[᭑᭑ 11B]
᭞᭑᭑᭟
ᬧᬘᬂᬭᬸᬭᬸᬄ᭞ᬳᬮᬶᬄᬲᬳᬶᬤᭂᬳᬾ᭞ᬦᬾᬳᬮᬶᬄᬬᬲᬸᬩᬤᬶᬦᬶ᭞ᬦᬾᬗᬮᬶᬄᬬᬲᬸᬩᬤᬶᬢᬸ᭞ᬫᬓᬭᭀᬓᬦ᭄ᬧᬥᬤᬶᬢᬸ᭞ᬲᬬᭀᬕᬢᬦ᭄ᬳᬦᬓᬃᬯ᭄ᬯ᭞
ᬢᬦ᭄ᬧᬳᬭᬄᬢᬦ᭄ᬧᬯᬲ᭄ᬢᬸ᭞ᬦᬶᬭᬢ᭄ᬫᬓᬵᬲᬹᬦ᭄ᬬᬦᬫ᭞ᬳᬶᬓᬵᬲᬚᬵᬢᬶᬦᬶᬂᬮᬶᬗ᭄ᬕᬵ᭟᭙᭟ᬧᬸᬄᬲᬶᬦᭀᬫ᭄᭟ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬶᬢᬦ᭄᭞ᬢᬶᬗ᭄ᬓ
ᬳᬾᬫᬦᭂᬫ᭄ᬩᬄᬯᬶᬥᬶ᭞ᬗᬦᬹᬢᬶᬦ᭄ᬦᬕᬭᬵᬓ᭄ᬭᬫ᭞ᬭᬶᬂᬳᬶᬦ᭄ᬤᬸᬢᬢ᭄ᬯᬯᬦᬃᬡ᭄ᬦᬶ᭞ᬧᬗᭂᬘᬭᬦᬶᬭᬂᬓᬮᬶᬄ᭞ᬫ᭄ᬧᬸᬲᬶᬤ᭄ᬤᬵᬓᬺᬢ᭄ᬣᬯᬦᬸᬯᬸᬲ᭄᭞ᬳᬶᬓᬶᬮᬦ᭄ᬭᬶᬂᬰᬶᬱ᭄ᬬ
ᬦᬶᬭ᭞ᬲᬂᬫᬾᬢ᭄ᬭᬶᬧᬲᬚ᭄ᬜᬦᬾᬓᬶ᭞ᬯᬾᬲ᭄ᬫᬦᬶᬧᬸᬦ᭄᭞ᬭᬶᬲᬶᬦ᭄ᬤᬸᬯᬢᬶᬦᬵᬕᬭᬵ᭟᭑᭟ᬭᬶᬂᬫᬮᬧ᭄ᬓ᭄ᬦ᭞ᬦᭂᬕᭂᬲᬶᬦ᭄ᬢᬸᬢᬹᬃᬲᬚᬵᬢᬶ᭞ᬳᬶᬭᬶᬓᬯᬾ
[᭑᭒ 12A]
ᬦ᭄ᬢᭂᬦ᭄ᬳᬶᬦᬸᬘᬧ᭄᭞ᬓ᭄ᬭᬫᬦᬶᬂᬫᬦᭂᬫ᭄ᬩᬄᬯᬶᬥᬶ᭞ᬩ᭄ᬘᬶᬓᬂᬤᬾᬫᬯᬫᬶᬬᬃᬱᬶ᭞ᬫᬗ᭄ᬤᬲᬫ᭄ᬧᬸᬦ᭄ᬲᬮᬄᬲᬸᬭᬸᬧ᭄᭞ᬳᬦ᭄ᬢᬸᬓ᭄ᬳᬶᬤᬫᬗ᭄ᬭᬗ᭄ᬲᬸᬓᬂ᭞ᬲᬸᬓ᭄ᬱ᭄ᬫᬦ᭄ᬢᬸᬢᬸᬭᬾᬍᬯᬶᬄ᭞
ᬫᬤᬓ᭄ᬱᬶᬤ᭄ᬤᬵ᭞ᬓᬤᬶᬧᬗᬾᬱ᭄ᬝᬶᬦᬶᬂᬘᬶᬢ᭄ᬢᬵ᭟᭒᭟ᬬᬦ᭄ᬲᬶᬭᬧᬘᬂᬫᬦᭂᬫ᭄ᬩᬄ᭞ᬩ᭄ᬘᬶᬂᬓᬂᬤᬸᬫᬸᬦ᭄ᬫᬮᬶᬗ᭄ᬕᬶᬄ᭞ᬓᬤᬶᬧ᭄ᬭᬡᬫ᭄ᬬᬦᬗ᭄ᬓᬶᬮᬵ᭞ᬫᬗᬺᬕᭂᬧ᭄ᬫᬗᭂᬦ᭄ᬢ
ᬕᬂᬓᬧ᭄ᬢᬶ᭞ᬳᬗ᭄ᬓᬶᬳᬦᬾᬩᬦ᭄ᬩᬦ᭄ᬳᬭᬶᬲ᭄᭞ᬢᬗᬦ᭄ᬓᬭ᭄ᬯᬮᬸᬳᬸᬭᬶᬂᬢᬹᬃ᭞ᬭᬶᬲᬫ᭄ᬧᬸᬦᬶᬂᬧᬳᬶᬗᬦᬦ᭄᭞ᬫᬢᬮᬗ᭄ᬓᬸᬧ᭄ᬢᬗᬦ᭄ᬓᬵᬮᬶᬄ᭞ᬲᬳᬲᭂᬓᬃ᭞ᬭᬭᬶ
ᬲ᭄ᬳᬸᬗ᭄ᬕᬳᬂᬧᬢᬳᬦ᭄᭟᭓᭟ᬧᬶᬂᬢᬶᬕᬵᬤᬾᬦᬶᬂᬫᬦᭂᬫ᭄ᬩᬄ᭞ᬳᬦ᭄ᬢᬸᬓ᭄ᬱᭂᬓᬃᬓᬧᬶᬂᬓᬮᬶᬄ᭞ᬓᬧᬶᬂᬢᬶᬕᬳᬦ᭄ᬢᬸᬓ᭄ᬯᬗ᭄ᬬ᭞ᬲᬢᬸᬗ᭄ᬕᬶᬮ᭄ᬯᬸᬲᬦ᭄ᬗᭂᬪᬓ᭄ᬢᬶ᭞ᬲᭂ
Kaca:Bali-lontar-paparikan-kretibuana-400ppi.pdf/12
Kaca puniki sampun kauji-wacén
