Kaca:Bali-lontar-paparikan-malat-02-550ppi.pdf/13

[᭑᭒ 12B]
᭑᭒
ᬭᬶᬧᬦ᭄ᬓᬲᬸᬩ᭄ᬫᬗ᭄ᬓᬶᬦ᭄᭞ᬯᬶᬪᬯᬩ᭄ᬱᬃᬓᬭᬸᬭᬵ᭞ᬳᬕᬸᬗᬾᬢᬦ᭄ᬲᬶᬧᬶᬲᬶᬧᬶ᭞ᬢᬦ᭄ᬢᭂᬮᬕ᭄ᬥᬶᬦᬵᬭᬢ᭄ᬭᬶ᭞ᬓᬲᬸᬓᬦ᭄ᬲᬸᬓᬦ᭄ᬲᬂᬧ᭄ᬭᬪᬹ᭞ᬗᬫᭀᬂᬫᭀᬂᬤ᭄ᬯᬕᬸᬂᬧᬸᬢ᭄ᬭ᭞ᬲᬧᬓᬬᬸᬦ᭄ᬓᬤ
ᬕᬶᬗᬶᬦ᭄᭞ᬫᬓᬤᬶᬜ᭞ᬘᭀᬓᭀᬃᬤ᭄ᬥᬩᬕᬸᬲ᭄ᬢᬦ᭄ᬧᬲᬄ᭟ᬤᬤᬶᬗ᭄ᬯᬗᬸᬦ᭄ᬮᬬᬗᬦ᭄᭞ᬳᬕᬸᬂᬓ᭄ᬭᬸᬭᬩᬸᬗᬄᬗᭂᬦ᭄ᬤᬶᬄ᭞ᬧᬜ᭄ᬚᬂᬗᬾᬦᭂᬫ᭄ᬥᬱᬵᬤ᭄ᬧᬵ᭞ᬫᬢᬩᭂᬕᬕᬸᬮᬸᬂᬧᬸ
ᬢᬶᬄ᭞ᬯᭀᬂᬯᭀᬗᬦ᭄ᬫᬧ᭄ᬭᬤᬵᬗᭂᬦ᭄ᬤᬶᬄ᭞ᬫᬧᬶᬦ᭄ᬥᬕᬭᬸᬤᬵᬦᬫ᭄ᬗᬸᬂ᭞ᬚᬚᭂᬩᬸᬕ᭄ᬲᬸᬢ᭄ᬭᬭᬾᬦ᭄ᬤᬄ᭞ᬕᬕᭀᬯᬗᬦ᭄ᬫᬗᬾᬤᬦᬶᬦ᭄᭞ᬲ᭄ᬯᬭᬦ᭄ᬳᬶᬧᬸᬦ᭄᭞ᬓᬤᬶᬕᬺᬄᬰᬰᬶᬄᬫᬱᬵ᭟ᬫ
ᬲᬦ᭄ᬚᬕᬢ᭄ᬓᬤᬸᬓᬶᬢᬦ᭄᭞ᬤᬤᬶᬲᭂᬫ᭄ᬩᬄᬳᬶᬓᬂᬯᬺᬢᬶ᭞ᬯ᭄ᬯᬂᬤᬾᬱᬵᬳᬮᬄᬢᭀᬕ᭄ᬢᭀᬕᬂ᭞ᬢ᭄ᬓᬬᬧᬤᬫᬩᬮᬶᬄ᭞ᬓᬲᭀᬩ᭄ᬢᬦ᭄ᬲᬶᬧᬶᬲᬶᬧᬶ᭞ᬢᬮᬶᬜᬲᬸᬢ᭄ᬭᬫᬢᬸᬭᬸᬢ᭄
[᭑᭓ 13A]
᭞ᬳᬫ᭄ᬧᭂᬦ᭄ᬢᭀᬦᬾᬓᬳᬸᬘᬧ᭄᭞ᬓᬲᬸᬮᬸᬳᬦ᭄ᬲᬹᬃᬬ᭄ᬬᬤᬤᬶ᭞ᬩᬸᬗᬄᬫᬸᬭᬸᬩ᭄᭞ᬮ᭄ᬯᬶᬃᬓᬮ᭄ᬬᬮᬄᬭᬶᬂᬗᬫ᭄ᬩᬭᬵ᭟ᬲᬂᬧ᭄ᬭᬪᬹᬲᬵᬫ᭄ᬧᬸᬦ᭄ᬤᬶᬳᭀᬤᬮ᭄᭞ᬮ᭄ᬬᬂᬧᬓᬬᬸᬦᬦ᭄ᬗᬓ᭄ᬱᬶᬧ
ᬢᬶᬄᬳᬵᬃᬬ᭄ᬬᬤ᭄ᬫᬸᬂᬤ᭄ᬫᬂ᭞ᬓᬭᬸᬭᬸᬳᬦ᭄ᬮ᭄ᬬᬦ᭄ᬫᬗᬸᬭᬶ᭞ᬲᬶᬭᬶᬓᬦ᭄ᬮᬯᬦ᭄ᬫᬦ᭄ᬢ᭄ᬭᬶ᭞ᬧᬥᬡ᭄ᬥᬕ᭄ᬥᬾᬭᬶᬗᬬᬸᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬧ᭄ᬭᬧ᭄ᬢ᭞ᬘᭀᬓᭀᬃᬤ᭄ᬥᬩᬕᬸᬲ᭄ᬫᬗᬶᬭᬶᬂ᭞ᬮ᭄ᬯᬶᬃᬪᬵᬲ᭄ᬓᬭᬓᭂᬫ᭄ᬩᬃ᭞ᬫᬶᬚᬶ
ᬮ᭄ᬭᬶᬢᬸᬗ᭄ᬢᬸᬗᬶᬂᬗᬃᬖ᭄ᬕᬵ᭟ᬫᬵᬯᬲ᭄ᬢ᭄ᬭᬕᬕᬸᬮᬸᬂᬕᬥᬂ᭞ᬫᬢ᭄ᬧᬶᬤᬤᬸᬭᬶᬦᬸᬓ᭄ᬫᬶ᭞ᬧᬧᭂᬓᭂᬓ᭄ᬩᬢᬶᬓ᭄ᬫᬓᬲᬃ᭞ᬫᬧ᭄ᬭᬤᬵᬫᬢᬸᬭᬸᬄᬗᭂᬦ᭄ᬤᬶᬄ᭞ᬤᬲ᭄ᬢᬃᬕᬕᬸᬮᬸᬂᬯᬗᬶ᭞ᬤᬶᬢ᭄ᬧᬶᬫᬤᭂᬫ᭄ᬧᬮ᭄ᬫᬸᬭᬸ
ᬩ᭄᭞ᬓ᭄ᬯᬘᬵᬩ᭄ᬮᬸᬤ᭄ᬭᬸᬫᬲᬸᬮᬫ᭄᭞ᬫᬢᬲ᭄ᬫᬾᬦ᭄ᬳᭂᬫᬵᬲ᭄ᬫᬳᬸᬓᬶᬃ᭞ᬓᬓᬯᬢᬦ᭄᭞ᬫᬲᭀᬘᬵᬭᬢ᭄ᬦᬤᬶᬫᬸᬮ᭄ᬬ᭟ᬫᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄ᬓᬮᬶᬮᬶᬭᬦ᭄᭞ᬫᬳᬶᬰᬶᬲᬲ᭄ᬢ᭄ᬭᬫᬲ᭄ᬳᬤᬶ᭞ᬳᬸ