Kaca puniki sampun kauji-wacén
[᭒᭔ 24B]
᭒᭔
ᬗ᭄ᬕᬯᬦᬾᬓᭀᬘᬧ᭄᭞ᬫᬗ᭄ᬭᬯᭀᬲ᭄ᬭᬶᬂᬩᬜ᭄ᬘᬶᬗᬄ᭞ᬫᬲᬶᬄᬓᬫᭂᬗᬦ᭄ᬭᬶᬂᬳᬢᬶ᭞ᬳᭂᬗ᭄ᬲᭂᬧᭂᬓ᭄ᬫᬫᬦᬄ᭞ᬮ᭄ᬯᬶᬃᬢᬦ᭄ᬧᬚᬶᬯᬓᬭᬶ᭛ᬩᬦᬾ
ᬢᬦ᭄ᬧᬗᬗᭂᬦ᭄ᬲᬂᬓᬸᬜ᭄ᬘᬭᬓᬃᬡ᭄ᬦ᭞ᬩᬦᬶᬗᭂᬢᭀᬳᬂᬧᬢᬶᬳᬤᬫᬲᭂᬮ᭄ᬲᭂᬮᬦ᭄᭞ᬓᬮᬶᬯᬢ᭄ᬤᬾᬲᬂᬦᬵᬣ᭞ᬳᬯᬾᬄᬮᬭᬢᬦ᭄ᬲᬶ
ᬦᬶᬧᬶ᭞ᬳᬦᬳᬗᬸᬘᬧ᭄᭞ᬫᬗᬚᬓᬶᬦ᭄ᬫᬩᬮᬶᬓ᭄᭛ᬬᬦ᭄ᬯ᭄ᬭᬸᬄᬲᬸᬩᬭᬸᬲᬓ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬚᬮᬦ᭄ᬢᬸᬢᬸᬕ᭄ᬯᬦ᭄ᬢᬸᬦᬶᬦ᭄᭞ᬲᬂᬓᬸ
ᬜ᭄ᬘᬭᬓᬃᬡ᭄ᬦ᭞ᬚ᭄ᬦᭂᬂᬩᬳᬗ᭄ᬕᭀᬦ᭄ᬦᬵᬣ᭞ᬯᬾᬦ᭄ᬢᭂᬦ᭄ᬫᬮᬶᬄᬫᬜ᭠ᬳᬸᬭᬶᬦ᭄᭞ᬓᬬᬉᬚᬃᬢ᭞ᬫᬲᬶᬄᬳᬶᬯᬂᬳᬓᬶᬤᬶᬓ᭄᭛ᬤᬤᬶ
[᭒᭕ 25A]
ᬢ᭄ᬯᬭᬓᬬᬸᬦᬾᬲᬂᬓᬸᬜ᭄ᬘᬭᬓᬃᬡ᭄ᬦ᭞ᬜᭂᬦᭂᬂᬭᬢᬸᬤᬶᬦᬶ᭞ᬢᭀᬫᬲᬶᬄᬳᬶᬗᭂᬭᬂ᭞ᬤᬾᬦᬶᬂᬳᬶᬤᬜᬸᬲᬸᬧᬂ᭞ᬦᬶᬲ᭄ᬓᬮᬥᬃᬫ᭄ᬫᬫᬫᬸᬃᬢ᭄ᬢᬶ᭞ᬮ᭄ᬯᬶᬃᬲᬸᬢ
ᬲᭀᬫ᭞ᬩᬸᬯᬶᬦ᭄ᬳᬤᬮᬾᬦ᭄ᬫᬫᬸᬜᬶ᭛ᬚᬮᬦ᭄ᬧᬾᬢ᭄ᬳᬮᬶᬄᬳᬶᬤᬤᬶᬢᬸᬳᬢᬸᬭᬶ᭞ᬘᬶᬭᬶᬦ᭄ᬳᬦᬓᬾᬪᬓ᭄ᬢᬶ᭞ᬢᬸᬦᬲ᭄ᬲ᭄ᬯᬾᬘᬦ᭄ᬳᬶᬤ᭞ᬦᬾᬚ
ᬦᬶᬧᬘᬂᬭᬸᬲᬓ᭄᭞ᬳᬶᬤᬳᬢᬸᬭᬶᬦ᭄ᬫᬯᬮᬶ᭞ᬫᬜᬓ᭄ᬭᬦᬶᬂᬭᬵᬢ᭄᭞ᬧᬢᬸᬳᬂᬳᬚᬓ᭄ᬲᬫᬶ᭛ᬲᬶᬜᬧᬶᬮᬶᬄᬤᬶᬢᬸᬲᬶᬤᬓᬮᬶᬗ᭄ᬕ᭄ᬬᬦ᭄᭞ᬚ
ᬮᬦ᭄ᬩᬋᬂᬚᬮᬦᬶᬦ᭄᭞ᬬᬦ᭄ᬢ᭄ᬯᬭᬓᬳᬶᬘᬦ᭄᭞ᬜᬾᬤ᭄ᬟᬬᬂᬭᬳᬶᬦ᭄ᬳᬶᬤ᭞ᬳᬶᬤᬢᬦ᭄ᬓᬬᬸᬦ᭄ᬫᬯᬮᬶ᭞ᬫᬜᬓ᭄ᬭᬦᬶᬂᬭᬵᬢ᭄᭞ᬚᬮᬦ᭄ᬧᬾ
