[᭓᭘ 38B]
᭓᭘
ᬪᬓ᭄ᬢᬶᬭᬶᬂᬤᬾᬯ᭞ᬳᬓᬾᬄᬫᬫᬶᬰᬾᬱᬳᬶᬲ᭄ᬢ᭄ᬭᬶ᭛ᬫᬮᬶᬄᬫᬃᬕ᭄ᬕᬗᬯᬗᬂ᭞ᬓᬳᬸᬗ᭄ᬲᬶ᭞ᬮᬦ᭄ᬳ᭄ᬬᬂᬫᬳᬤᬾᬯᬩᬸᬫᬶ᭞ᬫᬃᬕ᭄ᬕᬦ᭄ᬲᬢᬶᬗ᭄ᬓᬄᬭᬳ
ᬬᬸ᭞ᬳᬦᬸᬢ᭄ᬭᬶᬂᬧᬜ᭄ᬘᬾᬦ᭄ᬤ᭄ᬭᬶᬬ᭞ᬥᬃᬫ᭄ᬫᬦᬸᬮᬸᬲ᭄᭞ᬅᬲᬶᬄᬭᬶᬂᬪᬝᬭᬮᬸᬮᬸᬲ᭄᭞ᬢᭂᬗᬳᬾᬕᬳᬾᬫ᭄ᬯᬂᬩᭀᬩᬤ᭄᭞ᬪᬓ᭄ᬢᬶᬭᬶᬂᬤᬾᬯᬫ᭄ᬯᬂᬕᬸ
ᬱ᭄ᬝᬶ᭛ᬧᬸᬦᬶᬓᬦᬾᬫᬗᬚᬦᬂ᭞ᬫᬃᬕ᭄ᬕᬦ᭄ᬳᬫ᭄ᬧ᭄ᬭᬸ᭞ᬲ᭄ᬯᬃᬕ᭄ᬕᬦ᭄ᬳ᭄ᬬᬂᬯᬶᬱ᭄ᬡᬸᬩᬸᬫᬶ᭞ᬫᬃᬕ᭄ᬕᬦ᭄ᬲᬂᬥᬃᬫ᭄ᬫᬫ᭄ᬯᬂᬘᬸᬘᬸᬤ᭄᭞ᬤ᭄ᬫᭂᬦ᭄ᬫᬮᬚᬳᬶᬦ᭄ᬰᬲ᭄ᬢ᭄ᬭ᭞ᬢᬦ᭄ᬧᬍᬢᬸᬄ᭞
ᬤᬳᬢ᭄ᬢᬶᬦ᭄ᬤᬶᬄᬢ᭄ᬓᬾᬦ᭄ᬧᬢᬸᬢ᭄᭞ᬧᬕᭂᬄᬯᬦᬾᬦ᭄ᬭᬶᬂᬧᬧ᭄ᬭᬗᬦ᭄᭞ᬘᬘᭂᬧ᭄ᬢᬦ᭄ᬢᬺᬱ᭄ᬡᬭᬶᬂᬉᬭᬶᬧ᭄᭛ᬫ᭄ᬯᬂᬲᬂᬧ᭄ᬚᬄᬫᬧᬸᬢ᭄ᬭ᭞ᬳᬶᬓᬦ᭄ᬫᬸ᭞
[᭓᭙ 39A]
ᬲ᭄ᬯᬃᬕ᭄ᬕᬭᬶᬂᬯᬶᬱ᭄ᬡ᭄ᬯᬵᬪᬸᬫᬶ᭞ᬫ᭄ᬯᬂᬫᬃᬕ᭄ᬕᬦᬾᬓ᭄ᬮᭀᬤ᭄ᬓᬯᬸᬄ᭞ᬫᬃᬕ᭄ᬕᬦ᭄ᬯᭀᬂᬗᬧ᭄ᬫᬶᬲᬳ᭞ᬫᬩᬸᬩᬸᬭᬸ᭞ᬲᬶᬦᬓᬶᬢᬦ᭄ᬩᬸᬭᭀᬦ᭄ᬳᬕᬸᬂ᭞ᬬᬦ᭄ᬢᬦ᭄ᬳᬦᬫᬫᬺᬢᬶ
ᬱ᭄ᬝ᭞ᬤᬤᬶᬩᬸᬭᭀᬦ᭄ᬫᬦᬸᬫᬶᬢᬶᬲ᭄᭞᭛ᬢᭀᬫᬃᬕ᭄ᬕᬦᬾᬗᬚᬓᬯᬂ᭞ᬫᬃᬕ᭄ᬕᬦᬶᬂᬯᭀᬂ᭞ᬦᬾᬯᬶᬱᬬᬦ᭄ᬭᬶᬂᬯᬭᬶᬄ᭞ᬗᬸᬮᬢᬶᬩᬾᬓᬋᬧ᭄ᬳᬶᬗ᭄ᬲᬸ
ᬦ᭄᭞ᬲᬶᬦᬓᬶᬢᬦ᭄ᬭᬶᬂᬳᬸᬮᬫ᭄᭞ᬬᬦ᭄ᬢᬸᬫᬸᬯᬸᬲ᭄᭞ᬲᬃᬯ᭄ᬯᬳᬸᬍᬃᬤᬤᬶᬦᬶᬧᬸᬦ᭄᭞ᬤᬤᬶᬲᬳᬶᬲᬶᬦᬶᬂᬢᭀᬬ᭞ᬬᬦ᭄ᬢᬦ᭄ᬯᭂᬭᬸᬄᬜᬸᬤᬦᬶᬂᬳᬢᬶ᭛
ᬫᬃᬕ᭄ᬕᬦᬾᬗᬚᬓᬗᬶᬦᬂ᭞ᬯ᭄ᬯᬂᬳᬶᬗ᭄ᬲᬸᬦ᭄᭞ᬲᬂᬫᬗᬺᬋᬄᬧᬓ᭄ᬱᬶ᭞ᬳᬲᬶᬂᬓᬳᬋᬧ᭄ᬳᬶᬧᬸᬦ᭄᭞ᬤᬤᬶᬬᬲᬶᬦᬓᬶᬢᬦ᭄᭞ᬤᬾᬦᬶᬂᬫᬦᬸᬓ᭄
Kaca:Bali-lontar-paparikan-kuncara-karna-350ppi.pdf/39
Kaca puniki sampun kauji-wacén
