵ᭞ᬳᬶᬤᬬᬸᬗᬸᬭᬄᬜᬳᬸᬭᬶᬦ᭄᭞ᬳᬕᬸᬂᬬᬦ᭄ᬲᬶᬤᬫᬸᬮᬶᬄ᭞ᬤᬬᬸᬳᬦᭀ
ᬫ᭄ᬧᬫᬶᬦ᭄ᬢᬸᬳᬸ᭞ᬓ᭄ᬜᭂᬫ᭄ᬕᬸᬂᬭᬳᬶᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬫᬸᬮᬵᬓᬜᬸᬤᬂᬳᬗᬶᬦ᭄᭞ᬭᬶᬧᬮᬸᬗ᭄ᬕᬸᬄᬳᬶᬤᬾᬯ᭄ᬯᬳᬚᬶᬭᬶᬂᬤᭂᬳᬵ᭟ᬤᬬᬸᬗᬸᬭᬄᬲᬬᬦ᭄ᬮ᭄ᬬᬂᬫᬶᬚᬶᬮ᭄ᬳᬶᬤᬫᬓᬓᬮᬶᬄ
᭞ᬤᬬᬸᬫᬤᬾᬤᬬᬸᬳᬦᭀᬫ᭄᭞ᬤᬶᬳᬫ᭄ᬩᬾᬦᬾᬳᬶᬤᬫᬮᬶᬗ᭄ᬕᬶᬄ᭞ᬳᬶᬤ᭄ᬯᬕᬸᬂᬭᬳᬶᬓ᭄ᬜᬶᬂ᭞ᬳᬶᬤᬬᬸᬳᬦᭀᬫ᭄ᬓᬤᬸᬮᬸ᭞ᬳᬶᬤᬬᬸᬳᬦᭀᬫ᭄ᬫᬘᬶᬗᬓ᭄᭞ᬫ
Kaca:Bali-lontar-paparikan-malat-02-550ppi.pdf/42
Kaca puniki sampun kauji-wacén
