Kaca puniki sampun kauji-wacén
[᭑᭕ 15B]
᭑᭕
ᬲᬶᬓᬲᬶᬓᬶ᭞ᬳᬮᬳᬬᬸ᭞ᬫᬸᬗ᭄ᬕᬄᬫᬓᭂᬚᬂᬤᬶᬳᬯᬓ᭄᭛ᬬᬾᬦ᭄ᬳᬤᬶᬲ᭄ᬟᭂᬓ᭄ᬫᬧᭂᬦᭂᬫᬦ᭄᭞ᬳ᭄ᬟᬵᬫᬗᬚᬓ᭄ᬳᬦᬓ᭄ᬲᬓᬶᬢ᭄᭞ᬳᬦᬓ᭄ᬲᭂᬥᬶᬄᬳ
ᬦᬓ᭄ᬧᬸᬜᬄ᭞ᬳᬦᬓ᭄ᬳᬶᬩᬸᬓ᭄ᬳᬦᬓ᭄ᬩ᭄ᬭᬗ᭄ᬢᬶ᭞ᬫᬫᬸᬜᬶᬤᭀᬬᬦ᭄ᬧᬮᬶᬂ᭞ᬫᬗᬮᬶᬗ᭄ᬓᬸᬂᬧᬢᬶᬓᬘᬸᬄ᭞ᬧ᭄ᬮᬶᬳᬾᬢ᭄ᬯᬭᬢᬯᬂ᭞ᬩ᭄ᬯᬶᬦ᭄ᬤᬢ᭄ᬯᬧᭂᬗ᭄ᬓᬸᬄᬕ
ᬮᬾᬫᬾᬓᬶᬦ᭄᭞ᬧᭂᬲᬸᬩᬸᬤᬸᬄ᭞ᬤᬾᬦᬶᬂᬓ᭄ᬦᭂᬳᬾᬫᬤᬸᬓᬦ᭄᭛ᬬᬾᬦ᭄ᬳᬤᬚᬍᬫᬮᭀᬩ᭞ᬫᬶᬲᬸᬡᬤᭂᬫᭂᬦ᭄ᬫᬫᬸᬜᬶ᭞ᬦᬾᬢᭀᬦ᭄ᬤᬾᬦ᭄ᬢ
ᬯᬂᬳᭀᬭᬳᬂ᭞ᬲᬳᬶᬫᭂᬦᬕᬶᬄᬭᬯᭀᬲᬶᬦ᭄᭞ᬢᭀᬚᬢ᭄ᬫᬮᬶᬯᬢ᭄ᬫᬶᬧᬶᬢ᭄᭞ᬢᬦ᭄ᬚᬗᬄᬢᬦ᭄ᬩᬶᬱᬢᬓᬸᬢ᭄᭞ᬢᭀᬲᭂᬧᭂᬢᬶᬦ᭄ᬫᬸᬯᬶᬭᬂ᭞ᬚ
[᭑᭖ 16A]
ᬳᬶᬮᬶᬦ᭄ᬲᭂᬫᭀᬦ᭄ᬲᭂᬫᭀᬦᬶᬦ᭄᭞ᬬᬾᬦ᭄ᬜᬲᬯᬸᬤ᭄᭞ᬲᬓᬶᬢᬶᬦ᭄ᬮᬯᬸᬢ᭄ᬚᬮᬦᬂ᭛ᬫ᭄ᬯᬂᬦᬾᬫᬩᬳᬢ᭄ᬩᬳᬢᬦ᭄᭞ᬳᭂᬦ᭄ᬢᭀᬳᬶᬗᭂᬢᬂᬭᬯᭀ
ᬲᬶᬦ᭄᭞ᬳ᭄ᬟᬵᬩᬳᬗᬕᬗ᭄ᬕᬗᬦ᭄᭞ᬩᭂᬍᬢᬂᬳᬶᬜ᭄ᬘᬗᬂᬬᬬᬶ᭞ᬯ᭄ᬯᬂᬢᬦᬶᬦᬾᬳᬲᬶᬳᬶᬦ᭄᭞ᬳᬧᬦ᭄ᬳᬗ᭄ᬕᭀᬳᬸᬮᬶᬤᬶᬢᬸ᭞ᬲᬗ᭄ᬓᬦᬳᬤᬢᬫ
᭞ᬲᬃᬯ᭄ᬯᬪᬸᬓ᭄ᬢᬶᬲᬳᬶᬲᬳᬶ᭞ᬲᬃᬯ᭄ᬯᬫᬸᬧᬸ᭞ᬯ᭄ᬯᬂᬢᬦᬶᬦᬾᬫᬗᬤᬓᬂ᭛ᬓᬾᬢᭀᬳᬤᬶᬢᭀᬳᬶᬗᭂᬢᬂ᭞ᬗᬶᬲᬶᬧᬜ᭄ᬚᬓ᭄ᬳᬧᬂᬢᬶᬦ᭄ᬤᬶᬄ᭞ᬭᬯᭀᬲᬾᬭᬗ᭄ᬓᬸᬲ᭄ᬩᬳ᭄ᬩᬳᬂ᭞ᬬᬾᬦ᭄ᬜᬲᬸᬩᬤᬤᬶᬕᬶᬦ᭄ᬢᬶᬂ᭞ᬤᬶᬢᬸᬮᬯᬸᬢ᭄ᬢᬶᬩᬦᬶᬦ᭄᭞ᬳ᭄ᬟᬵᬫᬗ᭄ᬯᬶᬭᬂᬧᬜ᭄ᬚᬓ᭄ᬤᬸᬲᬸᬦ᭄᭞ᬳᬚᬳᬶᬦ᭄ᬳ
