Kaca puniki sampun kauji-wacén
[᭕ 5B]
᭞᭕᭟
ᬰᬶᬮᬵ᭟᭔᭟ᬧᬸᬦᬶᬓᬵᬓ᭄ᬭᬡᬲᬭᬢᬂ᭞ᬓᬲᬸᬰᬶᬮᬦᬾᬧ᭄ᬮᬚᬳᬶᬦ᭄᭞ᬫᬢᬢᬪᬱᬵᬫᬓ᭄ᬦᭂᬳᬦ᭄᭞ᬭᬶᬂᬲᬫ᭄ᬧᬸᬦᬾᬲᬶᬥᬢᬸᬗ᭄ᬕᬶᬮ᭄᭞ᬧᬢᬸ
ᬭᬸᬫᬗᬸᬗ᭄ᬲᬶᬩ᭄ᬘᬶᬓ᭄᭞ᬳᬶᬮᬓ᭄ᬱᬡᬫᬸᬜᬶᬓᬳ᭄ᬬᬸᬦ᭄᭞ᬲᬫᬶᬲᬫᬶᬜᬸᬓᬦᬶᬂᬢ᭄ᬭᬲ᭄᭞ᬲᬂᬜᬶᬗᬓ᭄ᬫᬶᬄᬯᬄᬫᬶᬬᬃᬱᬶ᭞ᬬᬦ᭄ᬲᬳᬶᬓᬸ᭞ᬲᬫ᭄ᬧᬸ
ᬦ᭄ᬲᬶᬭᬲᬸᬫᬗ᭄ᬲᬬᬵ᭟᭕᭟ᬦᬶᬓᬶᬯᬾᬦ᭄ᬢᭂᬦ᭄ᬧᬧ᭄ᬮᬚᬳᬦ᭄᭞ᬧᬶᬢᬸᬢᬹᬃᬲᬂᬤ᭄ᬯᬶᬚᬵᬮ᭄ᬯᬶᬄ᭞ᬫᬸᬗ᭄ᬕᬸᬄᬭᬶᬂᬚᬭᬫᬹᬃᬘ᭄ᬘᬬᬵ᭞ᬜᬦ᭄ᬤᬂᬋᬲᭂᬧᬂᬲᬋᬂᬲᬫᬶ᭞
ᬢᬶᬗ᭄ᬓᬄᬫᬃᬕ᭄ᬕᬫᬳᭀᬢ᭄ᬢᬫᬶ᭞ᬲᬦᬾᬧᬢᬸᬢ᭄ᬧᬘᬂᬢᬸᬯᬸᬢ᭄᭞ᬫᬦᬸᬚᬸᬯᬂᬓᬲᬵᬫ᭄ᬧᬹᬃᬡ᭄ᬦᬦ᭄᭞ᬳᬸᬫᭂᬤᭂᬓ᭄ᬧᬵᬤᬳ᭄ᬬᬂᬯᬶᬥᬶ᭞ᬤᬵᬃᬣᬦ᭄ᬳᬶ
[᭖ 6A]
ᬧᬸᬦ᭄᭞ᬩᭂᬘᬶᬓᬂᬤᬾᬯᬫᬶᬋᬗᬂ᭟᭖᭟ᬲᬬᭀᬕᬦᬶᬓᬂᬧᬸᬭᬦ᭞ᬭᬶᬂᬰ᭄ᬭᬸᬢᬶᬓᬮᬯᬦ᭄ᬲ᭄ᬫᬺᬢᬶ᭞ᬦᬶᬓᬵᬫᬗ᭄ᬤᬳᬬᬸᬦᬶᬂᬭᬵᬢ᭄᭞ᬓᬬᬾᬓᬶ
ᬧᬶᬤᬃᬣᬦᬾᬓᬶ᭞ᬧᬸᬃᬡᬳᬶᬦᬸᬘᬧ᭄ᬭᬶᬓᬶ᭞ᬫᬢ᭄ᬕᭂᬲ᭄ᬕᬫᬧᬸᬦᬶᬓᬸ᭞ᬰ᭄ᬭᬸᬢᬶᬗᬭᬜ᭄ᬘᬢᬸᬃᬯᬾᬤᬵ᭞ᬲ᭄ᬫᬺᬢᬶᬓᬢᭂᬕᭂᬲᬂᬭᬶᬓᬶ᭞ᬥᬃᬫ᭄ᬫᬰᬲ᭄ᬢ᭄ᬭ᭞ᬲᬫ᭄ᬧᬸᬦᬶᬓᬵ
ᬓᬧᬶᬤᬵᬃᬣ᭟᭗᭟ᬫᬮᬶᬄᬳᬶᬓᬂᬘᬢᬹᬃᬯᬾᬤᬵ᭞ᬯᬾᬦ᭄ᬢᭂᬦ᭄ᬫᬓᬤᬸᬮᬸᬃᬦᬾᬓᬶ᭞ᬳᬢᬢᬓᬦ᭄ᬳᬶᬢᬶᬬᬰᬵ᭞ᬫᬳᬵᬩ᭄ᬭᬢᬳᬭᬦ᭄ᬬᬾᬓᬶ᭞ᬳᬶᬓᬂᬓᬃ
ᬫ᭄ᬫᬰᬲ᭄ᬢ᭄ᬭᬓᬶ᭞ᬫᬯᬸᬕ᭄ᬲᬩᬘᬓᬦ᭄ᬢᬸᬢᬹᬃ᭞ᬰᬲᬦᬦᬶᬂᬓᬲᬸᬰᬶᬮᬦ᭄᭞ᬲᬫ᭄ᬧᬸᬦᬶᬓᬶᬤᬵᬃᬣᬦᬾᬓᬶ᭞ᬭᬶᬗ᭄ᬓᭂᬲ᭄ᬳᬶᬧᬸᬦ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬢᬸᬢᬹᬭᬂ᭟᭘᭟
